Hills Kawauchi ကိုလွမ်းဆွတ်ခြင်း

Hills Kawauchi ဆိုတာကတော့ ဂျပန်ပြည်ကနေရာလေးတစ်ခုပေါ့။ ရာဇ၀င်တင်လောက်အောင် ထင်ရှားတဲ့ နေရာလေးတစ်ခုလည်း မဟုတ်ပါဘူး။ လူသိများ ကျော်ကြားပြီး ကမ္ဘာလှည့်ခရီးသည်တွေ အပြေးအလွှား လာကြည့်ကြတဲ့ နေရာလည်း မဟုတ်ပါဘူး။ ဂျပန်ပြည်ရဲ့ မြေပုံထဲမှာ ရှာကြည့်ရင်လည်း တွေ့မှာ မဟုတ်ပါဘူး။ ဒါပေမဲ့ ကျွန်မအတွက်တော့ လွမ်းဆွတ်တသရမဲ့ နေရာလေးတစ်ခု အဖြစ် ရှိနေခဲ့ပါတယ်။ ဒီနာမည်လေးကိုလည်း ရင်ထဲမှာ စွဲငြိနေခဲ့ပါတယ်။

သမီးလေးရဲ့ အစီအစဉ်အရ Narita Airport ကို ဂျပန်ပြည်ရဲ့ မင်္ဂလာရှိသော နံနက်ခင်း တစ်ခုမှာ ရောက်ခဲ့ပါတယ်။ Narita Airport  ထဲမှာတော့ အားလုံးသက်ဝင် လှုပ်ရှားနေကြပါပြီ။ ဂျပန်စံတော်ချိန် ၆နာရီ မိနစ် ၄၀ ရှိပါပြီ။ အားလုံးကိစ္စပြီးလို့ လေဆိပ်အပြင်ရောက်တော့ ၈နာရီခွဲ ရှိပြီ။ သူများတွေ သွားတဲ့ အတိုင်းလိုက်သွားပြီး၊ ပစ္စည်းတွေ တွန်းလှည်းပေါ်တင် ထွက်ပေါက်ကနေထွက်လိုက်တော့ လာကြိုနေတဲ့ သမီးလေးကို ဗြုံးကနဲ တွေ့လိုက်ရတယ်။ ၀မ်းသာလွန်းလို့ ချိုပြုံးရွှင်နေတဲ့ သမီးလေးကို တွေ့လိုက်ရတော့ ရင်ထဲမှာ အတိုင်းမသိ ၀မ်းမြောက်ဝမ်းသာ ဖြစ်ရတယ်။ သမီးလေးနဲ့ မတွေ့ရတာ ၃ နှစ်ရှိပြီကိုး။

တိုကျိုမြို့ရဲ့ မြောက်ဘက် မိုင်၂၂၀ လောက်ဝေးတဲ့နေရာမှာ အေးချမ်းလှတဲ့ မြို့လေးတစ်မြို့ ရှိတယ်။ အဲဒီမှာ ရှိတဲ့ တိုဟိုကု တက္ကသိုလ်ကြီးဟာ ဂျပန်နိုင်ငံရဲ့ ကျော်ကြားတဲ့ တက္ကသိုလ် တစ်ခုပေါ့။ ဘာသာရပ်အမျိုးအစားများစွာ ကိုသင်ကြားပေးနေတဲ့ တက္ကသိုလ်ကြီးတစ်ခုပါပဲ။ သမီးလေးက အဲဒီမှာ ဒေါက်တာဘွဲ့ ရယူဖို့ ကြိုးပမ်းနေတဲ့ သူလေးတစ်ဦးပေါ့။ သမီးလေးတို့မြို့ကို တိုကျိုကနေ ဘစ်ကားနဲ့  ၅နာရီလောက်စီးရတယ်။ တိုကျိုမှာ နေ့လည်စာစားပြီး သမီးလေးတို့မြို့ကို ကားနဲ့သွားခဲ့တယ်။ သမီးလေးနေတဲ့ တက္ကသိုလ်အနီးက အဆောင်ကိုရောက်တော့ ညနေ ၆နာရီခွဲပါပြီ။ သမီးလေးနဲ့ ဖုန်းထဲကနေ အမြဲ ပြောဆိုနေတဲ့ နေရာကို အခုလို မျက်မြင်ကိုယ်တွေ့ တစ်ကယ်ရောက်ရှိခဲ့ရပြီ။ ရန်ကုန်ကနေ စင်ကာပူ ကို ၃နာရီ၊ စင်ကာပူ ချန်ဂီလေဆိပ်ကနေ နာရိတာ လေဆိပ်ကို ၆ နာရီ လေယဉ်စီးခဲ့ရပြီး သမီးလေးဆီကို အရောက်လာနိုင်ခဲ့ပါပြီ။

သမီးလေးနေတဲ့ အခန်းလေးက ဘယ်လိုနေပါလိမ့်။  သမီးလေး ပညာဆည်းပူးနေတဲ့ တက္ကသိုလ်ကြီးက ဘယ်လိုပါလိမ့်။ ကိုယ်နဲ့ လူမျိုးဘာသာ မတူသူတွေကြားမှာ သမီးလေး ဘယ်လိုနေထိုင်ဆက်ဆံနေပါလိမ့်...စသဖြင့် ကျွန်မရဲ့ အတွေးတွေ အဆုံးသတ်သွားခဲ့ရပါပြီ။ သမီးလေးရဲ့ သပ်ရပ်သန့်ရှင်းတဲ့ အခန်းလေးကို တွေ့ရပါပြီ။ ရာသီဥတု အအေးကြမ်းတဲ့ ဂျပန်ဆောင်းမှာ သမီးလေးရဲ့ နွေးထွေးတဲ့ အခန်းလေးနဲ့ နွေးထွေးအောင် ဖန်တီးပေးနိုင်တဲ့ အသုံးအဆောင်ပစ္စည်းတွေကို တွေ့ရပါပြီ။

သမီးလေးတို့ နေ့တဓူဝသွားလားလှုပ်ရှားနေရတဲ့ တက္ကသိုလ်ကြီးရဲ့ အဆောက်အဦး တွေကို တွေ့ရပါပြီ။ သမီးလေးတို့ ဌာနက အဆောက်အဦးကြီးဆီကိုလည်း ကိုယ်တိုင် ရောက်ခဲ့ရပါပြီ။ သမီးတို့ ကွန်ပြူတာများနဲ့ နေ့နေ့ညည ကြိုးပမ်းလှုပ်ရှားနေရတဲ့ အခန်းလေးကိုလည်း မြင်ခဲ့ရပါပြီ။ သမီးလေးကို ဂရုတစိုက် နည်းပေး ညွှန်ပြပေးနေတဲ့ သမီးရဲ့ professor ကိုလည်း တွေ့ဆုံ နှုတ်ဆက်ခွင့်ရပြီး သမီးလေးရဲ့ ကြိုးပမ်းလုပ်ဆောင်နေမှုတွေကိုလည်း ကြားခဲ့ရပါပြီ။ သမီးလေးနဲ့အတူ ပညာသင်ကြား နေကြတဲ့ ဖော်ရွေစွာ ဆက်ဆံကြတဲ့ သူငယ်ချင်းတွေကိုလည်း တွေ့ခဲ့ရပါပြီ။ သမီးလေးပြောပြလို့ ဂျပန်လူမျိုးတွေရဲ့ စည်းကမ်း စနစ်ကျပုံတွေ ကိုလည်း ကိုယ်တိုင် မြင်ခဲ့ရပါပြီ။

သမီးလေးနဲ့အတူ လွန်ခဲ့သော နှစ်ပေါင်းများစွာက တည်ထားခဲ့တဲ့ ဗုဒ္ဓရုပ်ပွားတော်ကြီး တွေဆီကိုလည်း တအံ့တသြဖူးခဲ့ရပါတယ်။ ဂျပန်နိုင်ငံရဲ့ နာမည်ကျော်ကြားတဲ့ သူရဲကောင်း၊ ဂျပန်စစ်သူကြီး တွေရဲ့ ခမ်းနားလှပတဲ့ အဆောက်အဦတွေနဲ့ သူတို့ ပိုင်ဆိုင်ခဲ့တဲ့ စိမ်းစိုလှပတဲ့ ဥယဉ်ကြီးတွေဆီကိုလည်း ရောက်ခဲ့ရပါတယ်။ ဂျပန်ရဲ့ အမှတ်တံဆိပ်တစ်ခု သဖွယ်ဖြစ်တဲ့ လှပခန့်ငြားတဲ့ ဖူဂျီတောင်ရဲ့ ရှုခင်းတွေကိုလည်း တစ်ဝကြီး ခံစားခဲ့ရပါသေးတယ်။ ပင်လယ်ကမ်းပါးပေါ်က ထူးခြားလှပတဲ့ မြို့လေးတစ်မြို့ ကိုလည်း သဘောင်္နဲ့ ရောက်ခဲ့ရပါတယ်။ တောက်ပြောင်လှပပြီး ပစ္စည်းတွေစုံလှတဲ့ ပလာဇာကြီးတွေမှာလည်း သမီးလေးနဲ့အတူ ဈေးဝယ်ခဲ့ရပါတယ်။

သမီးလေးတို့မြို့မှာ ဟနဘိဆိုတဲ့ မီးရှုးမီးပန်း တွေလွှတ်တင်တဲ့ ပွဲကိုလည်း တအံ့တသြ ငေးမောခဲ့ရပါသေးတယ်။ ဒီလိုမျိုးနေရာတွေကို သမီးလေးနဲ့အတူ အတူတကွ ခံစားပြီး လည်ပတ်ရလိမ့်မယ်လို့ မမျော်လင့်ခဲ့တာကတော့ အမှန်ပါပဲ။

ဒါတွေကို စိတ်အစဉ်မှာ ပြန်မြင်ယောင်နေခဲ့ပေမဲ့ ကျွန်မအလွမ်းဆွတ်ဆုံး နေရာလေးကတော့ Hills Kawauchi ပါပဲ။ ဘာကြောင့်လဲဆိုတော့ သမီးလေးနေတဲ့ အဆောင်ခန်းလေးက Hilss Kawauchi ဆိုတဲ့ တောင်ပူစာလေးပေါ်မှာ တည်ရှိနေလို့ပါပဲ။ အဲဒီနေရာလေးမှာ တစ်လဆိုတဲ့ အချိန်လေးကို သမီးလေးနဲ့ အတူ ကုန်ဆုံးခဲ့ရတယ်။ သမီးလေးရဲ့ သေးသွယ်ပြော့ပြောင်းတဲ့ လက်ကလေးတွေနဲ့ ထွေးဖက်ခံရပြီး စကားတွေ တစ်ဝကြီး ပြောခဲ့ရတယ်။  သမီးလေးကို စိတ်ခွန်အားတွေ လည်းပေးခဲ့မိတယ်လို့ ထင်ပါတယ်။ အပြန်တိုကျိုခရီးကိုတော့ ကြားသာကြားဖူးခဲ့တဲ့ ဂျပန်ရဲ့ ကျည်ဆန်ရထား ဆိုတာကြီးနဲ့ ပြန်ခဲ့ရတယ်။ 

သမီးလေးနဲ့ ခွဲခွာပြီး ပြန်လာတော့ စိတ်ပင်ပန်း၊ လူပင်ပန်းနဲ့ ပညာဆည်းပူးနေတဲ့ ရတဲ့ သမီးလေး စိတ်ချမ်းသာ၊ ကိုယ်ကျန်မားစွာနဲ့ လိုရာပန်းတိုင်ကို ဘေးအန္တရာယ်ကင်းစွာ နဲ့ လျှောက်လှမ်းနိုင်ပါစေ လို့ပဲ နေ့စဉ်ဆုတောင်းပေးနေမိပါတယ်။
Hills Kawauchi မှ မီးငယ်လေးအတွက် Hill ရန်ကင်းအနီးမှ မေမေ့ရဲ့ စာလေးဖတ်ပြီး အလွမ်းပြေနိုင်ပါစေ။


ချစ်သောမေမေ။

မှတ်ချက်။။ မေမေပေးပို့ခဲ့တဲ့ စာတွေထဲ့ ကျွန်မရဲ့ ရင်ကိုအထိဆုံး စာလေး တစ်စောင်ပါ။ ဒီစာကိုပြန်ဖတ်တဲ့ အခါတိုင်း မေမေ့ကို လွမ်းပြီး မျက်ရည်ကျမိပါတယ်။ ဒီစာကိုဖတ်ပြီးတိုင်း မိခင်တွေရဲ့ ချစ်ခြင်းမေတ္တာတရားကို အကြိမ်ကြိမ် လေးစား ဂရ၀ပြုမိပါတယ်ရှင်။

မေမေနာယူသော တရားများ-၉

မေမေ ဒီနေ့နာယူတဲ့ တရားကတော့ သြဂ ၄ ပါး တရားပါပဲ။ မီးငယ်လေးလဲ ကြားဖူးပြီးဖြစ်မှာပါ။
(၁) ကာမောဂ (၂) ဘဝေါဂ (၃) ဒိဌောဂ (၄) အ၀ိဇောဂ ဆိုတဲ့ တရားတွေပါပဲ။

ငါးပါးအာရုံ ကာမဂုံကို ခင်တွယ်တာက ကာမောဂပေါ့။ မေမေတို့တွေမှာ မိုလင်းတာနဲ့ ခင်စရာမင်စရာ တွေ၊ ခင်တယ် မင်တယ်ဆိုတာတွေ၊ အဆင်း အသံ အနံ့ အရသာ တွေ့ထိစရာတွေကို ခုံမင်တွယ်တာ တာတွေက ကာမောဂပါပဲ။

ဘဝေါဂ ကတော့ မေမေတို့တွေမှာ မရှိဘူး။
အဲဒါက ရူပဘုံ၊ အရူပဘုံတွေကို ခင်တွယ်တာ။ ရထားပြီးတဲ့ ဈာန်ကို သာယာတာ။

ဒိဌောဂ ကတော့ ငါ့ကိုယ် ငါ့ဟာ ထင်တာတွေပေါ့။

အ၀ိဇောဂ ကတော့ သစ္စာလေးပါး မသိတာပါပဲ။
သူက တစ်နေ့တစ်နေ့ လူတွေကို ကျောင်းသွားခိုင်း၊ အလုပ်သွားခိုင်း၊ တနေ့လုံးမူးနေအောင် ခိုင်းပြီး အပါယ်ကို ဆွဲချတဲ့ တရားပါပဲ။

ဝဲထဲကို သစ်ရွက်တစ်ရွက် ကျသွားရင် ပထမကျယ်ကျယ်လှည့်၊ နောက်ပြီးတော့ တဖြည်းဖြည်း ကြမ်းကြမ်းလှည့် တာခံရပြီး မြုပ်သွားတာပေါ့။ တစ်ချို့လူတွေက အိမ်ကနေ လှည့်တယ်။ တစ်ချို့က သွားလာပြီ လှည့်တယ်။ ဒါပေမဲ့ လှည့်နေမှန်းလဲမသိ ဖြတ်လဲမဖြတ်နိုင် ဖြစ်နေကြရတယ်။ မနက် မိုးလင်းလို့ ကျောင်း/အလုပ်ကို ငါသွားမယ် ဆိုတော့ ဒိဌာဂနဲ့သွား။ နောက်တော့ မြင်တာ ကြားတာ ခင်တွယ်တာနဲ့ အတူနေတယ်။ အလုပ်ထဲ စိတ်ရောက်ပြီး နေပြန်တော့ အ၀ိဇောဂနဲ့ နေတာပေါ့။

နတ်သားတစ်ပါးက ဘုရားရှင်ကို သြဂ ၄ ပါးမှ လွတ်အောင် ဘယ်လိုလုပ်ခဲ့သလဲ လို့ မေးသတဲ့။ ဒီတော့ ဘုရားရှင်က သြဂကလွတ်အောင် ''ငါဟာ ရပ်လဲမနေဘူး။ အားလဲမထုတ်ဘူး။'' လို့ ဖြေပါတယ်။
ရပ်နေတယ် ဆိုတာက ရိုးရာအတိုင်း သွားလာရောင်းဝယ်ပြီး မိမိရဲ့ သား၊ လင် ခင်ပွန်းနဲ့ နေထိုင်ကြတာကို ခေါ်ပါတယ်။ အားထုတ်တယ် ဆိုတာကတော့ ဆရာမှားနဲ့တွေ့ပြီး မဟုတ်တဲ့ တရားတွေကို အားထုတ်မိတာ။ ဘုံဘ၀တောင့်တပြီး လှူဒါန်းပေးကမ်းတာတွေကို ဆိုလိုပါတယ်။ မြုပ်လမ်းနဲ့ မြောလမ်း ကိုရှောင်ရှားတဲ့ နည်းပါပဲ။ အဲဒီတော့ သြဂ ၄ပါးက လွတ်အောင် အလယ်လမ်းမှာ နေရပါမယ်။

အလယ်လမ်းဆိုတာက နှလုံးသွင်းမှန်တဲ့ လမ်းပါ။ ဘယ်မှာ နှလုံးသွင်းမှန်ရမှာလဲ ဆိုတော့ ခန္ဒာ ငါးပါးဟာ ဒုက္ခပဲ။ အနိစ္စပဲ အနတ္တပဲ လို့သိရမှာပါ။ ပင်ကိုယ်အရှိနဲ့ အသိကိုက်တာဟာ နှလုံးသွင်းမှန်တာပါပဲ။ ဥပမာ..ခန္တာကိုယ်တစ်နေရာမှာ ယားတယ်ဆိုရင် ငါယားတာလား...ဝေဒနာဒုက္ခပေါ်တာလား။ အမှန်သိရင် ဝေဒနာပေါ်တာပါ။

နှလုံးသွင်းမှန်ရင် သမ္မာဒိဌိလိုက်ပါတယ်။
နှလုံးသွင်း မှားရင် မိစ္ဆာဒိဌိ လိုက်ပါတယ်။
ဒါကြောင့် သုခဝေဒနာပဲဖြစ်ဖြစ်၊ ဒုက္ခ ဝေဒနာပဲဖြစ်ဖြစ် ၊ ဥပက္ခာဝေဒနာပဲ ဖြစ်ဖြစ်
ဖြစ်တာကို သိပါ။ ပျက်တာကိုလဲ သိနေရပါမယ်။ ဆရာတော်ကြီးက မျက်ရည်ကျလောက်အောင်လဲ ကျင့်စရာမလိုပါဘူးတဲ့။ ဖြစ်တာလေးနဲ့ ပျက်တာလေးကို နှလုံးသွင်းမှန်မှန်နဲ့ သိနေရင် သြဂ ၄ပါးမှ လွတ်မြောက်နိုင်ပါတယ်တဲ့။

သြဂ ၄ပါးမှ လွတ်မြောက်၍ အိုနာသေ ကင်းရာနိဗ္ပာန်သို့ ရောက်ရှိနိုင်ကြပါစေ။
12th June, 2009

မေမေနာယူသောတရားများ-၈

ဒီနေ့နာရတဲ့ အရေးတစ်ကြီး သိရမဲ့တရားကို ရေးပေးလိုက်ပါတယ်။
တရားရဲ့ ခေါင်းစဉ်က စိတ္တာဝိပဿနာရှုနည်း ဖြစ်ပါတယ်။ မကြာခဏလဲ နာရပါတယ်။ မေမေတို့မှာ ဆရာတော်ကြီး ဟောတဲ့အတိုင်း အလေ့အကျင့် လုပ်နေရမှာပါ။ အလေ့အကျင့်ဆိုတာ ၀ိပဿနာတရား အားထုတ်နေတာ ပါပဲတဲ့။
မေမေတို့ရဲ့မျက်လုံးနဲ့ အဆင်းတစ်ခုကိုမြင်ရင် မြင်စိတ်ပေါ်တယ်။ တစ်နည်းအားဖြင့် ခန္တာပေါ်လာတာပါ။ မေမေတို့ သိနေတဲ့ ခေါင်း၊ ခါး၊ ခြေ၊ လက် ဆိုတဲ့ ခန္တာမဟုတ်ပါဘူး။ ၀ိဥာဏ်နက္ခ န္တာတစ်ခုပေါ်တာပါ။ အဲဒီခန္တာက အခုမှာ မြင်မှ ပေါ်လာတာပါ။ ယခင်ကရှိနေတာမဟုတ်ပါဘူး။ မြင်ပြီးရင် ပျက်ပါတယ်။ ဒါပေမဲ့ မြင်လိုက် ပျက်လိုက် ရုပ်ခန္တာ နာမ်ခန္တာတွေရဲ့ အဖြစ်က မြန်လွန်းတော့ တစ်ဆက်တည်း မြင်နေတယ်လို့ ထင်ရတယ်။

မီးမီးနဲ့ မေမေ ဖုန်းပြောတော့ အသံကြားရတယ်။ ပြောတဲ့ အချိန်မှ ပေါ်လာတာ ၀ိဥာဏ်နက္ခ န္တာပါပဲ။ ဒါလဲ ကြားပြီး ပျက်ပါတယ်။ ထိုနည်း၎င်းပဲ နံစိတ်၊ မွှေးစိတ်၊ စားစိတ်၊ ယားနာကောင်းစိတ်၊ တွေးတောစိတ်၊ ၀မ်းသာစိတ်၊ ၀မ်းနည်းစိတ်၊ ၀မ်းသာ ၀မ်းနည်းမဟုတ်တဲ့ သာမာန်စိတ်တွေက တစ်ခုမဟုတ် တစ်ခုပေါ်နေပါတယ်။ ဒါတွေ ဘာမှမရှိရင် လေကို ရှူချင်တဲ့စိတ်၊ လေကို ထုတ်ချင်တဲ့စိတ် ဒီ၂ခုကတော့ အမြဲပေါ်နေပါတယ်။ မီးမီး ဒီစာကို ဖတ်နေရင် စာတွေကို မြင်တဲ့စိတ်ကလေးတွေ ပေါ်နေတာကို သိနေပါ။ စာဖတ်ရင်းနဲ့ စိတ်ကတစ်ခုခုကို ရောက်သွားရင်လဲ တွေးတောစိတ်လေးပေါ်နေတာ သိလိုက်ပါ။ စာဖတ်ရင်း ငြီးငွေ့သွားရင် လေကို ရှူနေတဲ့စိတ်ကလေးနဲ့ လေကိုထုတ်လိုက်တဲ့စိတ် ကိုသတိပြုနေလိုက်ပါ။ အဲဒီစိတ်က မနောမှာ ပေါ်တာပါ။ နှာခေါင်းမှာ လေ၀င်တာ ထွက်တာကို ရှုခိုင်းတာမဟုတ်ပါဘူး။ စိတ်ကိုပဲ ရှုခိုင်းတာပါ။

မေမေတို့ ဘုရားဂုဏ်တော်ကို ရွတ်ဆိုတဲ့အခါမှာ သံဒိဌိကော၊ အကာလိကော၊ ဧဟိပသိကော လို့ ဆိုတယ် မဟုတ်လား။ သံဒိဌိကောဆိုတဲ့ အဓိပ္ပါယ်က သာမံပသိကော ... ကိုယ့်သန္တန်မှာဖြစ်တဲ့ တရားကို ကိုယ်တိုင်မြင်ရမယ်တဲ့။ သံဒိဌိကော ရှေ့သွားရှိမှ အကာလိကော နိဗ္ပာန်ရမယ်။ တစ်နည်းအားဖြင့် ကိုယ့်သန္တန်မှာဖြစ်တဲ့ တရားကို ကိုယ်တိုင်မြင်မှ နိဗ္ပာန်ရပါမယ်။

မေမေတို့တွေဟာ တစ်သံသရာလုံး ကိုယ်ဘာဖြစ်နေလဲဆိုတာ မသိခဲ့ကြလို့ နိဗ္ပာန်မရကြတာတဲ့။ ဒီတော့ မီးငယ်လေးလဲ အခုမေမေ့စာကို ဖတ်လို့သဘောကျရင်လဲ သဘောကျတဲ့ စိတ်ကလေးကို သိလိုက်ပါ။
အော်ဒါနဲ့...သိရုံတင်မဟုတ်ပဲ အဲဒီစိတ်ကလေးက ဖြစ်ပြီးပျက်သွားတာလေးပါ ဆက်သိလိုက်ပါအုန်း။

11th June,2009

မေမေနာယူသောတရားများ-၇

မီးငယ်လေးရေ...

ဒီနေ့ မေမေနာရတဲ့ တရားကတော့ တော်တော်လေးနက်လို့ သဘောပေါက်အောင် ကြိုးစားပြီး နာရပါတယ်။ ဘုရားရှင်တော်မြတ် ဟောကြားတဲ့ တရားတွေကို နားလည်သိရှိနိုင်တဲ့ ဥာဏ်မရှိကြတဲ့ လူအချို့ဟာ မယုံကြည်ကြဘူး။ မယုံမရှိကြပါနဲ့ တဲ့။ ဘုရားရှင်ကို ပြစ်မှားသလို ဖြစ်တတ်ပါတယ်။ မေမေတို့ ပုထုဇဉ်တွေရဲ့ အဖြစ်ကို သုံးသပ်ကြည့်ရင် သစ္စာ ၄ ပါးမှာ သမုဒယသစ္စာနဲ့ ဒုက္ခသစ္စာ ၂ မျိုး ပဲလှည့်နေပါတယ်။
သမုဒယသစ္စာက မိုက်မဲမှု၊ ဒုက္ခသစ္စာက ဆင်းရဲမှု ပဲရှိတယ်။

လူမင်း၊ နတ်မင်း၊ ဗြဟ္မာမင်း တွေဖြစ်ကြပေမဲ့ ဒါတွေဟာ ပြင်ပဆိုင်းဘုတ် ဆွဲထားတာပဲ။
အတွင်းမှာ ကြည့်ရင်တော့ မိုက်မဲမှုနဲ့ ဆင်းရဲမှုပဲ ရှိတယ်။

ဒီတော့ မေမေတို့ ပုထုဇဉ်တွေက အချိန်တိုင်း တပည့်တော်တို့ ဆင်းရဲမှုမရှိပါဘူးဘုရား...ချမ်းသာတဲ့ ခံစားမှုလေးတွေလဲ ရှိပါသေးတယ် လို့ပြောရင် မမှန်ပါဘူးတဲ့။ မေမေတို့ ခန္ဒာမှာ စက္ကန့်မလပ် ဖြစ်မှု ပျက်မှု တွေရှိနေတာကို မသိကြလို့ ပြောကြတာပါတဲ့။ ဒီ အယုတ်သစ္စာ ၂ပါးကိုပဲ အပိုင်ရထားကြရတယ်။ ဒါကြောင့် လိမ္မာမှုနဲ့ ချမ်းသာမှုကို ရအောင် တရားနာ တရားအားထုတ်ကြရတယ်။ အောက် သံသရာမှာ လည်နေရတဲ့ ဒုက္ခခရီးသည်တွေဟာ အမှောင်မှာ မွေးပြီး အမှောင်ထဲမှာပဲ သေကြရတယ်။ ဒါတွေရဲ့ လက်သည် တရားခံကတော့ အ၀ိဇ္ဖာနဲ့ တဏှာကြောင့်ပါပဲ။
အ၀ိဇ္စာနဲ့ တဏှာ ဘာကြောင့်ဖြစ်သလဲဆိုတော့ အသုတ၀ါ ပုထုဇနော (အကြားအမြင် မရှိတဲ့ ပုထုဇဉ်) ဖြစ်လို့ပါပဲ။ အကြားအမြင် မရှိဘူး ဆိုတာက ဥာဏ်မျက်စေ့ကန်းပြီး ဥာဏ်နား မပါတာကို ပြောတာပါ။ ပုထုဇဉ် ဆိုတာက ကိလေသာထူသူပေါ့။ ဒါကြောင့် သုတ၀ါအရိယာသာဝကော (အကြားအမြင်ရှိသူ) ဖြစ်အောင် မလုပ်ကြရင်တော့ မိုက်မဲမှုနဲ့ ဆင်းရဲမှုမှာပဲ လှည့်နေကြရလိမ့်မယ်။

မေမေတို့ အဖြစ်က ဘာနဲ့တူသလဲ ဆိုရင် ဘုရားရှင်က ချည်တိုင်၊ ကြိုး၊ လည်ပတ်၊ ခွေး နဲ့ ဥပမာ ပြပါတယ်။
ကြိုး က တဏှာ၊
လည်ပတ်က ဒိဌိ၊
ချည်တိုင် က ခန္ဒာ ငါးပါး၊ ဆိုတဲ့ သဘော ဖြစ်ပါတယ်။
ဒီခွေးရဲ့ လည်ပတ်ကို ကြိုးနဲ့ချည်ပြီး ကြိုးကို ချည်တိုင်မှာ ချည်ထားရင် ဒီခွေးဟာ ဒီနားမွေး၊ ဒီနားမှာပဲ အစာစား၊ ဘယ်မှ မလွတ်ပါဘူး။ ဒီအဖြစ်က လွတ်ကင်းအောင် လည်ပတ်ဖြုတ်ရပါမယ်။
ဓမ္မ သဘောနဲ့ပြောရရင် မေမေတို့ ပုထုဇဉ်တွေဟာ ခွေးနေ နေပြီး၊ ခွေးသေ သေရတာနဲ့ မထူးပါဘူး။ တစ်သံသရာလုံးမှာ ဒီဇာတ်ပဲ ခင်းခဲ့ကြတယ်။ ဒါကြောင့် အခုလို အသိဥာဏ်ရှိတဲ့ ဘ၀ရောက်ခိုက်မှာ ဒီဇာတ်သိမ်းဘို့ ဒိဌိဖြုတ်ရပါမယ်။

ဒိဌိဖြုတ်ဖို့က ပဋိစ္စသမုပါတ် အစနဲ့အဆုံး သိရပါမယ်။ အခု..မီးငယ်လေးက အိမ်အကြောင်း ကိုတွေးလိုက်ရင် တွေးစိတ်ကလေးပေါ်ပါတယ်။ တွေးစိတ် ဆိုတာက ၀ိဥာဏ်နက္ခန္ဒာ ပဲ။ ဒီတော့ ငါတွေးတာလား...၀ိဥာဏ်နက္ခန္ဒာ ပေါ်တာလား လို့ စဉ်းစားရမှာပါ။ အဲဒီ အတွေးစိတ်လေးလဲ ဖြစ်ပြီး ပျက်ပါတယ်။ ဒီလိုပဲ ခန္ဒာ ငါးပါး ပေါ်ပျက်၊ ဖြစ်ပျက် သူ့အကြောင်းနဲ့ သူ့အကျိုး ဖြစ်ပျက်နေတာကို သဘောပေါက်လာရင် ဒိဌိလည်ပတ်ပြုတ်ပြီး လိမ္မာမှုနဲ့ ချမ်းသာမှုဆိုတဲ့ မဂ်တရားနဲ့ နိဗ္ပာန်ရနိုင်မှာပါ။ ဒီတရားက လေးနက်တဲ့အတွက် တစ်ဖြည်းဖြည်း ပြန်ဖတ်ပြီး စဉ်းစားကြည့်နိုင်ပါစေ။
နောက်မှ ဆက်ရေးအုံးမယ်။
ချစ်မေမေ
3rd June, 2009

မေမေနာယူသောတရားများ-၆

မီးငယ်လေးရေ....
မေမေဒီနေ့ နာရတဲ့ တရားကတော့ အားတက်စရာတရားတစ်ပုဒ်ပါပဲ။
သံသရာဆိုတာ ဘာလဲဆိုရင် မိမိအခါခါ သေနေတာ သံသရာတဲ့။ ဒီနေရာမှာ သေတယ် ဆိုတာ မေမေတို့ နာလည်ထားတဲ့ အလောင်းကြီးကို ပြောတာမဟုတ်ဘူး။
မျက်စေ့တစ်မှိတ်အတွင်းမှာ ရုပ်ခန္တာပေါင်း ကုဋေ ၅၀၀၀ နာမ်ခန္တာပေါင်း ကုဋေ ၁သိန်း ပျက်နေတာကို ပြောတာပါ။ ပျက်လိုက် အစားထိုးလိုက် နဲ့ ဖြစ်ပျက်နေတာတွေကို စဉ်းစားကြည့်ရင် မချမ်းသာပါဘူး။ ဆင်းရဲပါတယ်။
ပေတကော ပဒ္ဒေသပါဠိတော်မှာ အရှင် အနန္ဒာက ဟောထားပါတယ်။ အချက် ၂ ခုကိုလိုက်နာရင် နိဗ္ပာန် ရနိုင်ပါတယ်တဲ့။ အဲဒီအချက် ၂ ချက်က
၁) သစ္စာတရားနာရမယ်။
၂) မိမိရဲ့ ခန္ဒာကိုယ်ကို နှလုံးသွင်းမှန်ရမယ်။

အဲဒီ အချက် ၂ ချက်ကို မပျောက်ပျက်အောင် သေသေချာချာ သိမ်းကြပါတဲ့။ ကိုယ့်ပစ္စည်းပျောက်ရင် မွဲရုံပဲရှိမယ်။ ကိုယ့်သားသမီး ပျောက်တာလဲ အရေးမကြီးဘူးတဲ့။ ဘ၀အဆက်ဆက်မှာ ပျောက်ပေါင်းများလှပါပြီတဲ့။
ဒီအချက် ၂ ချက် ပျောက်ရင်တော့ အိုပွဲ၊ နာပွဲ၊ သေပွဲ တွေဟာ ကိုယ့်ပစ္စည်းဖြစ်မှာ ပဲတဲ့။
ခန္ဒာပေါင်းစုံ၊ ငရဲပေါင်းစုံမှာ ကြုံခဲ့ရတာ ဒီအချက် ၂ ချက် ပျောက်ခဲ့လို့ပဲ။
သစ္စာတရားနာတဲ့ နေရာမှာ ခန္ဒာဟာ ဒုက္ခသစ္စာ ပဲလို့သိနေရင် ကိလေသာ အစေးတွေ ခမ်းခြောက်တယ်။
ခြောက်နေတဲ့ သစ်တုံးကို မီရှို့လို့လွယ်သလိုပဲ။ ကိလေသာ အစေးခြောက်နေရင် မဂ်မီးနဲ့ ရှို့ရင်လောင်လွယ်ပါတယ်။

မိမိခန္ဒာမှာ ဖြစ်ပျက်တွေရှိပါလား လို့နှလုံးသွင်းနေရမှပါ။ ၀မ်းသာရင်လဲ ၀မ်းသာတဲ့ စိတ်က ဖြစ်ပြီးပျက်ရတာပဲ။ ဘာမဆို ဖြစ်ပြီးရင် ပျက်ရမှပါလား လို့ နှလုံးသွင်းမှန်နေရမှာပါပဲ။
(2nd June, 2009)

မေမေနာယူသောတရားများ-၅

မီးငယ်လေးရေ...
ဒီနေ့ မေမေနာကြားရတဲ့ တရားကတော့ နိဗ္ပာန်သွား လမ်းပြမြေပုံတဲ့။
ဆရာတော်ကြီးက မေမေတို့တွေဟာ နိဗ္ပာန်ကိုတော့ ရောက်ချင်ကြတယ်။ လယ်လမ်းကဘယ်လို သွားရမလဲလို့ တွေးဆနေကြရတယ်တဲ့။ ဒီတော့ ဆရာတော်ကြီးက လမ်းပြမြေပုံ တစ်ခုပေးလိုက်ပါတယ်။ နိဗ္ပာန်ရောက်ဖို့ သမ္မာဒိဌိ (မှန်ကန်စွာသိခြင်း) က အရေးကြီးဆုံး ဖြစ်ကြောင်း မှတ်ထားကြရမယ်။ သမ္မာဒိဌိရဖို့ကတော့ တရားနာပြီး မှန်ကန်စွာ နှလုံးသွင်းမှု ရှိရမယ်။
အဲဒီ တရားကလဲ ဘယ်လိုတရားမျိုးလဲဆိုရင် နိသတ္တနိဇီဝတရားဖြစ်ရမယ်။ နိသတ္တနိဇီဝတရား ဆိုတာက သတ္တ၀ါမဟုတ်၊ ရုပ်နာမ်ဘဲ။ မိမိခန္တာ၊ သားသမီးခန္တာ၊ မိမိပစ္စည်း ဆိုတာတွေမရှိဘူးလို့ ဆိုတဲ့ တရားမျိုးကို ဆိုလိုပါသတဲ့။

မေမေတို့ တစ်တွေဟာ သံသရာမှာ မြေပုံ ပျောက်ခဲ့ကြလို့ ဘုရားအဆူဆူနဲ့ လဲလွဲခဲ့ရသလို အပါယ် ၄ဘုံမှာလဲ ကျင်လည်ခဲ့ကြရတယ်။
မြေပုံပျောက်ရင် ဒီဌိရောက်မယ်။
ဒိဌိရောက်ရင် အိုနာသေနဲ့ တွေ့ရမယ်။
အိုနာသေက တဏှာကလာတယ်။
တဏှာက ခင်ရာမင်ရာကလာတယ်။
ခင်ရာမင်ရာသည် ရုပ်နာမ် ဓမ္မဖြစ်ပျက် တွေပဲလို့ သိနေမှ မြေပုံမပျောက်မှာတဲ့။

မေမေက ဆရာတော်ကြီးပေးတဲ့ နိဗ္ပာန်လမ်းပြမြေပုံ ကို သမီးတို့တွေအတွက် ကော်ပီကူးပေးလိုက်ပါပြီ။
အိုနာသေဘေးမှ လွတ်ဖို့ သေချာသိမ်းထားပြီး ကျင့်ကြံပါ။
(29th May, 2009)

မေမေနာယူသော တရားများ-၄

မီးငယ်လေးရေ...
ဒီနေ့ မေမေနာယူတဲ့ တရားကလဲ အလွန်မှတ်သားထိုက်တဲ့ တရားပါပဲ။ ဆရာတော်ကြီးဟာ ရဟန္တာပုဂိုလ်ကြီး ဖြစ်လို့ သူရဲ့တရားတွေဟာ ဘာမှ အပိုမပါဘူး။ အကျိုးအကြောင်းပြပြီး သိပ်ဟောတတ်ပါတယ်။
ဗျာဓိဆိုတဲ့ နာခြင်းတရားကလဲ မေမေတို့ ခန္တာကိုယ်ထဲမှာ အမြဲ နှိပ်စက်နေပါတယ်တဲ့။ ထိုင်နေရင်း ထလိုက်ရ၊ ထရင်းက ထိုင်လိုက်ရ၊ ညောင်းလိုက်ရ၊ ပူလိုက်ရ နဲ့ ဗျာဓိဆိုတဲ့ နာခြင်းတရားလဲ အမြဲရှိနေပါတယ်။ ဘုရားရှင်က သစ္စာသိအောင် မိမိကိုယ်ကို သုံးသပ်ရမယ်လို့ ဟောပါတယ်။

သစ္စာမသိလို့ သံသရာရှည်ရတယ်။ အကြောင်းသစ္စာ၊ အကျိုးသစ္စာ ခွဲခြားသိတတ်ရပါမယ်။
မေမေတို့မှာ ဘာကြောင့် ဇရာဗျာဓိနှိပ်စက်နေရတာလဲလို့ သုံးသပ်ကြည့်တော့ ခန္တာငါးပါး ရှိလို့ဖြစ်ရတယ်။
ခန္တာငါးပါးသည် အကြောင်း သမုဒယသစ္စာ
ဇရာမရဏသည် အကျိုး ဒုက္ခသစ္စာ ဖြစ်တယ်။

ခန္တာငါးပါး  ဘာကြောင့် ဖြစ်ရတာလဲလို့ သုံးသပ်ကြည့်ပြန်တော့ တဏှာကြောင့် ဖြစ်ရတယ်တဲ့။ တဏှာ ဘယ်ကလာလဲလို့ ဆက်ပြီး သုံးသပ်ကြည့်ပြန်တော့ ခင်ရာမင်ရာက လာပါတယ်။ ခင်ရာမင်ရာ ဆိုတာက အယတန ၁၂ပါး (မျက်စိ၊ နား၊ နှာ၊ လျှာ၊ ကိုယ်၊ စိတ်၊ မြင်စိတ်၊ ကြားစိတ်၊ နံစိတ်၊ စားစိတ်၊ ယားနာကောင်းစိတ်၊ တွေးတောစိတ်) နဲ့ ဓာတ် ၁၈ပါး တို့ကိုခေါ်တာပါ။
ခင်ရာမင်ရာကိုဖြတ်မှ ခင်တာမင်တာဆိုတယ် တဏှာပြတ်ပါတယ် တဲ့။
ခင်ရာမင်ရာကိုဖြတ် ဖို့ကတော့ ၀ိပဿနာရှုရပါမယ်။
ဘုရားရှင်ကိုယ်တော်မြတ်ကြီး မိန့်တော်မူခဲ့တဲ့အတိုင်း ၀ိပဿနာရှုပွားခြင်းဟာ ဘုရားရှင် အကြိုက်ဆုံး ဘုရားရှင်အား ပူဇော်ခြင်းပါပဲ။

ဒီတော့ လောကလူသားတွေကို သံသရာမှ ကျွတ်လွတ်စေလို၍ ဘုရားဖြစ်အောင် ကြိုးပမ်းအားထုတ်ခဲ့ရတဲ့ ဘုရားရှင်ကိုယ်တော်မြတ်ကြီးကို နေ့စဉ် ၀ိပဿနာတရား ကျင့်ကြံခြင်းဖြင့် ပူဇော်ကြပါစို့လား။
28th May,2009

မေမေနာယူသော တရားများ-၃

မီးငယ်လေးရေ...
ဒီနေ့ မေမေနာယူတဲ့ တရားကတော့ ကြွက် (၄)မျိုး ရှိတယ်တဲ့။
ပထမအမျိုးအစားက တွင်းကိုတော့ တူးတတ်တယ်၊ တွင်းမအောင်းတတ်ဘူး။
ဒုတိယအမျိုးအစားက တွင်းမတူးတတ်ဘူး။ ဒါပေမဲ့ တွင်းအောင်းတတ်တယ်။
တတိယအမျိုးအစားက တွင်းလဲ မတူးတတ်ဘူး။ တွင်းလဲမအောင်းတတ်ဘူး။
စတုတ္တအမျိုးအစားက တွင်းလဲ တူးတတ်တယ်။ တွင်းလဲအောင်းတတ်တယ်တဲ့။

ပထမအမျိုးအစားက ဘာနဲ့တူသလဲဆိုတော့ ပရိယတ် စာတွေ တော့ တတ်တယ်။ ဒါပေမဲ့ ၀ိပဿနာ မကျင့်ဘူး။ ဒီတော့ တွင်းမအောင်းတတ်လို့ အန္တရာယ်မကင်းဘူး။ အပါယ် ၄ ပါးကျနိုင်တယ်တဲ့။

ဒုတိယအမျိုးအစားကတော့ မေမေတို့လို ယောဂီတွေနဲ့ တူတယ်တဲ့။ ပဋိကတ်၊ ပရိယတ်စာတွေတော့ မတတ်ဘူး။ ဒါပေမဲ့ ဆရာဘုန်းကြီများ တူးထားတဲ့ တစ်နည်း နည်းပြညွှန်ကြားမှုအောက်မှာ တွင်းအောင်းတတ် ကြတယ်။ ၀ိပဿနာကျင့်ကြံအားထုတ်လို့ အပါယ်အန္တရာယ်ကင်းသတဲ့။

တတိယအမျိုးအစားကတော့ စာလဲမတတ်၊ ၀ိပဿနာလဲ မလေ့လာ မကျင့်ကြံတတ်လို့ အပါယ်အန္တရာယ် ရှိသတဲ့။

စတုတ္ထအမျိုးအစားကတော့ မိုးကုတ်ဆရာတော်ကြီလိုမျိုး ပရိယတ်လဲတတ်၊ ပဋိပတ်လဲ ကျင့်ကြံတဲ့ ပုဂိုလ်မျိုးကို ဆိုလိုပါတယ်။

ဒါကတော့ တရားအစပိုင်းမှာ ရှင်းပြချက်လေးပါပဲ။ တရားရဲ့ အနှစ်သာရကတော့ ဖြစ်ပျက်တွေကိုသာ ရှုနေပါ။ ဖြစ်ပျက်တွေ တစ်ချိန်ကျရင် ဆုံးသွားတာကို တွေ့ရလိမ့်မယ်။ အဲဒီအချိန်မှာတော့ သောတာပန် ဖြစ်မှာပါ။
ဒီတော့ ထချင်ရင်လဲ ထချင်တဲ့ စိတ်လေးကို ကြည့်ပါ။ ကြည့်လိုက်တော့ ထချင်တဲ့ စိတ်ဟာ မရှိတော့ဘူး။ အဲဒီလိုသာ အမြဲသတိထားပြီး ရှုနေပါ။ ကဲဒီလောက်ပဲ ဆရာတော်ကြီ ဟောတဲ့တရားကို အကျည်းချုပ် ရေးလိုက်ပါတယ်။
(25th May,2009)

မေမေနာယူသောတရားများ - ၂

မီးငယ်လေးရေ....
ဒီနေ့ မေမေနာယူတဲ့ တရားကတော့ မေမေတို့ကို ဘုရားအဆူဆူနဲ့ လွဲစေခဲ့တဲ့ တရားခံ၊ အကြီးဆုံး ရန်သူ ၂ ယောက်အကြောင်းကို မိုးကုတ်ဆရာတော်ကြီးက ပြောပြထားတဲ့ တရားပါ။
အဲဒီရန်သူ ၂ ဦးက တော့ အ၀ိဇ္ဇာနဲ့ တဏှာ တဲ့။

သမုဒ္ဒရာကြီး ငါးစင်းထဲမှာ ရှိတဲ့ ရေတွေဟာ ခန်းခြောက်ကောင်း ခန်းခြောက်နိုင်တယ်။
မြင်းမိုရ်တောင်ကြီးလဲ ပျောက်ချိန်တန်ရင် ပျောက်နိုင်တယ်။
ဒါပေမဲ့ မေမေတို့တွေမှာ အ၀ိဇ္ဇာနဲ့ တဏှာ ရှိနေလို့ကတော့ အိုဘေး၊ နာဘေး၊ သေဘေး တွေနဲ့ ဘယ်လိုမှာ မလွတ်နိုင်ဘူးတဲ့။
ဘုရားတစ်ဆူနဲ့ တစ်ဆူကြားမှာ မေမေတို့အရိုးတွေဟာ ဝေပုလ္လတောင်လောက်မြင့်ခဲ့ကြသတဲ့။ ဝေပုလ္လတောင် ဆိုတာက မြင့်လဲမြင့်၊ ကျယ်လဲကျယ် ၊ လေးရက်တက် လေးရက်ဆင်းရတယ်။

အဲဒီတော့ အ၀ိဇ္ဇာနဲ့ တဏှာ ရန်သူနှစ်ဦးကို အသေသတ်နိုင်မှ အိုနာသေ ဆိုတဲ့ သံသရာဘေးက လွတ်နိုင်ပါတယ်။
အသေသတ်ရမဲ့ နည်းကတော့ ခန္တာမှာ “သစ္စာအနုလောမိကဥာဏ်” ရအောင်သွင်းရပါမယ်။ အဲဒီဥာဏ်သာရှိရင် ကိုယ့်ခန္တာမှာ ဘုရားပွင့်တာနဲ့ အတူတူပါပဲတဲ့။ အဲဒီဥာဏ်ရဖို့ အလွန်အရေးကြီးကြောင်း ဆရာတော်ကြီးက ပြောပါတယ်။

အဲဒီဥာဏ်ရဖို့ နည်းမပြောခင် အ၀ိဇ္ဇာနဲ့ တဏှာအကြောင်း အရင်ပြောပါတယ်။
သား၊ သမီး ကိုမြင်လို့ ခင်တဲ့စိတ်က - တဏှာ
သား၊ သမီး ရဲ့ခန္တာကို ခန္တာ၅ပါးမှန်း မသိတာက - အ၀ိဇ္ဇာ

“သစ္စာအနုလောမိကဥာဏ်” ဆိုတာလဲ “၀ိပဿနာဥာဏ်”နဲ့အတူတူပါပဲ။ သစ္စာကိုသိတဲ့ ဥာဏ်ပေါ့။
စိတ်ကို ရှုတဲ့သူကလဲ စိတ္တာဝိပဿနာ ကိုရှု၊
ဝေဒနာကို ရှုတဲ့သူကလဲ ဝေဒနာဝိပဿနာ ကိုရှု၊
ရုပ်ကို ရှုတဲ့ သူကလဲ ကာယ၀ိပဿနာကိုရှု.... ဘာပဲရှုရှု ဖြစ်ပြီး ပျက်သွားတဲ့ သဘောကို ရှုခိုင်းပါတယ်။

စိတ်ကိုရှုရင် စားချင်တဲ့ စိတ်လေးပေါ်လာတယ်။ ပေါ်လာတဲ့ စိတ်ကလေးကို ကြည့်လိုက်တော့ မရှိတော့ဘူး၊ ဖြစ်ပြီးပျက်သွားတယ်။ အိပ်ချင်စိတ်ကလေး ပေါ်လာပြန်ရင်လဲ ကြည့်လိုက်တော့ မရှိတော့ဘူး။ ထိုနည်းအတိုင်းပဲ ဘာစိတ်ပဲ ပေါ်လာလာ ဖြစ်ပြီးပျက်တာကို သိနေဖို့ပါပဲ။

သွားရင်းလာရင်း သတိထားပြီး ရှုမှတ်နေရင် အင်မတန် တန်ဘိုးရှိပါတယ်။
19th May,2009

မေမေ နာယူသော တရားများ ၁။

မီးငယ်လေးရေ....

ဒီနေ့ မေလ(၁)ရက် ၂၀၀၉ ပါ။ ဒီမနက် မေမေနာတဲ့ တရားက ၂၂-၈-၁၉၆၁ ခုနှစ်က ဆရာတော်ဘုရားကြီး ဟောကြားခဲ့တဲ့ ဒိဌိပြုတ်ရေး တရားတော် အမှတ်(၁) ပါ။ နှစ်ပေါင်း ၄၈နှစ်ကြာခဲ့ပေမဲ့ အင်မတန်မှတ်သားစရာ ကောင်းပြီး မေမေတို့ ပုထုဇဉ်တွေ မသိမဖြစ်တဲ့ တရားပါပဲ။ ဒီတရားက တကယ်တမ်းပြောရရင်တော့ အရင်နေ့တွေက ဟောခဲ့တဲ့ တရားအဆက်ပါပဲ။ အဂ္ဂိ၀ဆ္ဆ ဆိုတဲ့ ပုဏ္ဏားက မြတ်စွာဘုရားသခင်ကိုယ်တော်မြတ်ကြီး ကို အမေးပုစ္ဆာတွေမေးလို့ ဘုရားရှင်းက ဖြေတဲ့ တရားဖြစ်တယ်။ ဆရာတော်ဘုရားကြီး ဟောကြားချက်ကို မီးမီးနဲ့ မေမေ ထိုင်ပြီး စကားပြောနေသလိုပုံစံနဲ့ အဓိကအချက်တွေကိုပဲ နားလည်အောင် ရေးပြမယ်။

ဘုရားရှင်ဟာ ဆေးသမားကြီးနဲ့တူပြီး မေမေတို့ ပုထုဇဉ်တွေဟာ ကိလေသာရောဂါတွေရှိတဲ့ သံသရာခရီးသည်လူမမာတွေနဲ့ တူသတဲ့။ ဆေးသမားကြီးက ရောဂါပျောက်အောင် ရှောင်ကြဉ်ဖို့နဲ့ စားဆေးကိုပေးပါသတဲ့။ သီလဆိုတာက ရှောင်ကြဉ်တာနဲ့တူပြီး ၀ိပဿနာကတော့ စားဆေးနဲ့ တူသတဲ့။ သီလကို စောင့်ထိန်းရင် ရောဂါမတိုးအောင်ပဲ တတ်နိုင်ပြီး ၀ိပဿနာအလုပ်ကို လုပ်မှသာ၊ ဖြစ်ပျက်တွေ ရှုမှတ်မှသာ ကိလေသာ ရောဂါတွေ ပျောက်နိုင်ပါတယ်။ မြတ်စွာဘုရားရှင် ကလဲ သောက်ဆေးမသောက်သူကို အပြစ်တင်မှာပါပဲတဲ့။ ၀ိပဿနာ လုပ်တဲ့ ပုဂ္ဂိုလ်တွေမှာ တော့သီလကပါပြီးသားဖြစ်တဲ့ အတွက် အထူးသီလနှင့် နေတဲ့သူ (၀ိသေသ ဘာဂိရ သီရ) နဲ့ နေတဲ့သူလို့ အဓိပ္မာယ်ရတယ်။

တစ်ချို့က သီိလဆောက်တည်ရင် ပြီးတာပါပဲ ဆိုပြီး မတင်းတိမ်သင့်တာကို တင်းတိမ်မိမှာ စိုးလို့လဲ ဆရာတော်ကြီးက အထူးသတိပေးလိုက်ပါတယ်။ ပဋိစ္စသမုပ္ပါဒ်မသိရင် ခန္တာလဲမသိ၊ နိဗ္ဗာန်လဲမသိနိုင်ပါဘူး။ ခန္တာလေးတွေ ဖြစ်ပြီး ပျက်သွားတဲ့ ဓမ္မတွေကို မသိနိုင်ပါဘူး။ ဒါတွေမသိတော့ ငါ..ငါ့ဥစ္စာ ဆိုတဲ့ ဆိတ်သုန်းတဲ့ သုညတရားကို မသိပါဘူး။ သုညတရားဆိုတာ ဘုရားတစ်ဆူပွင့်မှ ကြားရတဲ့ တရားမျိုးဖြစ်တယ်။ အခု တရားနာနေတဲ့ အချိန်မှာ ကိလေသာမီး၊ ဇရာမီးတွေက တောက်လောင်နေတယ်။ ကိလေသာမီးဆိုတာ တစ်နည်းအားဖြင့် ခင်တဲ့ မီးပါပဲ။ တရားနာနေရင်း တောင်တွေး မြောက်တွေး တွေးချင်ရာတွေးနေမယ်။ ယပ်ခပ်ချင်လဲ ခပ်နေမယ်။ ရှူဆေးလေး ရှူပေးရ၊ လျက်ဆားလေး စားပေးရနဲ့ ကိလေသာရဲ့ ကျွန်ဖြစ်နေပါတယ်။

ကိလေသာက “လောင်မီး” သမုဒသသစ္စာ၊ ခန္တာက “လောင်စာ” ဒုက္ခသစ္စာ နဲ့တုပါတယ်။ လူ့ဘ၀ရရပါလို၏ လို့ ဆုတောင်းခဲ့လို့ လောင်စာရပြီး မီးလောင်ခံနေရတယ်။

ကိလေသာမီးလောင်လို့ “ခွေးနေရာမရ” ဖြစ်နေကြရတာ။ ဒီနေရာနေလိုက် မကောင်းပြန်ဘူးဆိုပြီး ဟိုနားရွှေ့လိုက်ရ နဲ့တဲ့။

မီးက ကိလေသာ
ခန္တာက လောင်စာ
ကံ က မီးထည့်သမား
တစ်ခါတစ်လေ နတ်ပြည်သွားလောင်ရပြန်တယ်။ တစ်သံသရာလုံးမှာ မီးကုန်ရင် လောင်စာထပ်ရှာထည့်ရတဲ့ အလုပ်နဲ့ အချိန်ကုန်ခဲ့ကြတယ်။

ပူအိုက်တဲ့ အချိန်၊ လေညင်းလေးတိုက်လာရင် ခန္တာကိုယ်မှာ သုခဝေဒနာပေါ်တယ်။ အဲဒါ ပဋိစ္စသမုပ္ပါဒ် စဖြစ်လာတာပဲ။ ဝေဒနာခန္တာပေါ်တာက တစ်ဏှာခန္တာပေါ်တာပါပဲ။ တဏှာ၊ ဥပဒါန်က နေ့စဉ်လုပ်တဲ့ ကံတွေကို သိမ်းထားပြီး တစ်ခုပြီးတစ်ခု လွှတ်ပေးပါတယ်။ ပဋိစ္စသမုပ္ပါဒ် နားလည်မှ ဒုက္ခသစ္စာ၊ သမုဒယသစ္စာ ကိုသိပါတယ်။ “ငါ” တရားသွားနာဦးမယ်လို့ပြောရင် ခန္တာ ၅ပါး နားမလည်မှုက စပါတယ်။ တစ်နေ့လုံး အ၀ိဇ္ဖာ ဆိုတဲ့ မသိမှု နဲ့ပဲ နေပြီး ခန္တာရှာမတွေ့ရင် ကြီးစွာသော အပြစ်သင့်တာပဲ လို့ ဆိုပါတယ်။

နောက်တစ်ဖန် ဒိဌိနှင့်ပြော၊ ဒိဌိနှင့် နေကြပါတယ်။ ပဋိစ္စသမုပ္ပါဒ် နားလည်မှ ဖြစ်ပျက်ပျက်လိုက် ဖြစ်နေတဲ့ ဒုက္ခအစု ကိုသိမယ်။ ဝေဒနာကိုရှုလို့ ဖြစ်ပျက် မြင်ရင် ဝေဒနာချုပ်ပြီး ဒိဌိ၊ အ၀ိဇ္ဖာပါ ပြုတ်ပါတယ်။

ဘုံ၃ပါး မှာ ဖြစ်တဲ့ သတ္တ၀ါတွေဟာ မီးလောင်နေတဲ့ အိမ်ကြီးနဲ့ တူပါတယ်။ အိပ်ယာကနိုးတာနဲ့ မီးလောင်တော့တာပဲတဲ့။ ဘယ်သွားသွား မီလောင်လျက်ပါပဲ။ ပျင်လို့ အလည်သွား၊ ကိစ္စရှိလို့သွား မီလောင်လျက်ပါပဲ။“ လောင်စာ”ကုန်သွားမှာလဲ စိုးရိမ်ကြတယ်။ ဒီသား ဒီသမီး မခွဲချင်လို့ ၊ မိးမငြိမ်းချင်လို့ “ လောင်စာ” ပြန်ထည့်ကြတယ်။ မီးငြိမ်းမှာ စိုးကြတယ်။

၃၁ ဘုံမှာ ဘုရားအဆူဆူနဲ့ လွဲခဲ့တာလဲ ဒါကြောင့်ပဲ။

ဒိဌိချုပ်ခြင်းက နိဗ္ဖာန်ပဲ တဲ့။ ဒါကြောင့် ဒိဌိခွာဖို့ အရေးကြီးပါတယ်။ ပဋိသန္ဒေနေခဲ့တာလဲ ကိုယ်မသိခဲ့။ သေချိန်ကျတော့လဲ ကိုယ်မသိခဲ့။ နေချိန်အလယ်မှာ ရှုပ်နေကြတယ်။ ဇာတိ ပဋိသန္ဒေရကတည်းက ခန္ဒာ ၅ ပါး(မျက်စိ၊ နား၊ နှာ၊ လျှာ၊ ကိုယ်၊ စိတ်) ပဲပါတယ်။ ကျား မ အစ ကတည်းက မပါဘူး။ ခန္ဒာနဲ့ အတူ နေပြီး မသိကြတာက အကြားအမြင် (သုတ၀ါ အရိယာ သာဝကော) မရှိလို့ ။ ဒါကြောင့် “ငါ” မြင်တယ်၊ “ငါ”ကြားတယ်၊ စသဖြင့် သိက္ကာယဒိဌိ မင်းမူတာ ခံနေကြရတယ်။ သိက္ကာယဒိဌိ ဟာ အပါယ်ရေသောက်မြစ်ပါပဲ။

မေမေ နာယူသော တရားများ (နိဒါန်း)

မီးငယ်လေးရေ....

မေမေ နေ့တိုင်း မိုးကုတ်ဆရာတော်ဘုရားကြီးရဲ့ တရားတွေကိုနာရင်းကနေ အတွေးတစ်ခုဖြစ်မိတယ်။ ကိစ္စများမြောင် လူတို့ဘောင်ဆိုတဲ့ ဆိုရိုးစကားလိုပဲ။ မေမေတို့လူတွေမှာ လူ့ဘ၀ကို ရပြီးကတည်းက စားဝတ်နေရေး အတွက် အချိန်တွေဖြုန်းနေရတယ်။ ပညာသင်နေရတာလဲ စားဝတ်နေရေးအတွက်ပါပဲ။ လောကီဘ၀ထဲကနေ လောကုတ္တရာဘ၀ထဲကို ခြေချနေကြတဲ့ သံယာတော်အရှင်သူမြတ် တွေလဲ စားဝတ်နေရေးအတွက်တော့ ရုန်းကန်နေကြရသေးတာပဲ။ မေမေလဲ အသက်၆၀ အထိ ရုန်းကန်းခဲ့ရတာပဲ။ ဒါတောင် အသက်၆၀ပြည့်ရင် နိုင်ငံတော်တာဝန်ထမ်းဆောင်ခြင်းမှ နားလို့ရပြီလို့ သတ်မှတ်လိုက်လို့ကိုး။ ဒါတောင် တစ်ချို့လူတွေမှာတော့ နားပါ ဆိုတာတောင် မနားနိုင်ကြပါဘူး။ (စားဝတ်နေရေးချို့တဲ့သူတွေကတော့ ဘ၀ကို ဆက်ပြီး တစ်နည်းနည်းနဲ့ ရုန်းကန်ရတာကိုတော့ မပြောလိုပါဘူး။ စားဝတ်နေရေးပြည့်စုံလျက်နဲ့ လောဘ မသတ်နိုင်သူတွေကိုသာ ဆိုလိုပါတယ်။ ဒါပေမဲ့ သူတို့ကိုယ်သူတို့ လောဘရှိနေတယ်လို့လဲ မသိကြပါဘူး။)

အခုမှ နားခွင့်ပေးလိုက်တဲ့ နိုင်ငံတော် ဥပဒေကို အရမ်းကျေးဇူးတင်မိတယ်။ အသက် ၆၀ အထိ သင်သည် စားဝတ်နေရေး၊ သားရေး၊ သမီးရေး ၊ အိမ်ထောင်ရေး များအတွက် တရားသော နည်းလမ်းဖြင့် ဖြစ်စေ၊ မတရားသော နည်းလမ်းဖြင့်ဖြစ်စေ၊ ပူလောင်သောကိလေသာများဖြင့် လောဘ၊ မောဟ၊ မာန၊ က္ကုသရိယတို့ဖြင့် အချိန်ကုန်ခဲ့ပြီး ဖြစ်သည်။ သင်၏ ကံတရားက သင့်ကို အသက်၆၀ အထိ အသက်ရှင်ခွင့် ပေးခဲ့သည်။ နောက်ထပ်နှစ်ပေါင်းမည်မျှ အသက်ရှင်ခွင့်ရမည် ကိုမသိနိုင်သေး။ သို့ဖြစ်၍ ကျန်ရှိသော သက်တမ်းတွင် “ကိလေသာငြိမ်း လောင်စာသိမ်း”သော (“ကိလေသာငြိမ်း လောင်စာသိမ်း” ဆိုတဲ့ စကား အဓိပ္ပာယ်ကို နောက်ပိုင်းမှာ ရှင်းပြပါမယ်။) အလုပ်များကို တစိုက်မတ်မတ်လုပ်ပါတော့ ဆိုတဲ့ အမိန့်စာ ရခဲ့သလိုပါပဲ။

အဲဒီလို အမိန့်စာရခဲ့တဲ့ မေမေဟာ ထပ်ပြီး စဉ်းစားမိပြန်တယ်။ အသက် ၆၀ အထိ ကုန်ခဲ့တဲ့ အချိန်တွေ အတွင်းမှာ တစ်ခါတစ်ရံ မျက်စေ့လည်ပြီး ရိပ်သာတွေရောက်ခဲ့တဲ့ မပြောစလောက် အချိန်လေးကလွဲလို့ (စုစုပေါင်းဆိုရင် သုံးလေးလလောက်ပဲ ဆိုပါတော့) တရားတော်ကို နှလုံးသွင်းခဲ့တဲ့ အချိန်ဆိုတာ မရှိသလောက်ပါပဲ။ မေမေ့ရဲ့ သားသမီးတွေလဲ မေမေ့လိုဖြစ်မှာ မလိုလားပါဘူး။ (ဒါပေမဲ့ မေမေ့ရဲ့ သားသမီး ၄ ယောက်လုံးဟာ တရားတော်ကို လေ့လာလိုက်စားလိုသူများ ဖြစ်ကြပြီး အခုရောက်ရှိနေတဲ့ အသက်အရွယ်မှာ မေမေ့ထက် “အသိ” သာသူများဖြစ်ကြတယ်လို့ မေမေ ခံယူထားပါတယ်) အခုအချိန်မှာ မေမေဟာ မိုးကုတ်ဆရာတော် ဘုရားကြီးရဲ့ အမရပူရမြို့ မင်္ဂလာရိပ်သာ တိုက်ကျောင်းကြီးကို နေ့တိုင်းရောက်နေသလို ခံစားရတယ်။ တကာကြွယ်တို့၊ တကာသစ်တို့ နဲ့ အတူတကွ တရားနာနေရသလိုပါပဲ။ အဲဒီလိုအခါမှာ ဆရာတော်ဘုရားကြီးရဲ့ တရားအရသာတွေကို မေမေတစ်ယောက်ထဲ မခံစားလိုပဲ သားသမီးတွေကို ခွဲဝေပေးချင်တဲ့ စိတ်တွေ ဖြစ်ပေါ်နေမိတယ်။ မီးငယ်လေးဟာ တစ်ရပ်တစ်ကျေးမှာ ပညာရေးအတွက် လုံးပမ်းနေရတယ်။ တစ်ခါတစ်ရံမှသာ တရားသံလေးတွေကို ပူဇော်နိုင်တယ်၊ နှလုံးသွင်းနိုင်တယ်။ အရင်တုံးကတော့ မေမေ့ အတွေ့အကြုံတွေ၊ မေမေ့အတွေးတွေကို မီးမီးဆီကို ရေးပို့ခဲ့ပေမဲ့ အခုတော့ မေမေ့မှာ ထူးထူးထွေထွေ ရေးစရာအတွေ့အကြုံမရှိတော့ မေမေနာနေရတဲ့ တရားတော်တွေထဲက မီးမီးကို သိစေချင်တဲ့ ကောက်နုတ်ချက်လေးတွေကို ရေးပြီး ပို့ရရင်ကောင်းမယ်ဆိုတဲ့ အကြံဖြစ်မိတယ်။ ဒီလိုဆိုတော့ မေမေရေးတဲ့ စာတွေကိုလဲဖတ်ရ၊ တရားတော်တွေထဲက မသိမဖြစ်တဲ့ အကြောင်းအရာတွေကိုလဲ အထူးလေ့လာစရာ မလိုတော့ပဲ မေမေ့စာတွေဖတ်ရင်းကနေ သိသွားတဲ့ အကျိုးတရားတွေ အများကြီး ရနိုင်တာပေါ့။

ဆရာတော် ဦးဇ၀န(မေတ္တာရှင် ရွှေပြည်သာ)ရဲ့ တရားတစ်ပုဒ်ထဲမှာ ဗိမ္မသာရမင်းကြီးနဲ့ အနာထပိဏ် သဌေးကြီး နှစ်ဦးကို နှိုင်းယဉ်ပြထားတယ်။ ဗိမ္မသာရ မင်းကြီးဟာ ကိုယ်တိုင် သောတာပန်ဖြစ်သော်လည်းမိမိသားတော် အာဇာတသတ်ကို တရားဓမ္မအမွေ မပေးတတ်ခဲ့လို့ ကိုယ်တိုင်လည်း အသေဆိုးနဲ့ သေခဲ့ရတယ်။ သားတော်လည်း ငရဲကျတဲ့ အဖြစ်ရောက်ရတယ်။ အနာထပိဏ် သဌေးကြီးကမေတာ့ တရားအမွေပေးတတ်လို့ သားသမီး ၃ ယောက်လုံးလဲ သောတာပန် (တစ်ယောက်က သကတာဂဏ်) ဖြစ်တယ်။ အငယ်ဆုံးသားက အရက်သမား လူဆိုးဖြစ်နေတာကို နေ့စဉ် မုန့်ဘိုးပေးပြီး ဘုရားကျောင်းတော်ကို သွားခိုင်းတယ်။ ဥပါယ်တံမည် နဲ့ သိမ်းသွင်းခဲ့တာ နောက်တော့ သောတာပန်ဖြစ်သွားတယ်။

ဒါကြောင့် မိဘတွေဟာ တရာအမွေ ပေးတတ်ဖို့ လိုတယ်တဲ့။ အခုခေတ်မှာ မိမိသားသမီးကို လောကီအမွေတွေသာ တွန်းထိုးပေးနေကြတယ် လို့ ဟောပြထားပါတယ်။
ဒါကြောင့် မေမေလဲ တတ်စွမ်းနိုင်သမျှ တရားအမွေလေးတွေ စုဆောင်းမျှဝေဖို့ ဆုံးဖြတ်လိုက်ပါပြီ။
ရှေ့ဆက်ပြီး စိတ်ဝင်စားစွာ ဖတ်ကြားမှတ်သားနိုင်ပါစေ။

(စာလုံးပေါင်းအမှား သီးခံပါရှင့်)
ဆက်ရန်.......

လမ်းလျှောက်ခြင်း ၂။

လမ်းလျှောက်ရင်းနဲ့ ခြေထောက်နဲ့ မြေကြီး ထိတာကို ထိသိ သတိထားပြီး အာရုံတစ်ပါး စိတ်မသွားရအောင် လျှောက်နေမိတယ်။
လယ်တီဆရာတော်ဘုရားကြီးရဲ့ ဒီပနီတွေကို ဖတ်မှ မျက်တောင်တစ်ခတ် အချိန်အတွင်းမှာ ရုပ်တရားက ကုဋေ ၅ ထောင်၊ နာမ်တရားက ကုဋေ ၁သိန်း ပျက်သတဲ့။ ဒီဖြစ်ပျက်တွေကို ဥာဏ်နဲ့ မြင်နိုင်မှ အပါယ် ဆင်းရဲက လွတ်နိုင်မှာ ဖြစ်တယ်။ လယ်တီဆရာတော်ဘုရားကြီးရဲ့ “ဘ၀နာဒီပနီ” ဆိုတဲ့ ဒီပနီမှာ ရပ်နေစဉ်၊ သွားနေစဉ်၊ ပထ၀ီ တေဇော ၀ါယော အာပေါ ဆိုတဲ့ ဓါတ်ကြီး ၄ပါး အမျိုးမျိုး ဖြစ်ပျက်သွားပုံ ကိုအသေးစိတ် ရေးပြထားတယ်။

မေမေတို့ ကိုယ်ကာယမှာ ခက်မာမှု၊ အမာခံ အထည်ကြီး ဆိုတာရှိတယ်။ အဲဒါ ပထ၀ီကာယ လို့ခေါ်တယ်တဲ့။
ရုပ်ကလပ်တွေ အချင်းချင်း ဖွဲ့တွယ်ပူးကပ်ထားတဲ့ အာပေါကာယဆိုတာလဲရှိတယ်။
အဲဒီ ရုပ်ကလပ်တွေကို မပုပ်မသိုးရအောင် အမြဲပေါင်းနွေးနေစေတဲ့ တေဇောကာယဆိုတာလဲ ရှိသေးတယ်။
အဲဒီကာယကြီး ၃ မျိုးကို ထောက်ကန် တောင့်တင်း မှုလုပ်ပေးထားတဲ့ ၀ါယောကာယဆိုတာလဲရှိတယ်။

ကိုယ်ခန္တာကြီးက ရပ်နေချိန်မှာ ပထ၀ီကာယက ခြေဖျားကနေ ငယ်ထိပ်အထိ ရှိနေတယ်ဆိုတာ ဥာဏ်နဲ့ သိရမယ်တဲ့။ သွားတော့မယ်လို့ ခြေထောက်ကြွလိုက်တာနဲ့ တစ်ကိုယ်လုံး သိမ့်သိမ့်လှုပ်တဲ့ သဘောချင်းမတူ ဆန့်ကျင်ဘက်ကာယတွေ ဖြစ်ပေါ်လာပြီး ရပ်နေတုံးက ပထ၀ီကာယကြီးက တစ်ခါတည်း တမြည့်မြည့် ကြေပျက် ကွယ်ပျောက်သွားသတဲ့။ ကာယအသစ်တွေ ဖြစ်လာပြန်တယ်။ အဲဒီအဖြစ်အပျက်တွေက အင်မတန်ကို မြန်မြန်ဖြစ်ပေါ်လာတယ်။ ပထ၀ီဓါတ်နဲ့ တစ်ပေါင်းတည်း အာပေါ၊ တေဇော၊ ၀ါယော တွေလဲလိုက်ပြီး ပျက်လိုက်၊ ဖြစ်လိုက် ဖြစ်နေသတဲ့။

ဒါက မေမေက သဘောလေးလောက်ရေးပြသေးတာ။ ဆရာတော်ကြီး အသေးစိပ်ရေးပြထားတာ အများကြီးပဲ။ အဲဒီ လယ်တီဆရာတော်ကြီးရဲ့ ဒီပနီကိုဖတ်ရတော့ အရမ်းအံ့သြထိတ်လန့် မိတယ်။ တစ်ခါမှ မဖတ်ဖူး၊ မကြားဖူးဘူး။ ရုပ်တွေနာမ်တွေက ဖြစ်ပြီးပျက်တယ်ဆိုတောတော့ ကြားဖူးတာပေါ့။ ဒီလိုအသေးစိတ် ရေးထားတာက အခုမှ ဖတ်ဖူးတာ။ ဒါက ဗုဒ္ဓမြတ်စွာဘုရားရဲ့ ဟောကြားချက်တွေအတိုင်း ဆရာတော်ကြီးက ဗမာလို ရှင်းရှင်းလင်းလင်း ရေးပြထားတာ။ ဗုဒ္ဓမြတ်စွာဘုရားရဲ့ ဥာဏ်တော်အနန္တကိုရှိခိုး ရိုသေမိပါတယ်။

တစ်ဘ၀လုံး ၁နှစ်သမီး အရွယ်လောက်ကစပြီး လမ်းလျှောက်လာခဲ့တာ၊ အသက်၆၀ ရောက်မှ ခန္တာရဲ့ ဓါတ်သဘော ဖြစ်စဉ်တွေကို သိရတော့တယ်။ တစ်ဘ၀လုံး လောဘ၊ ဒေါသ၊ မောဟ တွေနဲ့ လျှောက်လာခဲ့တာကိုး။ ဒါတောင် အသိ (စာတွေ့) နဲ့ပဲသိရသေးတာ။ လက်တွေ့ကျင့်ကြံ အားထုတ်မှ မိမိဥာဏ် ထဲမှာ ဒီသဘောဖြစ်စဉ်တွေကို တွေ့ရမှာ ။ ဒါကြောင့် ၀ိပဿနာဆိုတာ ဥာဏ်အလုပ်လို့ ဆရာတော်တွေက ဟောပြကြတာပဲ။

ဒါကြောင့် မေမေဖတ်ရသလို၊ လေ့လာမှတ်သားရသလို လေ့လာလိုက်စားလိုတဲ့ သားသမီး တွေဖတ်ရအောင် လယ်တီ ဆရာတော်ဘုရားကြီးရဲ့ ဒီပနီတွေကို စုဆောင်းနေခဲ့ပါတယ်။ မေမေ့ရဲ့ သားသမီးတွေ ဒီလိုမျိုးစာအုပ်တွေကို ဖတ်ခွင့်ကြုံတဲ့၊ ဖတ်ဖို့ဆန္တရှိတဲ့ သားသမီးများ ဖြစ်ကြပါစေလို့ ။ မေမေကတော့ အသေမဦးခင် ဥာဏ်ဦးအောင် အတော်ကြိုးစားရအုံးမှာပါ။

အခုစာရေးပြီးသွားလို့ ကော်ဖီဖျော်နေတုန်း ညီရဲလေးဆီက ဖုန်းလာတယ်။ ညီရဲလေးအသံကြားတာနဲ့ မေမေ့မှာ ငိုချင်စိတ်တွေ ဘယ်ကဖြစ်လာမှန်းလဲမသိဘူး။ ညီရဲလေးငယ်ငယ်တုံးက ပုသိမ်ကြီးမှာ ၂လလောက်ဖျားတာ မှတ်မိသေးလား။ အဲဒီတုံးက သူအဖျားတက်ရင် မေမေ့မှာ အိမ်သာသွားချင်စိတ်တွေ ဖြစ်လာတာ သတိရသေးတယ်။ သတိမကပ်ချိန်မှာ ကိလေသာ အမျိုးမျိုးက ဒရောသောပါး တိုးဝင်လာကြတာပါပဲ။

ကဲဒါပါပဲ မီးငယ်လေးရေ...
မေမေ့စာဖတ်ပြီး ရွှင်လန်းပါစေ။

လမ်းလျှောက်ခြင်း ၁။

ကျွန်မဒီနေ့လမ်းလျှောက်ထွက်ရင်းနဲ့ ကျွန်မဘ၀မှာ လမ်းလျှောက်ခြင်းနဲ့ ပတ်သက်တာတွေကို သတိရမိတယ်။

လမ်းလျှောက်ခြင်းကို ပထမဆုံးမှတ်မိတာကတော့တောင်ကြီးမှာ ကျောင်းစနေတုံးအရွယ်ကပဲ။ ကျောင်းသွားရင်တော့ အမေက လိုက်ပို့တယ်။ ကျောင်းပြန်တဲ့အချိန်ကျတော့ ကျွန်မရဲ့အစ်ကိုနဲ့ ပြန်ရတယ်။ သူက ကျွန်မနေတဲ့ ကျောင်းမှာ မဟုတ်ပဲ တစ်ခြားကျောင်းတစ်ခုမှာ နေတယ်။ ကျောင်းဆင်းရင် ကျွန်မကို ၀င်ခေါ်ပြီး မောင်နှမနှစ်ယောက် အတူတူ လမ်းလျှောက်ပြန်ကြရတယ်။ တစ်ခါတလေ သူက ဆော့နေတာ နေမှာပေါ့။ ကျွန်မဆီကို ကျောင်းဆင်းဆင်းခြင်း ရောက်မလာဘူး။ ကျောင်းမှာ လူတွေကလဲကုန်ပြီ။ ကျောင်းစောင့် ဦးလေးကြီးက ကျွန်မကို ကျောင်းခန်းအပြင်ထွက်စောင့်ခိုင်းတာပေါ့။ သူကတံခါးပိတ်ရမှာကိုး။ အဲဒီတော့မှ ကျွန်မလဲ လွယ်အိတ်လေးဂျာရမ်း၊ ဂျာရမ်း၊ မျက်နှာလေး ရှုံ့မဲ့ ရှုံ့မဲ့နဲ့ တစ်ယောက်တည်း လမ်းလျှောက်ပြီး အိမ်ကို ပြန်ရတာ။ အဲဒီအဖြစ်မျိုးက ခဏခဏပါပဲ။

ကျွန်မတို့ ကျိုင်းတုံမှာ ကျောင်းနေခဲ့ရတုံးကလဲ ကျောင်းကို လမ်းလျှောက်သွားကြရတယ်။ ကျိုင်းတုံရေကန်ကြီး ဘေးကနေ ပတ်ပြီးလျှောက်ရတာ။ အဲဒီတုံးက ကျွန်မက ၇နှစ် သမီးလောက်ပဲရှိအုန်းမယ် ထင်တာပဲ။ အကိုနှစ်ယောက်နဲ့ အတူလျှောက်ရတာ။ သူတို့က ၁၂နှစ်၊ ၁၃နှစ်လောက် ရှိမှာပေါ့။ လမ်းမှာ ကြိုးထုံးကြီးတွေနဲ့ တောင်းတွေ လွယ်ထားတဲ့ ၀ လူမျိုးတွေ တွေ့ရင်ပြေးကြတာပဲ။ ကျွန်မတို့ ကြားဖူးတာကတော့ ၀လူမျိုး တွေက ခလေးတွေကို ဖမ်းပြီး တောင်းထဲမှာ ထည့်သွားတတ်တယ်တဲ့။ ကျိုင်းတုံမှာ နေတုန်း ၀က်သက်ပေါက်တာ သတိရသေးတယ်။ အဲဒီနေ့က စာမေးပွဲပြီးလို့ ကျောင်းကိုဒီအတိုင်းသွားရတာ။ အမေက လိမ္မော်သီးလဲ ထည့်ပေးလိုက်တယ်။ မျက်ရည်တွေ၊ နှာရည်တွေ တရွှဲရွှဲ ကျလာတာ မှတ်မိတယ်။ နောက်မှသိတာက ၀က်သက်ပေါက်တာ တဲ့။

ကျွန်မတို့ မိတ္ထီလာကိုရောက်တော့လဲ မိတ္ထီလာကန်ကြီးကိုပါတ်ပြီး ကျောင်းကိုလမ်းလျှောက်သွားရတယ်။ ကျွန်မတို့အတန်းက မနက်ပိုင်းတက်ရတယ်။ ကျွန်မအစ်မ မမလေးတို့ အတန်းက နေ့လယ်ပိုင်းမှာ တက်ရတယ်။ ကျွန်မကျောင်းပြန်ချိန်မှာ မမလေးနဲ့ တံတားပေါ်မှာ ဆုံတတ်ကြတယ်။ နောက်တော့ ကျွန်မအဖေနဲ့ လိုက်နေကြတော့ ကျွန်မက တပ်မတော်ကျောင်းရောက်သွားပြီး ကျောင်းကားနဲ့ ကျောင်းတက်ရတယ်။ အဲဒီမှာ မှတ်မိတာက မမလေးက ရုပ်ရှင်ကြည့်တာ သိပ်ဝါသနာပါတယ်။ သူတစ်ယောက်ထဲလဲ မကြည့်တတ်ဖူး။ တစ်အိမ်လုံးဖို့ လက်မှတ်ဝယ်လာတတ်တယ်။ အဲဒီအခါကျတော့ အဖေရော၊ အမေရော တစ်အိမ်လုံးရုပ်ရှင်သွားကြည့်ကြတာ။ ကျွန်မတို့ နေတဲ့နေရာက ရွှေမြင်တင်ဘုရားကြီး နားမှာ။ အဲဒီကနေ မိတ္ထီလာကန်ဘောင်ရိုးကြီးပေါ်က လျှောက်ပြီး မျိုးမြင့်ရုပ်ရှင်ရုံထိ လမ်းလျှောက်သွားကြတယ်။ အပြန်လဲ လမ်းလျှောက်ပြီး ပြန်ကြတာ။ အဲဒီအသက်အရွယ်တုံးကတော့ မိဘတွေနဲ့ အငယ်ဆုံးသမီး အဖြစ်နေရတာ ပျော်တာပဲ။ ပင်ပန်းတယ်လို့ မထင်မိခဲ့ဘူး။

၁၀တန်းအောင်လို့ MC ရောက်တော့ ၇၄လမ်းက အဆောင်မှာ နေရတယ်။ မနက်အစောကြီး ထပြီး လျှောက်ကြတဲ့ ကျွန်မတို့သူငယ်ချင်းတွေရဲ့ လမ်းလျှောက်အဖွဲ့တွေရှိတယ်။ မနက်တိုင်း ကျုံးဘက်ကို လမ်းလျှောက်ကြတယ်။ အပူအပင်ကင်းတဲ့ အရွယ်မို့ သိပ်ပျော်တာပဲ။ တစ်ခါတစ်လေ ဘုရားကြီး မျက်နှာသစ်တော်ရေ အမှီလဲ လျှောက်ကြတယ်။ MC မှာ မှတ်မှတ်ရရ လမ်းလျှောက်ပြိုင်ပွဲမှာ အဆင့် ၈ နဲ့ဝင်လို့ ကြေးတံဆိပ်ရသေးတယ်။ 3rdMB ရောက်တော့လဲ ဆေးရုံနဲ့ အဆောင်နဲ့ တစ်ချိန်လုံး လမ်းလျှောက် သွားနေခဲ့ရတာပါပဲ။

အိမ်ထောင်ကြပြီးတော့ မီးမီးကို ကိုယ်ဝန်ဆောင်ချိန်မှာ လမ်းတော်တော်လျှောက်ဖြစ်တယ်။ မီးမီးရဲ့ အဖေက မြို့ထဲ မှာ ဆေးခန်းဖွင့်တော့ ကျွန်မက ညဦးပိုင်းမှာ ထမင်းချိုင့်နဲ့ ဆေးခန်းကို လိုက်သွားပြီး မနက်ကျမှ လမ်းလျှောက်ပြီး အိမ်ပြန်ကြတယ်။ မီးမီးကို ကိုယ်ဝန်ဆောင်ထားရပေမဲ့ ကျွန်မဖြင့် သိပ်ပေါ့ပါးတာပဲ။ ပြေးလွှားပြီးတောင် လမ်းလျှောက်နိုင်တယ်။ မီးမီးမမွေးခင် နေ့ကလဲ due date ရောက်နေပြီဆိုပြီး မန္တလေးအိမ်ကနေ ဘူတာကြီး ဂုံးတံတားကိုကျော်ပြီး ဆေးရုံကြီးကို အသွားအပြန် လမ်းလျှောက်သွားတာပဲ။ ဒါကြောင့် ထင်တယ်၊ မီးမီးကို သားဦးဖြစ်ပေမဲ့ အလွယ်တကူ မွေးနိုင်ခဲ့တာ။

သားအမွှာ (ရဲညီနောင်) ကိုယ်ဝန်ကြီးနဲ့တုံးကတော့ သိပ်လေးတာပဲ။ မမွေးခင် မန္တလေးအိမ်မှာ ကြိုရောက်နေတော့ မနက်ပိုင်း ဆိုရင် သားကိုထူးလေး လက်ဆွဲပြီး မန္တလေးအခေါ် ၁ပြ ၂ပြ လမ်းလျှောက်ကြတယ်။ အဲဒီနောက်တော့ သိပ်ပြီး လမ်းမလျှောက် ဖြစ်တော့ပါဘူး။ ကျွန်မတို့ မိသားစု တနင်္သာရီတိုင်းဘက်ကို ရောက်တော့ ညနေတိုင်း လယ်ကွင်းတွေဘက် ကိုလမ်းလျှောက်ကြတာ သတိရသေးတယ်။ လမ်းလျှောက်ဖို့ အကြောင်းဖန်လာပြန်တာက ဇီးပင်ကြီးမှာ ပါပဲ။ အားနေတော့ လမ်းလျှောက်ချင်လာပြန်ရော။ သွားဆရာဝန်မလေး ရှိရင်တော့ သူနဲ့အတူ လျှောက်ဖြစ်ကြတယ်။

ပြင်ဦးလွင်ရောက်တော့လဲ ပထမ၁နှစ်လောက်မှာတော့ ညနေတိုင်းလမ်းလျှောက်ဖြစ်သေးတယ်။ ဆေးရုံက ၄နာရီခွဲလောက်ပြန်တော့ ၅နာရီလောက်ဆို လျှောက်တာပေါ့။ ကျွန်မတစ်ယောက်တည်း လျှောက်တာပါပဲ။ မရောက်ဘူးတဲ့ လမ်းတွေဘက်သွားတယ်။ လူမရှိတဲ့ ခြံကျယ်ကြီးတွေ၊ ရှေးဟောင်း အိမ်ကြီးတွေ တွေ့ရင် ရပ်ငေး ကြည့်မိရင်း အရင်တုံးက စည်စည်ကားကား ရှိခဲ့မှာ ဆိုတာတွေကို တွေးမိတယ်။ ပြင်ဦးလွင်မှာ နေရတဲ့ နောက်ပိုင်း နှစ်တွေကျတော့ အလုပ်ပိုရှုပ်လာတော့ လမ်းမလျှောက်ဖြစ်တော့ပါဘူး။

ပင်စင်ယူပြီး ပုသိမ်ကြီးကို ပြန်ရောက်လာတော့လဲ လမ်းမလျှောက်ဖြစ်ပြန်ဘူး။ မနက်ပိုင်းမှာ ဘုရားရှိခိုးတာနဲ့ အချိန်က ကုန်ရော၊၊ ဒါနဲ့ ကိုယ်အလေးချိန်ကလဲ တက်လာ၊ အဆစ်တွေကလဲ နာဆိုတော့ လမ်းလျှောက်ချင်စိတ် ဖြစ်လာတယ်။ အလုပ်လုပ်တုံးကတော့ မနက်အိပ်ရာထ ဘုရားရှိခိုးရတာ အကျင့်ပါနေတာကိုး။ အမှန်က အခုအိမ်မှာ အေးအေးဆေးဆေးဆိုတော့ ဘယ်အချိန်ဖြစ်ဖြစ် ဘုရားရှိခိုးလို့ ရနေတာပဲ ဆိုတာမေ့နေတာ။ ဒီတော့ မနက် ၄နာရီခွဲ ကနေ ၅ နာရီခွဲလောက်ထိ တရားထိုင်ပြီးတာနဲ့ အိမ်ကထွက်၊ အဆုတ်ဆေးရုံ ဘေးက ဆေးဘက်ဆိုင်ရာ တက္ကသိုလ်အထိ လမ်းလျှောက်၊ အဲဒီကနေ ပြန်လှည့်လိုက်ရင် ရန်ကင်းတောင်နဲ့ သူ့ကိုမိုးနေတဲ့ ရှမ်းရိုးမတောင်တန်းကြီးရဲ့ ရှုခင်းအလှက သိပ်သာယာတာကို တွေ့ရတယ်။ တရားအလုပ် အားထုတ်နေကြတဲ့ သာသနာ့ဝန်ထမ်း ရဟန်းတော်များ မှီတင်းနေထိုင်တဲ့ ရန်ကင်းတောင်ရှုခင်းက အလွန် ချမ်းမြေ့စရာ ကောင်းလှပါတယ်။

မှတ်ချက်။ ။ ငယ်စဉ်ကလေးဘ၀အရွယ်ကစပြီး အခုလက်ရှိ အသက်အရွယ်အထိ လမ်းလျှောက်ခဲ့ပုံ အမျိုးမျိုးကို ရေးပြထားတဲ့ မေမေ့ရဲ့ စာလေးတစ်စောင်ပါ။ အနည်းငယ် ပြုပြင်ပြီး ဖော်ပြလိုက်ပါတယ်။

ဆက်လက်ဖော်ပြပါအုံးမယ်ရှင်။

မစု (MA-SU) ကို ခံစားခြင်း

ဒီတစ်ပတ်တော့ ကျွန်မမေမေရဲ့ စာလေးတစ်စောင် ကို မူရင်းအတိုင်းထပ်မံ ဖော်ပြပါရစေရှင်။ မေမေရဲ့ စာလေးတွေအကြောင်း မသိသေးတဲ့ စာဖတ်သူများ.. မေမေရဲ့ စာလေးများထဲက ကျွန်မရဲ့လက်များနိဒါန်း မှာ ဖတ်ပေးပါရှင်။

မစုနဲ့ ပတ်သက်တဲ့ သူငယ်ချင်းများလဲ ဒီစာလေးကိုဖတ်ပြီး မစုကို အလွမ်းပြေနိုင်ကြပါစေ။

မစု (MA-SU) ကို ခံစားခြင်း

၁၉၆၄ ခုနှစ် ကျွန်မ ၁၀ တန်းအောင်ချိန်မှာ တော့ မန္တလေး ဆေးတက္ကသိုလ်ကို IQ level နဲ့ ရွေးတဲ့အချိန် စခဲ့တာပါပဲ။ ဒီ့အရင်ကတော့ မန္တလေးတက္ကသိုလ်မှာ Inter-B အထိနေပြီး တော့မှ ဆေးတက္ကသိုလ်ကို တက်လိုသူများက မန္တလေးတက္ကသိုလ် ကို 2^nd MB ကစတက်ကြရပါတယ်။ စနစ်သစ်အရ ကျွန်မလဲ မန္တလေးဆေးတက္ကသိုလ်မှာ 1^st MB ဆိုတဲ့ အတန်းကစတက်ခဲ့ရတာပါပဲ။ မန္တလေး ၀ိဇ္ဇာ နဲ့ သိပ္ပံ တက္ကသိုလ်ကြီးမှာ စာသင်ချိန်တွေပြောင်းတိုင်း အခန်းတွေပြောင်းပြီး အပြေးအလွှား အတန်းတက်ကြရတာလို့တော့ ကြားဖူးပါတယ်။ အဲဒီအချိန်တုံးက ကျွန်မတို့ဆေးကျောင်းကတော့ ကျောင်းပုံစံကလဲ အထက်တန်းကျောင်းပုံစံ အတိုင်းပါပဲ။ စာသင်တော့လဲ တစ်ခန်းထဲမှာပဲ ဆရာတွေက သူ့အချိန်နဲ့သူ ၀င်ပြီးသင်တော့ အထက်တန်းကျောင်းကြီးလိုပါပဲ။ ကျွန်မတို့အတန်းမှာ ကျောင်းသား၊ ကျောင်းသူ ကလဲ စုစုပေါင်း ၇၅ယောက်ပဲ ဆိုတော့ တက္ကသိုလ် ပုံစံနဲ့ နဲနဲမှ မတူခဲ့ပါဘူး။ ဆေးကျောင်းသူတွေကလဲ ရွက်ကြမ်းရေကျို ပါပဲ။ ဒီတော့ ကျွန်မတို့ တက္ကသိုလ်က ကျောင်းသားတွေဟာ မန္တလေးတက္ကသိုလ် ကိုသွားပြီး အဲဒီကျောင်းက ကျောင်းသားတွေလိုအတန်းတွေ လိုက်တက်ကြကြောင်း လဲ ကြားဖူးခဲ့ပါရဲ့။ ကျွန်မအဖို့တော့ အဲဒီအချိန်အထိ မန္တလေးဝိဇ္ဇာ၊ သိပ္ပံတက္ကသိုလ်ကြီးနဲ့ ဝေးကွာတုံးပါပဲ။

ကျွန်မတို့ဆေးကျောင်းနဲ့ ၀ိဇ္ဇာ၊ သိပ္ပံတက္ကသိုလ်နဲ့ ဘတ်စကက်ဘော ပြိုင်တဲ့ ရာသီရောက်လာတော့ ကျွန်မတို့ကျောင်းက ကားတွေ စီစဉ်ပေးပြီး ၀ိဇ္ဇာ၊ သိပ္ပံတက္ကသိုလ် ကိုသွားပြိုင်ကြရပါတယ်။ ကျွန်မတို့လဲ အားပေးဖို့ လိုက်ကြပါတယ်။ အပြိုင် အော်ဟစ်အားပေးကြတော့ ၀ိဇ္ဇာ၊ သိပ္ပံဘက်ကလဲ “MC MC ... ရှုံးရှုံး ” လို့ အော်တာပေါ့။ ကျွန်မတို့ဘက်ကလဲ “MA-SU MA-SU .... ရှုံးရှုံး” လို့အော်ကြတာ။ အဲဒီအချိန်ကစပြီး Mandalay Arts and Science University ကို မစု (MA-SU ) လို့အတိုကောက်ခေါ်ကြတယ်။ (ခုခေတ်မှာဆိုရင်တော့ အဲဒီလိုခေါ်ရင် အပြစ်ဖြစ်မယ် ထင်ပါတယ်။)

အဲဒီလိုနဲ့ မစု နဲ့ ကျွန်မကတော့ သိပ်ရင်းနှီးလှသည်မဟုတ်ပါဘူး။ နွေရာသီ ကျောင်းပိတ်ရင်မှာ ပပကဆိုင်တွေမှာ စာရင်းတွေလုပ်ဖို့ ကျွန်မတို့ လုပ်အားပေးရပါတယ်။ (ဘာအတွက်လဲ မမှတ်မိတော့ပါ။) အဲဒီလို လုပ်အားမပေးခင် စာရင်းဇယား သင်တန်းအရင်တက်ရပါတယ်။ သင်တန်းက မစုဆီ မှာ လုပ်ပါတယ်။ အဲဒီတော့မှ ကျွန်မတို့လဲ မစုရဲ့ နာမည်ကြီး ရွှေမန်းဆောင်၊ သစ္စာဆောင် ဆိုတာတွေကို ရောက်ဖူးတော့တယ်။ ကျွန်မတို့ကို အဲဒီအဆောင်တွေမှာပဲ နေရာချထားပေးလို့ တစ်ပတ်လောက်နေခဲ့ရတယ်။ အဆောင်မှာပဲ ထမင်းစားရတယ်။ ကျွန်မတို့ဆေးကျောင်းက အဆောင်တွေနဲ့ မစုရဲ့ အဆောင်တွေက ကျွေးမွေးပုံစနစ်မတူပါဘူး။ ကျွန်မတို့ကျောင်းက မနက်ပိုင်း ကော်ဖီ၊ မုန့်၊ထမင်းကြော်၊ မုန့်တီ စသဖြင့် ကျွေးတယ်။ နေ့လည်ပိုင်းမှာ ထမင်းကျွေးတယ်။ မစု ကတော့ မနက် ၈ နာလောက်မှာ ထမင်းကျွေးတယ်။ နေ့လည်မှာ ကော်ဖီတိုက်တယ်။ အဆန်းဖြစ်နေတာပေါ့။ မစုက အဆောင်တွေမှာ ခေတ္တခဏ နေခဲ့ရစဉ်မှာ တက္ကသိုလ်ဆိုတဲ့ အရသာလေးကို ခံစားဖူးခဲ့ပါရဲ့။ ညပိုင်းကျတော့ ဂစ်တာတွေနဲ့ ကျောင်းသားတွေက သီချင်းလာဆိုကြတာကိုး။ မစုရဲ့ ကျောင်းသူတွေကလဲ မုန့်တွေပို့ကြ၊ ဘာသီချင်း ဆိုပါ ဆိုပြီး အော်ဟစ်ကြနဲ့ ကျွန်မတို့အဖို့ ထူးဆန်းနေတာပေါ့။ ကျွန်မတို့ ဆေးကျောင်းအဆောင်တွေမှာ တော့ဘယ်သူကမှလာပြီး သီချင်းမဆိုဘူး။ တစ်ခါတစ်လေ မျက်စိလည်လမ်းမှားပြီး လာဆိုတဲ့ သူတွေရှိရင်လဲ ဆေးကျောင်းသူတွေက မီးပိတ်ပြီး ငြိမ်နေကြတာ။ ဒါကတော့ မစုရဲ့ ကျောင်းသူ ခဏဖြစ်တုံးက အတွေ့အကြုံပေါ့။

အဲသည်နောက်တော့ မစုနဲ့ ကျွန်မဟာ သိပ်ပြီး အဆက်အဆံ မရှိခဲ့ကြပါဘူး။ သမီးငယ်လေး ဘွဲ့ယူတောမှ မစုဆီကို တစ်ခေါက် ရောက်ဖြစ်တော့တယ်။ ပြီးခဲ့တဲ့ အပတ်က မိတ်ဆွေတစ်ယောက်ကို တွေ့ဖို့ မစုဆီကို ရောက်ခဲ့ပါတယ်။ ခြောက်သွေ့ပြီး ပေါင်းမြက်တွေထူနေတဲ့ သစ္စာဆောင်ကြီးရှေ့က ဖြတ်သွားရတယ်။ ငယ်တုံးက ဘ၀လေးကိုလဲ သတိရလိုက်မိ သေးတယ်။ သမီးငယ်လေးကိုလဲ အထူးသတိရမိတယ်။ မန္တလေးတက္ကသိုလ် မိန်းအဆောက်အအုံကြီးရှေ့က လှေကားထစ်လေးတွေပေါ်မှာ သမီးလေးရိုက်ထားတဲ့ ဓာတ်ပုံလေးကို သတိရမိတယ်။ သမီးလေးဝတ်ထားတဲ့ အ၀တ်အစားနဲ့ မက်ခ်ျ ဖြစ်ပြီး သိပ်လှတာပဲ။ အဲဒီတုံးက သမီးက ပထမနှစ်လောက်ပဲ ရှိအုံးမယ်။ သူ့ရဲ့ နုပျိုလန်းဆန်းတဲ့ အလှကိုလဲ တွေ့ရတယ်။

သမီးတို့ ဌာနနားကို ရောက်တော့ သမီးလေး သွားလာလှုပ်ရှားခဲ့တဲ့ နေရာလေးမို့ အထူးသတိရမိပြန်တယ်။ လူ့လောက ကနေ ထွက်ခွာသွားပြီဖြစ်တဲ့ သမီးလေးရဲ့ ဆရာကြီးကိုလဲ သတိရမိတယ်။ သူကွယ်လွန်သွားတော့ သူ့ရဲ့ ထူးချွန်ပြောင်မြောက်တဲ့ လုပ်ရပ်တွေ၊ သူရဲ့ ပညာတွေကို သတိရနေကြပါရဲ့လား။ အသက်ရှင်လျက်ရှိနေခဲ့ရင်တောင် ဌာန၊ နေရာတစ်ခုကနေ ပြောင်းရွှေ့သွားခဲ့ရင်၊ အဲဒီနေရာမှာ ကိုယ်ဘယ်လောက်ပဲ ကျင်လည်ခဲ့ပေမဲ့ တစ်စိမ်းတစ်ရံလို ဖြစ်သွားတတ်တာ သဘာဝပါပဲ။

တက္ကသိုလ်ဝင်း ကနေ ထွက်ခွာခဲ့တော့ တက္ကသိုလ် အရံတပ်ရင်းဆိုတာကို တွေ့ရတယ်။ အဲဒီတော့လဲ သူငယ်ချင်းတစ်ယောက် ကိုသတိရမိပြန်တယ်။ အဲဒီသူငယ်ချင်းက MC ပထမနှစ်မှာ တက္ကသိုလ် အရံတပ်ရင်းကို ၀င်ခဲ့တာလေ။ သူညနေတိုင်း training ဆင်းခဲ့ရတာတွေကို ပြန်ပြောပြတတ်တယ်။ ကျောင်းပိတ်ရက်ရှည်တွေမှာ တစ်မြို့တစ်ရွာကိုလဲ လေ့လာရေးခရီး သဘောမျိုး သွားရတယ်တဲ့။ သူက ဆရာဝန်ဖြစ်တော့ တပ်ထဲဝင်ပြီး ဒုဗိုလ်မှူးကြီး ENT Specialist ဖြစ်တယ်။ အဲဒီခေတ်က တက္ကသိုလ်အရံ တပ်ရင်းကနေ တပ်မတော်သား အရာရှိတွေ မွေးထုတ်ပေးခဲ့ဘူးတယ်။

မစု ဆီကနေ ထွက်ခွာခဲ့ပြီးတော့ အတိတ်ရဲ့ အရိပ်လေးတွေဟာ ကျွန်မရဲ့ တွေးတောစိတ်ထဲမှာ တစ်ခုခြင်းပေါ်လာခဲ့လို့ ဒီစာစုလေးကို ရေးမိပါတယ်။ မစုနဲ့ အနေဝေးခဲ့သူဖြစ်တဲ့ ကျွန်မတောင်မှ တဒင်္ဂအတွင်းမှာ ဒီလောက်ခံစားမိခဲ့ရင် မကြာခင်မှာ နှစ်(၅၀)ပြည့်တော့မဲ့ မစုနဲ့ ရင်းနှီးကျွမ်းဝင်ခဲ့သူဆိုရင် အတိုင်းအဆမရှိ အတိတ်ရဲ့ အရိပ်တွေကို ပြန်တွေ့ကြမှာပါ။

နောင်နှစ်ပေါင်းများစွာ အထိ မစု(MA-SU) ဆိုတာ တည်တံ့ခိုင်မြဲနိုင်ပါစေ။ လူတော်လူကောင်းများစွာကို မွေးထုတ်ပေးမဲ့ အမိတက္ကသိုလ်ကြီး အဖြစ် ရပ်တည်နေနိုင်ပါစေ။

မှတ်ချက်။ ။ မန္တလေးတက္ကသိုလ်ရဲ့ နှစ် ၅၀ပြည့် အထိမ်းအမှတ် အာစရိယပူဇော်ပွဲကို ယခုနှစ် နိုဝင်ဘာလအတွင်းက ကျင်းပပြီးစီးခဲ့ပြီး ဖြစ်ပါသည်။

ပြင်ဆင်ခြင်း

လူ့ဘောင်လောက အတွင်းမှ လူသားများသည် တစ်ဦးနှင့်တစ်ဦး အကျင့်စရိုက် ကွဲပြားကြသည်။ အချို့မှာ မိမိတို့ လုပ်ငန်းဆောင်တာ ဗာဟီရ ကိစ္စအ၀၀အတွက် ကြိုတင်ပြင်ဆင်သော အကျင့်စရိုက်ရှိသည်။ အချို့မှာ ဒီကွေ့ရောက် ဒီတက်နှင့်လှော်၊ ဟိုကွေ့ရောက် ဟိုတက်နှင့်လှော် ဆိုသလို အလိုက်သင့် လုပ်ဆောင်တတ်သော အကျင့်စရိုက်ရှိကြသည်။

ကျွန်ုပ်ကိုယ်ကျွန်ုပ် ဆန်းစစ်ကြည့်ရာတွင် ပထမအမျိုးအစားတွင် ပါဝင်ကြောင်းတွေ့ရသည်။ ညစဉ်အိပ်ရာတွင်း ရောက်ချိန်၌ နောက်တစ်နေ့လုပ်ဆောင်ရမည့် ကိစ္စများကို စိတ်တွင်းမှ ကြိုတင်ပြင်ဆင်ခြင်းကို အမြဲလုပ်ဆောင်လေ့ ရှိသကဲ့သို့ တစ်ခါတစ်ရံတွင် လုပ်ဆောင်ရမည့်ကိစ္စများကို စာဖြင့် ရေးချထားပြီး ပြီးစီးသွားသော ကိစ္စများကို အမှတ်ခြစ်ထားခြင်း စသည်တို့ကိုလည်း လုပ်ဆောင်လေ့ရှိပါသည်။

ယခုအခါတွင် ကျွန်ုပ်မှာ လုပ်ငန်းတာဝန်မှ အနားယူပြီး မူလအိမ်ရှင်မတာဝန်ကို ပြန်လည်ထမ်းဆောင်နေရသူ ဖြစ်ပါသည်။ သို့ရာတွင် ကျွန်ုပ်၏ ကြိုတင်ပြင်ဆင်ခြင်း အလေ့အထမှာ ပျောက်ကွယ်သွားခြင်း မရှိသေးပါ။ သာမန်အိမ်မှု ကိစ္စများ၊ ဈေးဝယ်ရမည့်ကိစ္စများ၊ ဟင်းလျာချက်ပြုတ်ရမည့် ကိစ္စများ ကိုလုပ်ငန်းခွင်တွင် ရှိစဉ်က မိမိတာဝန်များကို စနစ်တကျ ပြီးစီးရန် ကြိုတင်ပြင်ဆင်သည့်နည်းတူ ယခုလည်း ကြိုတင်ပြင်ဆင်ခြင်းကို ဆောင်ရွက်နေဆဲ ဖြစ်ပါသည်။

ထိုကဲ့သို့ ဆောင်ရွက်လျက်ရှိနေစဉ်မှာပင် ကျွန်ုပ်ကိုယ်ကျွန်ုပ် သတိမမူဘဲ ”ပြင်ဆင်ခြင်း” ကိစ္စတစ်ခုကို အလေးထား အပါတ်တကုတ် ကြိုးစားပြုလုပ်နေမှု ကိုသိရှိလာရပါသည်။ ကျွန်ုပ်ပြုလုပ်နေသော ပြင်ဆင်ခြင်း ကိစ္စမှာ ကျွန်ုပ်ဘ၀အတွက် အရေးကြီးဆုံး ကိစ္စတစ်ရပ် ဖြစ်နေကြောင်းလဲ သတိပြုမိလာပါသည်။ အသက်အပိုင်း အခြားအားဖြင့် (၆၀) ကျော်၍ တတိယအရွယ်သို့ ၀င်ရောက်လာပြီးဖြစ်သော ကျွန်ုပ်အတွက် အရေးကြီးဆုံး ပြင်ဆင်ရမည့် ကိစ္စမှာ ”သေခြင်းကို အကောင်းဆုံးနည်းဖြင့် ရင်ဆိုင်ရန်” အစွမ်းကုန် ပြင်ဆင်ရမည့် ကိစ္စသာ ဖြစ်ပါသည်။

ဆရာဝန်တစ်ဦး ဖြစ်သော ကျွန်ုပ်အနေဖြင့် မိမိမျက်မှောက်တွင် အနည်းနည်းအဖုံဖုံဖြင့် လူ့လောကမှ ထွက်ခွာသွားသူတို့ကို ကြုံဆုံခဲ့ရပေါင်း မနည်းပါ။ အချို့လည်း တည်တည်ငြိမ်ငြိမ် ရင်ဆိုင်သွားကြသည်။ အချို့လည်း ပင်ပန်းကြီးစွာ ရင်ဆိုင်ကြရသည်။ ရှင်တော်မြတ်စွာဘုရား၏ ဒေသနာ အရ -

• မိမိသေရမည့် အချိန်ကို မည်သူမှ မသိကြပါ။
• မိမိ မည်သည့်ရောဂါဖြင့် သေရမည်ကို မည်သူမှ မသိကြပါ။
• မိမိ မည်သည့် သုသာန်တွင် ခေါင်းချရမည် ကို မသိကြပါ။
• သေပြီးနောက် လားရမည့် ဂတိကို မသိကြပါ။

မသေခြာ မရေရာလှသော သေခြင်းကို ရင်ဆိုင်နိုင်ရန် ကြိုတင်ပြင်ဆင်ခြင်း ကိစ္စကို လူတိုင်းပြုလုပ်သင့်ကြသည်။ သို့ရာတွင် အ၀ိဇ္ဇာ ဖုံးလွှမ်းသော လူဖြစ်စဉ်က ကြိုတင်ပြင်ဆင်ရမည့် ကိစ္စကို သတိမရချင်ပါ။ မေ့ထားချင်ပါသည်။ မေ့ပင်အောက်က လူသားတစ်ဦးဖြစ်သော ကျွန်ုပ်လည်း အသက်(၄၀) အရွယ်ရောက်သည့် တိုင်အောင် ပြင်ဆင်ခြင်း ကိစ္စကို မေ့လျော့နေမိခဲ့သည်။ အကြောင်းအားကြီးသော ကံတရား၏ ထောက်ပံ့မှု ကြောင့်စစ်မှန်သော ဗုဒ္ဓအယူဝါဒ အရိပ်အောက်တွင် ရောက်နေခဲ့သော်လည်း မိရိုးဖလာ ဗုဒ္ဓဘာသာဝင်တစ်ဦး အဖြစ်သာရှိနေခဲ့ပါသည်။ တစ်နေ့တွင် ကျွန်ုပ်နှင့် သာမန်မျှသာ သိကျွမ်းသော ကျောင်းဆရာမတစ်ဦး အိမ်သို့ရောက်လာပါသည်။ ကျွန်ုပ်အား“ ၀ိပဿနာတရားကို အားထုတ်ဘူးပါပြီလား” ဟုမေးပါသည်။ ကျွန်ုပ်ကလည်း အားမထုတ်ဘူးသေးကြောင်း ပြောပါသည်။ “အားထုတ်ကြည့်စမ်းပါ၊ ထူးခြားပါတယ်” ဟုပြောတာကို ကျွန်ုပ်၏စိတ်ထဲတွင် စွဲဝင်မှတ်မိနေခဲ့ပါသည်။ သို့ရာတွင် မည်ကဲ့သို့ အစပျိုးရမည်ကို မသိနိုင်ခဲ့ပါချေ။

တစ်ခုသော သင်္ကြန်ကာလတွင် ကျွန်ုပ်၏ သမီးကြီးက လမ်းစတစ်ခုကို ရှာဖွေတွေ့ရှိခဲ့ပြီး ကျွန်ုပ်အား ထိုလမ်းသို့ ပို့ဆောင်ခဲ့ပါသည်။ ကျွန်ုပ်၏ ၀ိပဿနာလမ်းကို အစပျိုးခဲ့သူမှာ ကျွန်ုပ်၏ သမီးကြီးပင် ဖြစ်ပါသည်။ သင်္ကြန်ကာလ ရောက်တိုင်း ထိုလမ်းအတိုင်း ၅ နှစ်ခန့် ၀ိပဿနာတရားကို မြည်းစမ်းခဲ့ရပါသည်။ သို့ရာတွင် ရေရရာရာ သဘောပေါက် နားလည်မှု မရခဲ့ပါ။ မိုးကုတ်ဆရာတော်ဘုရားကြီး၏ ဟောစဉ်တရားစာအုပ်များ နှင့် တိတ်ခွေအချို့ ကိုစုဆောင်းမိခဲ့ပါသည်။ (ယခုအချိန်တွင် ၄င်းစာအုပ်များမှာ ကျွန်ုပ်အတွက် လွန်စွာ အားထားရသော၊ လွန်စွာ တန်ဘိုးရှိသော စာအုပ်များဖြစ်ပါသည်။)

လုပ်ငန်းခွင် အတွင်းမှာပင် တစ်နှစ်လျှင် (၁၅)ရက်၊ ရက်(၂၀) ခန့် တရားရိပ်သာသို့ ၀င်ရောက်အားထုတ်မှု ရှိခဲ့ပါသည်။ ရိပ်သာမှာ ဆရာတော်ဘုန်းကြီးများ ညွှန်ပြသည့်အတိုင်း လိုက်နာ၍ အပါတ်တကုတ် ကြိုးပမ်းအားထုတ်ခဲ့သော်လည်း ရေရေရာရာ သဘောပေါက်နားလည်မှု မရှိခဲ့ပါ။ ၀ိပဿနာတရား အားထုတ်ခြင်းဟူသော အားကြီးသော အထောက်အပံ့ကြောင့် သေခြင်းတရားကို မည်ကဲ့သို့ ရင်ဆိုင်နိုင်သည် ဆိုသည့်အချက် သာလျှင်သဘောပေါက်ခဲ့သည်။ သို့ရာတွင် ၀န်ထမ်းဘ၀၏ ကြီးလေးသော တာဝန်များကို အတိမ်းအစောင်း မခံပဲ အာရုံနှစ်သွင်းနေရချိန်တွင် ၀ိပဿနာ၏ သဘောသဘာဝကို အပြည့်အ၀ ခံယူနိုင်ခြင်း မရှိခဲ့ပါ။ ကျွန်ုပ်ရှေ့တွင် ဖော်ပြသကဲ့သို့ သေခြင်းကိုရင်ဆိုင်နိုင်ရန် အတွက် “ပြင်ဆင်မှု” ကိစ္စများကိုလည်း ရှေ့တန်းတင်နိုင်ခြင်း မရှိခဲ့ပါ။ လုပ်ငန်းခွင်မှ အနားယူခါနီးချိန်တွင် ကျွန်ုပ်တွင် အတွေးတစ်ခု ၀င်ရောက်နေရာ ယူခဲ့သည်။ ကျွန်ုပ်၏ အလုပ်တာဝန်များ ပြီးဆုံး အနားယူချိန်တွင် ကျွန်ုပ်အနေဖြင့် တစ်ခုတည်းသော အာရုံနှစ်ဝင် လုပ်ရမည့် အလုပ်ပင်ဖြစ်ကြောင်း မနောအာရုံတွင် ဖြစ်ပေါ်ခဲ့သည်။

လုပ်ငန်းတာဝန်မှ အနားယူပြီးချိန်တွင် ကြီးလေးသော တာဝန်များနှင့် လမ်းခွဲရခြင်းသည် ကြီးမားသော ၀န်ထုပ်ဝန်ပိုးများကို မနိုင်မနင်း ပင်ပန်းကြီးစွာ သယ်ယူခဲ့ရပြီး ပစ်ချခဲ့ရသဖြင့် လွတ်လပ်ပေါ့ပါးသွားသူ တစ်ဦးကဲ့သို့ ခံစားမှုများ ဖြစ်ခဲ့သည်။ ပေါ့ပါးခြင်း၏ အရသာကို ထူးခြားစွာ ခံစားရခဲ့သည်။ မိမိဘ၀အတွက် လုပ်ဆောင်ရမည့် ကိစ္စများကိုလဲ အေးဆေးစွာ တွေးတောစီမံနိုင်ခဲ့သည်။

ကျွန်ုပ်၏ မိသားစုတွင် မိခင်၊ ဖခင်၊ အစ်မလတ် နှင့် အစ်ကို တို့ ဘ၀တစ်ပါးသို့ ပြောင်းသွားခဲ့ကြပြီ ဖြစ်သည်။ ထိုပုဂ္ဂိုလ်များ၏ “နောက်ဆုံးချိန်” များကို ကျွန်ုပ် ပြန်လည်ဆန်းစစ် ကြည့်မိသည်။ ကျွန်ုပ်၏ ဖခင်ကြီးမှာ ခရစ်ယာန်ဘာသာဝင် တစ်ဦးဖြစ်သည်။ ဘုရားသခင်ကို နှစ်နှစ်ကာကာ ယုံကြည်သူတော့ မဟုတ်လှပါ။ မိခင်ကြီး ကိုးကွယ်သော ဗုဒ္ဓအယူဝါဒ ကိုလည်း ပစ်ပစ်ခါခါ လုပ်သူလည်း မဟုတ်ပါ။ ဖခင်ကြီးသည် အသက် (၆၈) နှစ် အရွယ်တွင် အသည်းရောဂါ ဖြင့်ကွယ်လွန်ခဲ့သည်။ သေခြင်းတရာကို ရင်ဆိုင်ရန် “ပြင်ဆင်ခြင်း” ကိစ္စများ ရှိခဲ့ဟန် မတူပါ။ ခရစ်ယာန်ဘာသာ၏ အယူဝါဒ အရ ဘုရားသခင်၏ ရင်ခွင်တွင် ငြိမ်းချမ်းစွာ ခိုလှုံရမည် ဟုသာ သိထားခဲ့ပါလိမ့်မည်။ ဝေဒနာကိုပြင်းထန်စွာ ခံစားရင်း ကွယ်လွန်ခဲ့ရှာသည်။ ကျွန်ုပ်တို့ မိသားစုမှ ဒုတိယ ကွယ်လွန်ခဲ့သူမှာ ကျွန်ုပ်၏ တစ်ဦးတည်းသော အစ်ကိုဖြစ်သည်။ ယိုဒယားမြန်မာ နယ်စပ်တွင် နေထိုင်ခဲ့ပြီး ဥပစ္ဆေဒကံကြောင့် သေဆုံးခဲ့ရကြောင်း သိခဲ့ရသည်။ တစ်ဦးနှင့် တစ်ဦးအချင်းများရာမှ သေနတ်ဒဏ်ရာရကာ သေဆုံးခဲ့ရသည်ဟု ၄င်း၏ မိတ်ဆွေများနှင့် မိသားစုက သတင်းပို့၍ သိခဲ့ရသည်။ ဒေါသဖြင့် သေဆုံးခဲ့ရသည်မှာ သိသာလှသည်။ ဗုဒ္ဓ၏ ဒေသနာတော်အရ ဒေါသဖြင့် သေဆုံးလျှင် အပါယ်လေးဘုံ သို့သာရောက်မည် မှာမလွဲပါ။ တတိယမြောက် ကွယ်လွန်ခဲ့သူမှာ ကျွန်ုပ်၏ အစ်မလတ် ဖြစ်သည်။ အစ်မလတ်မှာ ရင်ကြပ်ပန်းနာ ရောဂါနှင့် နှလုံးရောဂါ ခံစားနေရသူဖြစ်သဖြင့် သူမဘာသာလည်း အချိန်မရွေး သေဆုံးနိုင်ကြောင်း သိထားသူ ဖြစ်သည်။ သူမသည် သေဆုံးခြင်း ကိုရင်ဆိုင်နိုင်ရန် “ပြင်ဆင်ခြင်း” ကို လုပ်ဆောင်ခဲ့ပါသည်။ သို့ရာတွင် သူမ၏ ကျန်းမာရေး အခြေနေအရ ထိရောက်စွာ လုပ်ဆောင်နိုင်ခြင်း မရှိခဲ့ပါ။ သူမမကွယ်လွန်မီ နွေရာသီကျောင်းပိတ်ရက် တွင် (သူမမှာ ကျောင်းဆရာမ တစ်ဦး ဖြစ်ခဲ့သဖြင့် ကျွန်ုပ်၏ သားသမီးများကို သံယောဇဉ်ကြီးစွာ တွယ်တာခဲ့ပြီး စာပေသင်ကြားခြင်းကို နေ့တစ်ဓူဝ လုပ်ဆောင်ခဲ့သည်။ ကလေးများစာမေးပွဲ အပြီး တစ်ခုသော နွေရာသီကျောင်းပိတ်ရက် ကိုရွေးချယ်ခဲ့သည်။ ) မဟာစည်သာသနာ့ ရိပ်သာသို့ တရားအားထုတ် ရန် သွားရောက်ခဲ့သည်။ မဟာစည်သာသနာ့ ရိပ်သာ၏မူအရ ကျန်းမာရေး အလုံးစုံ ပြည့်စုံသူများပင် တရားကျင့်ကြံခြင်း ကိစ္စကို ပင်ပန်းစွာ လုပ်ဆောင်ရသည်။ သူမ၏ ယိုယွင်းနေသော ကျန်းမာရေးက သမာဓိရလောက်အောင်ပင် မစွမ်းဆောင်နိုင်ခဲ့ပါ။ ခန္ဒာ၊ အယတန၊ ဓါတ်၊ သစ္စာ များကိုပင် ပီပီပြင်ပြင် သိသွားခဲ့မည် မထင်ပါ။ အောက်တိုဘာလ၏ ညတစ်ညတွင် ဝေဒနာ ပြင်းထန်စွာ ခံစား၍ သူမ ကွယ်လွန် သွားခဲ့သည်။

လွန်ခဲ့သော ၆နှစ်ခန့်က ကျွန်ုပ်၏ မိခင်ကြီးသည် အသက် ၉၁နှစ် အရွယ်တွင် ကွယ်လွန်ခဲ့ပါသည်။ မိခင်ကြီးသည် ရတနာသုံးပါးကို အလေးအမြတ် ကိုးကွယ် ဆည်းကပ်သူဖြစ်သည်။ ငယ်ရွယ်စဉ်က ဖခင်၏ အသိုင်းအ၀န်းတွင် ကျင်လည်ခဲ့ရသော်လည်း ဗုဒ္ဓဘာသာကို အစဉ်အလေးထားခဲ့သူ ဖြစ်သည်။ ကျွန်ုပ်တို့ သားသမီးများကိုလည်း ဗုဒ္ဓ၏ အရိပ်အောက်တွင်သာ ကြီးပြင်းစေခဲ့သည်။ ငယ်ရွယ်စဉ်ကလည်း တရားရိပ်သာများတွင် ၀င်ရောက်အားထုတ်သော အလေ့အထ ရှိ့ခဲ့ပြီး သက်ရွယ်ကြီးရင့် လာချိန်တွင်လည်း စွမ်းအားရှိသမျှ ၀ိပဿနာ တရားကို အားထုတ်ခဲ့သူ ဖြစ်သည်။ ဇူလိုင်လ၏ နေ့တစ်နေ့တွင် မိခင်ကြီးမှာ အေးချမ်းစွာဖြင့် ကွယ်လွန်ခဲ့သည်။

ယခုအခါတွင် မိတ်ဆွေများ၊ ဆရာသမားများ ကွယ်လွန်ကြကြောင်း သိရလျှင် သူတို့တစ်တွေသည် “ပြင်ဆင်ခြင်း” ကို လုပ်ခဲ့ကြရဲ့လား၊ လုပ်နိုင်ခဲ့ကြရဲ့လား၊ ဆိုသည်ကို စဉ်းစားမိသည်။ များသောအားဖြင့် မအားမလပ်သည့်ကြားမှ သေမင်းခေါ်ရာသို့ တရွတ်ဆွဲ၍ လိုက်ပါသွားခဲ့ကြရသူတွေ သာများပါသည်။ ယခုအချိန်သည် ၀ိမုတ္တိခေတ် သို့လည်းရောက်နေပြီး ၀ိပဿနာ တရားတော်ကို ရှင်းလင်းစွာ ဟောကြား ပြသနိုင်သော ဆရာတော်များ၊ ရိပ်သာများ ထွန်းကားစည်ပင်နေချိန် ဖြစ်သည်။

ကျွန်ုပ်ရှေ့ပိုင်းတွင် ရေးခဲ့သကဲ့သို့ပင် ကျွန်ုပ်ကိုယ်တိုင် သတိမမူမိပဲ ကျွန်ုပ်ဘ၀အတွက် “ပြင်ဆင်ခြင်း” ကိစ္စကို အပါတ်တကုတ် ပြုလုပ်နေခဲ့မိသည်။ အပါတ်တကုတ် ပြုလုပ်သည်ဆိုသော အရာတွင် ဆရာတော်ကြီးများ၏ တရားဒေသနာတော်များ ကို လေ့လာခြင်း၊ နာယူခြင်း၊ မှတ်သားခြင်း၊ ကျင့်ကြံခြင်း ဟူသော လုပ်ငန်းဆောင်တာ များကို လုပ်ဆောင်ရင်း နေ့တစ်နေ့၏ အချိန်များကို အသုံးချ ကုန်လွန်စေခဲ့သည်။ ကျွန်ုပ်ကဲ့သို့ပင် တတိယအရွယ်သို့ ချင်းနင်းဝင်ရောက်ခဲ့သူ အားလုံးသည် ပထမဦးစားပေး အဆင့်အဖြစ် ပြင်ဆင်ကြပြီး အရွယ်မရွေး၊ အချိန်မရွေး သတိတရား လက်ကိုင်ထားကာ သတိပဌာန်တရားများ ကို လေ့လာပြီး “ပြင်ဆင်ခြင်း” လုပ်ငန်းများကို လုပ်ဆောင်သင့်ကြောင်း အသိပေးချင်သည့် စိတ်စေတနာများ တစ်ဖွားဖွား ပေါ်ပေါက်လာ မိပါတော့သည်။


မှတ်ချက်။ ။ မကြာသေးမီကမှ ရေးသားပေးပို့ခဲ့သော ကျွန်မ မေမေရဲ့ စာတစ်စောင် ဖြစ်ပါတယ်။ ဒီစာဟာ ကျွန်မ တစ်ယောက်တည်းအတွက်တင်မကပဲ လူအများပါ ဖတ်သင့်တဲ့ စာတစ်စောင် ဖြစ်တဲ့အတွက် ပြန်လည်ဝေငှ ပေးလိုက်ပါတယ်။ မေမေ့ရဲ့စာတွေ အကြောင်းကို “ကျွန်မရဲ့လက်များ” နိဒါန်းမှာ ဖတ်နိုင် ပါတယ်။

ကျွန်မရဲ့လက်များ

နိဒါန်း

အခုကျွန်မရေးချင်တဲ့ အကြောင်းအရာ ကတော့ ကျွန်မမေမေရဲ့ ကျွန်မရဲ့လက်များ အကြောင်းပဲ ဖြစ်ပါတယ်။ မေမေဟာ ကျွန်မနိုင်ငံခြားကို ပညာသင် ထွက်လာရတဲ့အချိန်ကစပြီး သူ့အလုပ်ခွင်ထဲက အကြောင်းတွေ၊ သူသွားခဲ့တဲ့ နေရာတွေ ၊ သူငယ်ငယ်ကအကြောင်း၊ သူ့စိတ်ခံစားချက်တွေ စသဖြင့် စာနဲ့ရေးပြီးအမြဲပို့ပေးလေ့ရှိပါတယ်။ အိမ်နဲ့ဝေးနေတဲ့ ကျွန်မအတွက် မေမေ့ရဲ့စာလေးတွေဟာ အလွမ်းပြေစေရုံသာမက အားဆေးတစ်ခွက်ပါ ဖြစ်စေခဲ့ပါတယ်။ ကျွန်မဆီပေးပို့ခဲ့တဲ့ မေမေ့ရဲ့စာတွေနဲ့ ကျွန်မရဲ့ခံစားချက်တွေအကြောင်းကို နောက်ပိုင်းမှာ အချိန်ရရင် ရေးပါအုန်းမယ်။ မေမေဟာ စာရေးဝါသနာပါသလို စာရေးကောင်းသူတစ်ယောက်လဲ ဖြစ်ပါတယ်။ ကျွန်မရဲ့လက်များ ဟာ မေမေ့ရဲ့ စာတွေထဲက ကျွန်မအကြိုက်ဆုံးစာတစ်စောင်ဖြစ်ပါတယ်။ ဒီစာဟာ မေမေ့ရဲ့ဘ၀တစေ့တစောင်းကို ဖော်ပြနေသလို လူသားတစ်ဦးရဲ့ ဘ၀ဖြစ်စဉ်တစ်ခုအပြင် မိခင်မေတ္တာကိုပါ ဖော်ပြနေတယ်လို့ ခံစားမိပါတယ်။ ဒီစာက မေမေပင်စင်ယူပြီးနောက်ပိုင်း ရေးခဲ့တဲ့စာတွေထဲက တစ်စောင်ပါပဲ။ မေမေ့ရဲ့နဂိုမူရင်းစာကို အနည်းငယ် ပြုပြင်ပြီး ဖော်ပြပေးလိုက်ပါတယ်။

ကျွန်မရဲ့လက်များ

နေ့စဉ်ဆိုသလို ကြက်သွန်ဖြူ ၊ ကြက်သွန်နီ နွှာနေတဲ့ကျွန်မရဲ့လက်တွေက စာရေးဖို့ အကျင့်မရဘူး ဖြစ်နေတယ်။ ပန်းကန်ဆေးလိုက်၊ တံမျက်စည်းကိုင်လိုက်လုပ်နေတဲ့ ကျွန်မရဲ့လက်တွေ အကြောင်း စဉ်းစားနေမိတယ်။ မိခင်ရင်ခွင်မှာ နေခဲ့ရတဲ့ ဘ၀တုံးကတော့ ကျွန်မရဲ့လက်ကလေးတွေက မိခင်ရဲ့နို့ချိုချိုကို ကိုင်စို့ဖို့လောက်ပဲ အသုံးဝင်ခဲ့မှာပါ။ နဲနဲကြီးလားလို့ အိုးပုတ်လေးတွေကိုင်ပြီး ကစားတတ်လာတော့ အဲဒီလို ထမင်းဟင်းချက်တမ်းကစားရတာကို ခုံမင်ခဲ့မိတယ်။ ကျွန်မမှတ်မိတာကတော့ အစ်မက ကျွန်မနဲ့အတူ အဖော်လုပ်ပြီး ကစားလေ့ရှိတယ်။ အသက် ၅ နှစ်မပြည့်ခင် အရွယ်လောက်ကပေါ့။ အစ်မကထမင်းရည်တွေကို နွားနို့ဆိုပြီးကစားတာ မှတ်မိသေးတယ်။ ကျောင်းနေတဲ့အရွယ်ရောက်ပြန်တော့ ကျွန်မတို့ခေတ်က ကျောက်တံ လေးတွေကိုင်ခဲ့ရတာပေါ့။ ကျောက်သင်ပုန်းပေါ်မှာ ကိုယ့်လက်လေးနဲ့ ရေးလိုက်လို့ ထင်ထင်ရှားရှားဖြစ်လာ တာလေးတွေကို သဘောကျနေခဲ့တယ်။ ကျွန်မငယ်ငယ်တုံးက စိတ်ကူးယဉ်တတ်တယ်။ အဖော်လဲမရှိခဲ့ဘူး။ ကျွန်မတို့တောင်ကြီးမှာနေခဲ့တုံးကပေါ့၊ အိမ်ကနေ အနောက်ဘက်ကိုသွားလိုက်ရင် တောင်ပူစာလေးရှိတယ်။ ညနေကျောင်းဆင်းရင် အဲဒီနေရာကိုသွားပြီး တောပန်းလေးတွေခူး၊ ပန်းမွေ့ရာလုပ်တာမှတ်မိနေသေးတယ်။ ကျွန်မကအိမ်မှာ အငယ်ဆုံးဖြစ်လို့ အရေးပေးခံရတာများတယ်။ ကျွန်မရဲ့လက်တွေက ထမင်းစားပြီးပန်းကန် တောင် မဆေးခဲ့ရဘူး။ အဲဒီကာလတွေတုံးကတော့ ကျွန်မရဲ့လက်တွေက ဖောင်တိန်၊ ခဲတံတွေနဲ့ပဲထိတွေ့နေ ခဲ့ရတာပေါ့။ ဖောင်တိန်ဆိုလို့သတိရပါသေးတယ်။ ကျွန်မတို့ခေတ်က ဖောင်တိန်ကိုင်ရတဲ့ ခေတ်ဆိုတော့ ကျောင်းပိတ်ရက်အားရင် ဖောင်တိန်ကိုဆေးရတယ်၊ မင်ထည့်ရတယ်။ ဖောင်တိန်ဆိုလို့ထပ်ပြောရအုန်းမယ်။ ကျွန်မဘ၀မှာ မှတ်မှတ်ရရဖောင်တိန် ၂ချောင်းရှိခဲ့ဘူးတယ်။ တစ်ချောင်းက ကျွန်မ ၆တန်းအောင်တုံးက တတိယဆုရခဲ့တာပါ။ ဖောင်တိန်မှာ Third Prize လို့ရေးထွင်းထားတယ်။ နောက်တစ်ချောင်းက ကျွန်မ အလုပ်သင်ဆရာဝန်ဘ၀တုံးက ကျွန်မရဲ့ချစ်သူက ကျွန်မနာမည် ရေးထွင်းပြီးပေးခဲ့တာပါ။ အဲဒီခေတ်က Parber ဖောင်တိန်ဆိုတာ အကောင်းဆုံးပေါ့။ လူကြိုက်လဲများတယ်။ Youth ဆိုတဲ့ ဖောင်တိန်လေးတွေကလဲ ရောင်စုံ လေးတွေနဲ့ လူကြိုက်များတယ်။

ဒီလိုနဲ့ MC ရောက်တော့ ကျွန်မရဲ့လက်တွေက ဖားခွဲရတယ်။ ၀က်သေးသေးလေးတွေ ခွဲရတယ်။ လက်တွေ့ခန်းတွေဝင်ရတယ်။ အတန်းကြီးလာတော့ လူနာတွေစမ်းသပ်ရတယ်။ စာအုပ်အကြီးကြီးတွေ ပွေ့ပိုက်ပြီးကျောင်းသွားရတယ်။ House Surgeon ဖြစ်လာတော့ ကျွန်မရဲ့လက်တွေကို ယုယကြင်နာစွာနဲ့ တွဲခေါ်လာတဲ့ လက်တစ်စုံ ရှိခဲ့တယ်။ အဲဒီအချိန်ကစပြီးတွဲလာခဲ့တဲ့ လက်တစ်စုံနဲ့ အတူ ချမ်းသာခြင်း၊ ဆင်းရဲခြင်း၊ ပျော်ရွှင်ခြင်း၊ ၀မ်းနည်းခြင်း တွေကို ရင်ဆိုင်ခဲ့ကြတယ်။ အဲဒီလိုနဲ့ ကျွန်မသမီးဦးလေး မွေးခဲ့တဲ့ အချိန်မှာတော့ ကျွန်မရဲ့ချစ်ခြင်းမေတ္တာဓာတ်တွေနဲ့ ကြင်နာယုယမှုတွေနဲ့ ကျွန်မရဲ့လက်တွေမှာစုစည်းခဲ့ တယ်။ သမီးလေး ၁ နှစ်နီပါးရှိချိန်မှာတော့ ကျွန်မရဲ့ဖေဖေဟာ မကျန်းမမာ ဖြစ်ခဲ့တယ်။ ကျွန်မရဲ့ စိတ်ထဲမှာ ဖေဖေဟာကျွန်မတို့နဲ့ သိပ်ကြာကြာမနေရတော့ဘူးဆိုတာ သိနေခဲ့တယ်။ ဖေဖေနဲ့ခွဲခွာရတော့မယ်ဆိုတာ သိနေချိန်မှာ ကျွန်မဟာ မကြာခဏဖေဖေ့ရဲ့လက်မောင်းတွေကိုတွဲပြီး ၊ ဖေဖေ့ရဲ့လက်တွေနဲ့ ကျွန်မရဲ့ လက်တွေကို ထိတွေ့ပြီးနေခဲ့တယ်။ ဖေဖေဆုံးပြီး ၁၀ လပြည့်တဲ့နေ့မှာ ကျွန်မတို့အိမ် မီးလောင်တဲ့ထဲမှာ ပါသွားခဲ့တယ်။ အဲဒီအချိန်တုံးက ကျွန်မရဲ့လက်တွေက ရှိသမျှခြင်ထောင်တွေ ၊ စောင်တွေကို အိပ်ရာခင်းထဲ ထည့်ပြီးထုတ်တော့တာပါဘဲ။ မီးတွေကနီးကပ်လာပြီး နောက်ဆုံးအိမ်ပေါ်ကဆင်းမယ်လုပ်တော့ Album စာအုပ်နဲ့ ထမင်းချိုင့်ကြီးကို သယ်ခဲ့တယ်။ နောက်ပိုင်း သားလေးတွေမွေးလာတော့လဲ သူတို့နဲ့ အလုပ်ရှုပ်ရပြန်တာပေါ့။ ပူအိုက်တဲ့နေ့တွေမှာ အိပ်ခါနီးတိုင်း ရေ၀တ်တိုက်ပေးပြီး အ၀တ်လဲ၊ ပေါင်ဒါတွေ ထည့်ပေးခဲ့တယ်။ ဒါမှ သန့်သန့်ရှင်းရှင်းနဲ့ မွှေးမွှေးလေး အိပ်ရအောင်လို့ပေါ့။

ကျွန်မရဲ့ ဆရာဝန်သက်တမ်းတစ်လျှောက်မှာ ဒီလက်တွေနဲ့ပဲ လူနာတွေရဲ့အသက်တွေ အများကြီး ကယ်တင်နိုင်ခဲ့ပါတယ်။ အထူးသဖြင်း မီးဖွားပေးခဲ့ရတာ၊ ခွဲစိတ်ပေးခဲ့ရတာတွေ အများကြီးပါဘဲ။ လူနာတွေရဲ့ ပြည်၊ သွေးတွေကို မရွံမရှာကိုင်တွယ်ခဲ့ရတယ်။ ရွှေဆိုင်တွေရဲ့ရှေ့ကဖြတ်လျှောက်မိတဲ့အခါတိုင်း ရွှေထည်လှလှ လေးတွေကို ကိုင်တွယ်နေရတဲ့ ကောင်မလေးတွေရဲ့ လက်လှလှလေးတွေနဲ့ ကျွန်မရဲ့လက်တွေကို နှိုင်းယဉ်ကြည့်နေခဲ့ဘူးတယ်။

အဲဒီလို ဘ၀နဲ့အလုပ်ခွင်ကိုဖြတ်သန်းလာရင်းနဲ့ ရာထူးအဆင့်ဆင့်တက်ပြီး ဆေးရုံအုပ်ကြီးဖြစ်လာ ပြန်တော့လဲ အမိန့်တွေ၊ အစီရင်ခံစာတွေကို ဒီလက်တွေနဲ့ပဲ ရေးပေးခဲ့ရ၊ လက်မှတ်ထိုးပေးခဲ့ရတာပါဘဲ။ အချိန်တန်လို့ပင်စင်ယူပြီး နောက်ပိုင်းမှာတော့ကျွန်မဟာ အိမ်ရှင်မကြီးလုံးလုံးလျားလျား ဖြစ်လာခဲ့ပါတယ်။ နေ့စဉ်နဲ့အမျှ အိမ်အလုပ်တွေနဲ့ အချိန်ကုန်နေရတယ်။ ဒါပေမယ့် ကျွန်မရဲ့လက်တွေကို ဒီလိုအလုပ်တွေနဲ့ပဲ အလဟဿကုန်ဆုံးသွားမှာကို မလိုလားပါဘူး။ လက်ကလေးနှစ်ဘက်ထပ်ပြီး ငြိမ်သက်စွာနဲ့ ခန္ဒာကိုယ်ရဲ့ဖြစ်မှု၊ ပျက်မှုကိုစောင့်ကြည့်ရင်း ၀ိပဿနာဥာဏ်စဉ်အဆင့်ဆင့်တက်ပြီး အိုခြင်း၊ နာခြင်း၊ သေခြင်း ကင်းတဲ့မဂ်ဖိုလ် နိဗ္ဗာန်ကိုလှမ်းတက်နိုင်အောင် ကြိုးစားရပါအုန်းမယ်။


စာဖတ်သူတို့လဲ မိမိရဲ့လက်တွေကိုဘ၀မှာ ဘယ်လိုအသုံးချခဲ့တယ်ဆိုတာ တွေးတောကြည့်ဖူး ပါရဲ့လား။ မိမိရဲ့လက်တွေဟာ မိမိတစ်ဦးတည်းအတွက် လက်လား၊ မိသားစုမှာအသုံးဝင်ခဲ့တဲ့ လက်လား၊ လူအများ အတွက် လက်လား၊ စသဖြင့်ပေါ့။ ဒါ့အပြင်မိမိရဲ့လက်တွေကို လောကီ၊ လောကုတ္တရာနှစ်ဖြာမှာ အကျိုးရှိ အောင်အသုံးပြုဖို့ စဉ်းစားကြည့်ခဲ့ပါသလား။