Monday, February 7, 2011

မေမေနာယူသောတရားများ-၆

မီးငယ်လေးရေ....
မေမေဒီနေ့ နာရတဲ့ တရားကတော့ အားတက်စရာတရားတစ်ပုဒ်ပါပဲ။
သံသရာဆိုတာ ဘာလဲဆိုရင် မိမိအခါခါ သေနေတာ သံသရာတဲ့။ ဒီနေရာမှာ သေတယ် ဆိုတာ မေမေတို့ နာလည်ထားတဲ့ အလောင်းကြီးကို ပြောတာမဟုတ်ဘူး။
မျက်စေ့တစ်မှိတ်အတွင်းမှာ ရုပ်ခန္တာပေါင်း ကုဋေ ၅၀၀၀ နာမ်ခန္တာပေါင်း ကုဋေ ၁သိန်း ပျက်နေတာကို ပြောတာပါ။ ပျက်လိုက် အစားထိုးလိုက် နဲ့ ဖြစ်ပျက်နေတာတွေကို စဉ်းစားကြည့်ရင် မချမ်းသာပါဘူး။ ဆင်းရဲပါတယ်။
ပေတကော ပဒ္ဒေသပါဠိတော်မှာ အရှင် အနန္ဒာက ဟောထားပါတယ်။ အချက် ၂ ခုကိုလိုက်နာရင် နိဗ္ပာန် ရနိုင်ပါတယ်တဲ့။ အဲဒီအချက် ၂ ချက်က
၁) သစ္စာတရားနာရမယ်။
၂) မိမိရဲ့ ခန္ဒာကိုယ်ကို နှလုံးသွင်းမှန်ရမယ်။

အဲဒီ အချက် ၂ ချက်ကို မပျောက်ပျက်အောင် သေသေချာချာ သိမ်းကြပါတဲ့။ ကိုယ့်ပစ္စည်းပျောက်ရင် မွဲရုံပဲရှိမယ်။ ကိုယ့်သားသမီး ပျောက်တာလဲ အရေးမကြီးဘူးတဲ့။ ဘ၀အဆက်ဆက်မှာ ပျောက်ပေါင်းများလှပါပြီတဲ့။
ဒီအချက် ၂ ချက် ပျောက်ရင်တော့ အိုပွဲ၊ နာပွဲ၊ သေပွဲ တွေဟာ ကိုယ့်ပစ္စည်းဖြစ်မှာ ပဲတဲ့။
ခန္ဒာပေါင်းစုံ၊ ငရဲပေါင်းစုံမှာ ကြုံခဲ့ရတာ ဒီအချက် ၂ ချက် ပျောက်ခဲ့လို့ပဲ။
သစ္စာတရားနာတဲ့ နေရာမှာ ခန္ဒာဟာ ဒုက္ခသစ္စာ ပဲလို့သိနေရင် ကိလေသာ အစေးတွေ ခမ်းခြောက်တယ်။
ခြောက်နေတဲ့ သစ်တုံးကို မီရှို့လို့လွယ်သလိုပဲ။ ကိလေသာ အစေးခြောက်နေရင် မဂ်မီးနဲ့ ရှို့ရင်လောင်လွယ်ပါတယ်။

မိမိခန္ဒာမှာ ဖြစ်ပျက်တွေရှိပါလား လို့နှလုံးသွင်းနေရမှပါ။ ၀မ်းသာရင်လဲ ၀မ်းသာတဲ့ စိတ်က ဖြစ်ပြီးပျက်ရတာပဲ။ ဘာမဆို ဖြစ်ပြီးရင် ပျက်ရမှပါလား လို့ နှလုံးသွင်းမှန်နေရမှာပါပဲ။
(2nd June, 2009)

Posts with same label

Related Posts with Thumbnails