စတင်ရေးသားခြင်းဘွဲ့လွန်ကျမ်းတစ်ခုတွင် ပါဝင်သင့်သော အခန်းကဏ္ဍများအား ဖော်ပြခဲ့ပြီး ဖြစ်ပါသည်။
သင်သည် ယခုမှ စ၍ ဘွဲ့လွန်ကျမ်းအား စတင်ရေးသားပြီ ဆိုပါစို့။ စတင်ရေးသားရန် အကောင်းဆုံး နည်းလမ်းမှာ ရေးသားမည့် အကြောင်းအရာ၏ ကောက်ကြောင်း (Outline) အား စတင်ရေးသားခြင်း ဖြစ်သည်။ ရှေးဦးစွာ ထည့်သွင်းရေးသားရန် ရည်ရွယ်ထားသော ဘွဲ့လွန်ကျမ်း၏အခန်း(Table of Contents) များအား စတင်ပြုစု၍ အခန်းငယ်များ၊ အခန်းခွဲငယ်များ (Sections and Subsections)ဖြင့် ပုံကြမ်းဖော်ပါ။ ထို့နောက် ထိုအခန်းငယ်များ တစ်ခုစီ၏ အတိုချုပ်ဖော်ပြချက်များအား ပြုစုပါ။ ထိုကဲ့သို့ ကောက်ကြောင်းအား ပုံဖော်ရာတွင် စာမျက်နှာ ၂ မျက်နှာ မှ ၅မျက်နှာ ခန့်အတွင်း ရှိသင့်သည်။ သင်နှင့် သင်၏ဘွဲ့လွန်ကျမ်း ကြီးကြပ်သူဆရာက ကောက်ကြောင်းအား ပြန်လည် စစ်ဆေးရာတွင် သင်ဖြေရှင်းသည့် မေးခွန်း(သို့) ပြဿနာ နှင့် တိုက်ရိုက် မသက်ဆိုင်သည်များအား ပယ်ဖျက်၍ လိုအပ်သည်များအား ဖြည့်စွက်ခြင်းများ ပြုလုပ်နိုင်သည်။ ကောက်ကြောင်းအဆင့်တွင် ထိုသို့ ပြုလုပ်ခြင်းအားဖြင့် အကြောင်းအရာတစ်ခုလုံးအား ရေးသားပြီးကာမှ ပြန်လည် ဖြည့်စွက်ပြင်ဆင်ခြင်း၊ ပယ်ဖျက်ပစ်ရခြင်းထက်စာလျှင် များစွာ အချိန်ကုန်လူပန်းသက်သာစေသည်။
ဘွဲ့လွန်ကျမ်းတစ်ခုပြီးစီးရန် အချိန်မည်မျှလိုအပ်မည်နည်း။
သင်ထင်ထားသည်ထက် ပို၍ကြာပါသည်။ သင်သည် ဘွဲ့လွန်ကျမ်းနှင့်ပတ်သက်သော သုတေသနဆိုင်ရာ လုပ်ငန်းများ (Model များတည်ဆောက်ခြင်း၊ တွက်ချက်ခြင်း ) ပြီးမြောက်သွားသည်ဆိုသော်ငြားလည်း ဘွဲ့လွန်ကျမ်းရေးသားရန် အတွက် အနည်းဆုံး ၆လခန့် (ဘာသာရပ်ပေါ်မူတည်၍ကွဲပြားနိုင်သည်) လိုအပ်သည် ဆိုသည့် အချက်အား အမြော်အမြင်ရှိစွာဖြင့် တွက်ဆထားသင့်သည်။ ဆိုလိုသည်မှာ ဘွဲ့လွန်ကျမ်းအား စာစီစာရိုက်ပြုလုပ်ရသည့် ကြာမြင့်ချိန်အား ရည်ရွယ်လိုခြင်းမဟုတ်ပဲ သင်၏ရှာဖွေတွေ့ရှိချက်များနှင့် ပတ်သက်၍ ပြည့်စုံစွာ ရှင်းလင်းတင်ပြနိုင်ရန် ကြာမြင့်မည့် အချိန် ဟူသည့်အချက်ပင်ဖြစ်သည်။
သုတေသနကျမ်းအား စစ်ဆေးအကဲဖြတ်သူများ၏ ဆီလိုအပေါက်ရှာကာ ဝေဖန်နိုင်သည့် အားနည်းချက်များအား ပြန်လည်သုံးသပ်ကာ ရေးသားပြုစုခြင်းသည် အချိန်လွန်စွာကုန်စေသည်။ ဤကဲ့သို့ အချိန်ယူကာ ပြုစုနိုင်မှသာလျှင် ပြီးပြည့်စုံသော ကျမ်းတစ်စောင်ဖြစ်ပေမည်။
ကျမ်းတစ်စောင်အား စတင်ရေးသားသည့် အချိန်မှစ၍ သင်၏ကြီးကြပ်သူဆရာသည် တန်းဝင်ကျမ်း တစ်စောင်၏ ရှုထောင့်မှ စတင်၍ကြည့်ကောင်းကြည့်ပေလိမ့်မည်။ ထိုအချိန်တွင် သင်သည် ကျမ်းစတင်မပြုစုမှီ အချိန်က ဆရာနှင့်မိမိ၏ အတူတကွ နားလည်ထားမှုများသည် ဤအချိန်မှစ၍ နားလည်မှုလွဲမှားကောင်း လွဲမှားနေသည် ကိုတွေ့ရှိလာနိုင်ပေသည်။ ထို့ကြောင့် အချိန်လိုသည်။ အင်္ဂလိပ်ဘာသာသည် မိခင်ဘာသာစကား မဟုတ်သူများအတွက်(ကြီးကြပ်သူဆရာ(သို့) ကျမ်းပြုစုသူ)မိမိ၏အယူအဆ၊ အတွေးအခေါ်များအား တစ်ခြားသူအား လုံးစေ့ပတ်စေ့ နားလည်စေရန် ဖော်ပြရာတွင် ခက်ခဲနိုင်သည့်အတွက် ပြန်လည်စစ်ဆေးမှုများ များစွာလိုအပ်သည်။ အမှန်ဆိုရလျှင် သင်၏ကြီးကြပ်သူဆရာသည် သင့်ကျမ်းအား စစ်ဆေးတည်းဖြတ်ရာ၌ မြန်ဆန်မှု မရှိနိုင်သည်ကိုပါ ထည့်သွင်းစဉ်းစားသင့်သည်။
အနည်းဆုံး အချိန်လုံလောက်စွာယူပါ။ အလျင်စလိုလုပ်ဆောင်မှုများသည် အကျိုးဆက်အနေဖြင့် သင်၏ Thesis defense တွင်ဆိုးကျိုးများသာ ဖြစ်ပေါ်စေနိုင်၍ဖြစ်သည်။
(ဆက်လက်ဖော်ပြပါမည်)
No comments:
Post a Comment