Thesis တစ်စောင် ဘယ်လိုရေးမလဲ(၆)

figure from www.CartoonStock.com

အကြံပြုချက်များ

သုသေသနကျမ်းအား ဖတ်ရှူမည့်သူ၏နောက်ခံအကြောင်းအရာအား ထည့်သွင်းတွက်ဆထားခြင်း။

သင်သည် သင်၏ သုသေသနကျမ်းအား မည်သို့သောပုဂ္ဂိုလ်၊ မည်သို့သော (ပညာရပ်ဆိုင်ရာ အတွေ့အကြုံရှိသော) လူတန်းစားက ဖတ်ရှူမည် (အတွက် ရည်ရွှယ်၍ရေးမည်)၊ ထိုသူများသည် မည်သည့်အကြောင်းအရာ၊အခြေခံမှ စတင် ရေးသားခြင်းအားဖြင့် သင်၏ သုသေသနကျမ်းအား ပိုမိုနားလည်စေမည်၊ စသည်ဖြင့် ကြိုတင်တွက်ဆ ထားရပေမည်။ ပုံမှန်အားဖြင့် ထိုသူများသည် သင်၏ သုသေသနဆိုင်ရာ ဘာသာရပ်၌ ကျယ်ကျယ်ပြန့်ပြန့် နှံ့စပ်သောသူများ ဖြစ်ကြသော်လည်း သင်၏ သုသေသနလုပ်ငန်းစဉ် (ဘွဲ့လွန်စာတမ်း ကဖြေရှင်းပေးမည့် မေးခွန်း(သို့) ပြဿနာ) နှင့် ဆက်စပ်၍ လက်ရှိ အချိန်တွင် သင်လက်ပွန်းတတီး ရင်းရင်းနှီးနှီး ရှိနေသလောက် ရှိချင်မှ ရှိနေပေလိမ့်မည်။ ထို့ကြောင့် သင်၏ သုသေသနကျမ်းအား ပိုမိုလွယ်ကူစွာ နားလည်စေရန် ခက်ခဲသော အတွေးအခေါ် အယူအဆများ(ကဏ္ဍ)အား ရှင်းရှင်းလင်းလင်းနှင့် နားလည်လွယ်အောင် ဖော်ပြပါ။ သင်၏ သုသေသနဆိုင်ရာ ဘာသာရပ်နှင့် ဆက်စပ်မှုရှိသောသူအား ကြိုတင်ဖတ်စေ၍ နားလည်လွယ်ခြင်း ရှိ၊ မရှိ ၎င်းစာဖတ်သူ၏ ထင်မြင်ချက်အား တောင်းခံ၍ သင်၏ဘွဲ့လွန်ကျမ်း(စာတမ်း)အား ပိုမိုကောင်းမွန်မှု ရှိစေရန်အားထုတ်သင့်သည်။

စာဖတ်သူအား အလွန်အမင်း အားစိုက်ထုတ်ရစေခြင်းမှရှောင်ရှားရန်။

ဤအချက်သည် အလွန် အရေးကြီးပါသည်။ သင်၏ဘွဲ့လွန်ကျမ်း(စာတမ်း)တွင် စစ်ဆေးသူများ၏ ဘွဲ့လွန်ကျမ်းအား အကဲဖြတ် မေးခွန်းများ(Thesis တစ်စောင် ဘယ်လိုရေးမလဲ(၁)တွင် ဖော်ပြပြီး)အား အခန်းခွဲ၊ခေါင်းစဉ်များဖြင့် အလွယ်တကူထင်သာမြင်သာရှိစေပြီး မှန်ကန်သော စကားလုံးများ၊ သဒ္ဒါနှင့်သတ်ပုံမှန်များ ရွေးချယ်၍ ၎င်းမေးခွန်းများအား ဖြေဆိုရန်လိုအပ်သည်။ စစ်ဆေးသူများသည် ၎င်းမေးခွန်းများအား သင်၏ဘွဲ့လွန်ကျမ်း(စာတမ်း)တွင် အားစိုက်ထုတ်၍ စေ့စေ့စပ်စပ် လှန်လှော ရှာဖွေရလေလေ စိတ်မရှည်လေလေ ဖြစ်စေပြီး ဤအချက်သည် ဘွဲ့လွန်ကျမ်းအား ပြန်လှန်ပြင်ဆင်ရေး ဖြစ်စေရန် ပိုမိုနီးစပ်လာလေပင် ဖြစ်စေပါသည်။

အရေးပါအရာရောက်သော အကြောင်းအရာ၊ကဏ္ဍများအား ပိုမိုရှင်းလင်းစေရန် ဆီလျော်သော ခေါင်းစဉ်၊ခေါင်းစီးများဖြင့် မီးမောင်းထိုးပြပါ။ ဘွဲ့လွန်ကျမ်းတွင် လွန်စွာများပြားလှသော အကြောင်းအရာ၊အချက်အလက်များ ပါဝင်နေသောကြောင့် စာဖတ်သူအား ဘွဲ့လွန်ကျမ်းအကဲဖြတ် မေးခွန်းများ၏ အဖြေများဆီသို့ သွယ်ဝိုက်၍ ခေါ်ဆောင်ခြင်းမဖြစ်စေရန် သတိထားပါ။

သတိပြုရန်မှာ ဘွဲ့လွန်ကျမ်းသည် ရသစာပေ၊ ဇာတ်လမ်းတစ်ခု မဟုတ်ပါ။ သုသေသန၏ရည်ရွယ်ချက်ဖြစ်သော ဘွဲ့လွန်ကျမ်းအကဲဖြတ်မေးခွန်းများအား ရှာဖွေဖြေဆိုတင်ပြရန် ပုံစံတကျဖြင့် စီစဉ်တင်ပြရသော သက်ဆိုင်ရာ တက္ကသိုလ်၏ အသိအမှတ်ပြူ စာတမ်းတစ်စောင် ဖြစ်သည့်အားလျော်စွာ သင်ဆောင်ရွက်ခဲ့သော သုသေသနလုပ်ငန်းစဉ် အစီအစဉ်အတိုင်း (ဇာတ်လမ်းစဉ်ကဲ့သို့) ရေးသားရန် မလိုအပ်ပါ။

သင်သည် အကြောင်းအရာတစ်ခုအား ရေးသားရာတွင် ထိုအကြောင်းအရာအား သေချာစွာ ရှင်းလင်းတင်ပြထားခြင်း မရှိပဲ စာဖတ်သူ(ဘွဲ့လွန်ကျမ်းအကဲဖြတ်သူ)အား အရာရာ သိထားပြီးဟု ယူဆထားသော အသုံးအနှုံး၊ပုဒ်စုများ ၊ ဥပမာ "Clearly, this is the case..." or "Obviously, it follows that ..." စသည်များ အား သုံးနှုံးခြင်းမှ အတတ်နိုင်ဆုံး ရှောင်ကျဉ်သင့်သည်။ ဤအသုံးအနှုန်းများသည် စာဖတ်သူက သင်၏ဘွဲ့လွန်ကျမ်းအား ဖတ်ရှု၍ နားလည်သဘောပေါက်ခြင်းမရှိပါက (သင်၏ရှင်းလင်းတင်ပြချက် သည် ပြည့်စုံခြင်းမရှိသောကြောင့်) စာဖတ်သူအား စော်ကားသကဲ့သို့ ဖြစ်စေသည် ကို သတိပြုရန် လိုအပ်သည်။ သို့သော်ငြားလည်း သင်၏ရှင်းလင်းတင်ပြချက်သည် ရှင်းလင်းပြည့်စုံပါက ရှင်းလင်းချက်အပြီးတွင် ဤပုဒ်စုများအား အသုံးပြုနိုင်သည်။

ထို့အပြင် သင်၏ထင်မြင်ချက်အား ခိုင်လုံသော အထောက်အထားစာတမ်း နှင့် အကြောင်းပြချက် တစ်စုံတစ်ရာ မရှိပဲ မရေးသားသင့်ပါ။ ဥပမာ "software is the most important part of a computer system" ။ စစ်ဆေးသူများသည် ဤရေးသားချက်အား ထောက်ပြ၍ ဤကဲ့သို့ မေးခွန်းမျိုးမေးလာနိုင်သည် "Can you demonstrate that software is the most important part of a computer system?"

ကွန်ပြူတာပရိုဂရမ်၊ အသုံးချပစ္စည်းကိရိယာများနှင့် ပတ်သက်၍.....

ဘွဲ့လွန်ကျမ်းတစ်ခု၏ ရည်ရွယ်ချက်မှာ ထိုဘွဲ့လွန်ကျမ်း၏ ကိုယ်ပိုင်ဖန်တီးမှု အတွေးအခေါ် နှင့် အသိပညာများအား ပညာရပ်ဆိုင်ရာတိုးတက်မှုအတွက် ရေးသားရခြင်းပင်ဖြစ်သည်။ သင်သည် သင်၏ သုတေသနတွင် အသုံးပြုခဲ့သော (သင်၏အတွေးအခေါ်ယူဆချက်သည် မှန်ကန်ကြောင်း ပြသနိုင်ရန်) ကွန်ပြူတာ ပရိုဂရမ်များ၊ အသုံးပြုခဲ့သော စက်ကိရိယာများ ၊ ရှေ့ပြေးပုံစံများ (prototypes) ဖော်ပြနိုင်သော်လည်း သတိပြုရန်မှာ ဘွဲ့လွန်ကျမ်းသည် ၎င်းတို့အား တင်ပြလိုရင်းမဟုတ်ပဲ ပညာရပ်ဆိုင်ရာ အသိပညာ ဗဟုသုတများအား တင်ပြလိုရင်းပင်ဖြစ်သည်။ သင်သည် ကွန်ပြူတာ ပရိုဂရမ်များ၊ စက်ကိရိယာများ အသုံးပြုနိုင်ရုံမျှဖြင့် အဆင့်မြင့်ဒီဂရီတစ်ခုအား မရရှိနိုင်ပါ။ ၎င်းတို့အား အသုံးပြု၍ သင်၏ ကိုယ်ပိုင်ဖန်တီးမှု အတွေးအခေါ်အား ပြသနိုင်ခြင်းဖြင့်သာ အဆင့်မြင့် ဘွဲ့လွန်ဒီဂရီအား ဆွတ်ခူးနိုင်ပေမည်။

Master Thesis နှင့် Doctoral Thesis အား နှိုင်းယှဉ်ချက်

မဟာဘွဲ့လွန်ကျမ်း နှင့် ပါရဂူဘွဲ့လွန်ကျမ်း၏ အဓိက ကွာခြားချက်မှာ ဘွဲ့လွန်ကျမ်း၏ ဖွဲ့စည်းပုံမဟုတ်ပဲ ဘာသာရပ်ဆိုင်ရာ ပြဿနာအတိမ်အနက် နှင့် ၎င်းအားဖြေရှင်းနိုင်မှု အဆင့်ပင်ဖြစ်သည်။

မဟာဘွဲ့လွန်ကျမ်းသည် အသိပညာနယ်ပယ် တိုးတက်ဖွံ့ဖြိုးမှု၌ တစ်စိတ်တစ်ဒေသအားဖြင့် အထောက်အကူပြုမှု (သို့မဟုတ်) ကောင်းစွာဖွံ့ဖြိုးနေပြီးဖြစ်သော နည်းပညာများအား မိမိပြုလုပ်မည့် သုတေသနနယ်ပယ်အသစ်၌ အသုံးချနိုင်မှု ဖြစ်သည်။

ပါရဂူဘွဲ့လွန်ကျမ်းသည် အသိပညာနယ်ပယ်၌ ဆန်းသစ်တီထွင်နိုင်မှု ရှိသော အတွေးအခေါ်များအား ပေးနိုင်ရပေမည်။ ထို့ကြောင့် ပါရဂူဘွဲ့လွန်ကျမ်းတွင် ပိုမိုခက်ခဲသော ပြဿနာအား ရှာဖွေဖြေရှင်းရန် လိုအပ်၍ ပိုမိုတိကျခိုင်မာသော ဘာသာရပ်ဆိုင်ရာ အသိပညာအား ပေးစွမ်းနိုင်ခြင်းရှိရန် လိုအပ်ပေသည်။

(ဘွဲ့လွန်ကျမ်းရေးသားခဲ့သည့် အတွေ့အကြုံ၊ ဗဟုသုတများအား အခြေခံ၍ Prof. John W. ChinneckDept. of Systems and Computer EngineeringCarleton UniversityOttawa, Canada ၏ How to Organize your Thesis ကို ခံစားဘာသာပြန်ပါသည်။)