Thesis တစ်စောင် ဘယ်လိုရေးမလဲ(၄)

၇။ မှီငြမ်းကိုးကားချက်များ (ကျမ်းကိုး)

မှီငြမ်းကိုးကားချက်များသည် အများအားဖြင့် အခန်း(၃)တွင် ဖော်ပြခဲ့သော State of Art နှင့် များစွာ ဆက်နွယ် ရပေမည်။ ဘွဲ့လွန်ကျမ်းအား အကဲဖြတ်သူများသည် အခန်း(၃)တွင် ဖော်ပြခဲ့သော အကြောင်းအရာများအား ဤအခန်းတွင် ဖော်ပြထားသော မှီငြမ်းကိုးကားချက်များနှင့် တိုက်ဆိုင်စစ်ဆေးလေ့ ရှိသဖြင့် သက်ဆိုင်ရာ ကျမ်းကိုးများအား မကျန်ရစ်စေရန် သတိပြုရမည်။ ပုံမှန်အားဖြင့် စာတမ်းစစ်ဆေး အကဲဖြတ်သူ၏ သုတေသန လုပ်ငန်းနယ်ပယ်သည် သင်၏သုတေသနနှင့် ဆက်စပ်မှုရှိသည် ဆိုပါက ၎င်းအကဲဖြတ်သူသည် သူ၏ သုတေသနစာတမ်းအား သင်၏ကျမ်းကိုးစာရင်းတွင် ထည့်သွင်းထားခြင်း ရှိမရှိ ရှာဖွေလေ့ရှိသည်။ ၎င်းအပြင်၊ သင်သည် ထိုအကဲဖြတ်သူ၏ သုတေသနစာတမ်းများ (သုတေသနဆိုင်ရာ စိတ်ဝင်စားမှု အကြောင်းအရာ၊ ရှုထောင့်) အားလေ့လာထားပါက ထိုသူ၏ မေးခွန်းများအား ခန့်မှန်းနိုင်ရန် သဲလွန်စများရနိုင်ပေရာ ထိုအကဲဖြတ်သူ၏ သုတေသနစာတမ်းများအား လေ့လာထားသင့်သည်။

ကျမ်းကိုးများသည် ဘွဲ့လွန်ကျမ်း၏ အဓိကကျသော အပိုင်းအား ရေးသားရာတွင် ကိုးကားထားသည့် စာတမ်း၊ စာအုပ်များပင် ဖြစ်သည်။ ဤနေရာတွင် Bibliography နှင့် ကွဲပြားသောအချက်မှာ Bibliography သည် မိမိ၏ ဘွဲ့လွန်ကျမ်းနှင့် တိုက်ရိုက် မသက်ဆိုင်သော (ကိုးကားထားခြင်းမရှိသော) စာတမ်းစာရင်းပင် ဖြစ်သည်။ ဆိုလိုသည်မှာ မိမိဆောင်ရွက်ခဲ့သော သုတေသန၏ မတူသောရှုထောင့်၊ လုပ်ထုံးလုပ်နည်း များဖြင့် အခြားသူများက ဆောင်ရွက်ခဲ့ပြီးသော စာတမ်းများကို စုစည်းတင်ပြခြင်း ဖြစ်သည်။

ကျမ်းကိုးများအား စာရင်းပြုစုရာတွင် စာရေးသူအမည်များအား အက္ခရာ (alphabet) အစဉ်အတိုင်း (သို့မဟုတ်) ဘွဲ့လွန်ကျမ်းအားရေးသားရာတွင် ဖော်ပြခဲ့သော ကိုးကားချက် အစဉ်အတိုင်း ဖော်ပြခြင်းပြုနိုင်သည်။

၈။ နောက်ဆက်တွဲ

မည်သည့်အကြောင်းအရာများ ဤအခန်းတွင် ထည့်သွင်းသင့်သနည်း။

ပုံမှန်အားဖြင့် ဤအခန်း၌ ထည့်သွင်းသင့်သည့် အကြောင်းအရာများသည် စာတမ်းအကဲဖြတ်စစ်ဆေးသူများက သင်၏ တင်ပြချက်များအား ယုံကြည်လက်ခံစေရန် အတွက် အရေးကြီးသည့် အကြောင်းအရာများပင်ဖြစ်သည်။

သို့သော်လည်း စာကိုယ်၌် သင်၏ သုတေသနစာတမ်းတွင် အသုံးပြုခဲ့သော အရေးကြီးသည့် Data ဇယားများ၊ တွက်ချက်နည်းများ၊ Formula derivation များ နှင့် program lists များ ထည့်သွင်းပါက စာဖတ်သူ၏ စိတ်ဝင်စားမှု အားလျော့နည်းသွားစေနိုင်သည်။

သို့ဖြစ်၍ သင်၏ တင်ပြမှုအား ချောမွေ့စေရန် အတွက် ဘွဲ့လွန်ကျမ်းအားဖတ်ရှုရာတွင် နှောင့်နှေးစေသော အသေးစိတ် အကြောင်းအရာများအား ဘွဲ့လွန်ကျမ်း၏အဓိက စာကိုယ်၌ ဖော်ပြခြင်းမပြုပဲ ဤအခန်း၌ စုစည်း၍ဖော်ပြခြင်းဖြစ်သည်။


ဘွဲ့လွန်ကျမ်းတစ်စောင်၏ ပုံစံ(ဖော်ပြချက်) အကျဉ်းချုပ်

တစ်ဖန်ပြန်၍ ပြောရလျှင် ဘွဲ့လွန်ကျမ်းသည် သက်ဆိုင်ရာ တက္ကသိုလ်တစ်ခု၏ အသိအမှတ်ပြု စာတမ်း (အထောက်အထား)တစ်ခု ဖြစ်ပြီး အဓိက အရေးကြီးသော အချက်(၂)ချက် (အပိုင်း-၁ တွင်ဖော်ပြပြီး)အား ဖော်ပြနေခြင်းပင်ဖြစ်သည်။

အခန်း(၃) နှင့် (၄)သည် သုတေသန ပြုလုပ်သင့်သည့်(ဖြေရှင်းရန် လိုအပ်နေသည့်) အကြောင်းအရာကောင်း တစ်ခုအား ဖော်ပြပြီး အခန်း(၅)သည် ၎င်းအကြောင်းအရာအား သင်ကဖြေရှင်းပြီးဖြစ်ကြောင်း ဖော်ပြခြင်း ဖြစ်သည်။

အခန်း(၁) နှင့် (၂)သည် စာဖတ်သူအား သင်၏သုတေသနလုပ်ငန်းခွင်သို့ ဆွဲဆောင်ခေါ်ယူခြင်း ဖြစ်၍ အခန်း(၆)သည် သင့်သုတေသနမှ ရရှိသော အသီးအပွင့်များအား ဖော်ပြခြင်းပင် ဖြစ်ပေသည်။

သတိပြုရမည်မှာ အခြားသူများ ပြုလုပ်ခဲ့သော သုတေသန လုပ်ဆောင်ချက်များသည် သင်ပြုလုပ်ခဲ့သော သုတေသန လုပ်ဆောင်ချက် နှင့် ကွဲပြားခြားနားသည် ဟူသော အချက်ပင် ဖြစ်သည်။ ထိုအပြင် သင်သည် အခြားသူများ၏ သုတေသနလုပ်ဆောင်ချက်များ အားသိရှိထားခြင်း ရှိမရှိဆိုသည့် အချက်မှာလည်း အရေးပါသော အခန်းကဏ္ဍတစ်ရပ် အဖြစ်ပါဝင်သည်။ သို့ဖြစ်၍ အခန်း(၄)တွင် ဤအချက်များအား ဖော်ပြပေးခြင်းဖြစ်သည်။

(ဆက်လက်ဖော်ပြပါမည်။)

Thesis တစ်စောင် ဘယ်လိုရေးမလဲ(၃)

အခန်း(၄) သုတေသန၏ရည်ရွယ်ချက် အားဖော်ပြခြင်း

အင်ဂျင်နီယာဆိုင်ရာ ဘာသာရပ်များတွင် ဘွဲ့လွန်ကျမ်း ရေးသားရာ၌ သုတေသနပြုလုပ်ရခြင်း၏ “ရည်ရွယ်ချက်”အား “ပြဿနာ” အနေဖြင့် ရှာဖွေတင်ပြလေ့ရှိသည်။ သို့သော် အခြားဘာသာရပ်များ၌ “နားမလည်သေးသော မေးခွန်း” အားဖြေဆိုရန် ရည်ရွယ်ချက်ဖြင့် တင်ပြလေ့ရှိ၏။ မည်သည့်ပုံစံဖြင့်မဆို ဤအခန်း၌ အဓိက အချက်(၃)ချက်ပါဝင်သည်။

၁။ သင်၏ဘွဲ့လွန်ကျမ်းက ဖြေရှင်းမည့် ပြဿနာအား ကျစ်လျစ်ပြည့်စုံသော ဖော်ပြချက်၊
၂။ အခန်း(၃) ၌ ဖော်ပြခဲ့သော အချက်အလက်များအား ကိုးကား၍ သင်ဖြေရှင်းမည့် ပြဿနာသည် မည်သူမှ ဖြေရှင်းထားခြင်း မရှိသေးကြောင်း အကျိုးအကြောင်းဖြင့် ဖော်ပြချက်၊
၃။ မည်သည့်အတွက်ကြောင့် ဤပြဿနာအား ဖြေရှင်းရန် လိုအပ်ကြောင်း အား ဆွေးနွေးချက်၊ စသည်တို့ ဖြစ်သည်။

အထက်ဖော်ပြထားသော အချက်(၂) သည် အခန်း(၃)၌ သင်တင်ပြခဲ့သော အချက်အလက်များအား ခွဲခြမ်းစိတ်ဖြာသုံးသပ်မှု ဖြစ်သည်။ ဥပမာ- NP-complete ပြဿနာအား ဖြေရှင်းရန် ပိုမိုကောင်းမွန်သော နည်းလမ်းအသစ် တစ်ခုခုအား ဖော်ထုတ်မည် ဆိုပါစို့။ အခန်း(၃)၌ ဖော်ပြခဲ့သော ချဉ်းကပ်ပုံ နည်းလမ်းများ၏ အားနည်းချက်၊ အားသာချက်များအား နှိုင်းယှဉ်တင်ပြပြီး မည်သို့သော အခြေအနေ (တွက်ချက်ရန် (သို့) အဖြေထုတ်ရန် အချိန်ကာလ ကြာမြင့်ခြင်း၊ ပြဿနာအားလုံးအား မဖြေရှင်းနိုင်ခြင်း) တွင် ဖြေရှင်းရန် သင့်တော်မှု မရှိကြောင်း ရှင်းလင်း ပြသသင့်သည်။ ထို့နောက် အခန်း(၄)၏ နောက်ဆုံး အပိုင်း၌ သင်ဖော်ထုတ်မည့် နည်းလမ်းသည် မည်သို့မည်ပုံ အသုံးဝင်ကြောင်း ရှင်းလင်းဖော်ပြနိုင်သည်။
ဤသို့အားဖြင့် သင့်သုတေသန၏ ရည်ရွယ်ချက်အား သိရှိလိုသော စာဖတ်သူများအား ဤအခန်းမှ မီးမောင်းထိုးပြနိုင်မည် ဖြစ်ပေသည်။

အခန်း(၅)။ ဖြေရှင်းပုံ နည်းလမ်းအား ဖော်ပြခြင်း။

ဤအပိုင်း၌ ရေးသားမည့် ပုံစံသည် အတည်တကျမရှိပါ။ လိုအပ်သလို အခန်းခွဲများ ထည့်သွင်းနိုင်သည်။ သို့သော် အခန်းခွဲများတွင်ရေးသားမည့် ဦးတည်ချက်မှာ တစ်ခုတည်းပင်။ ဆိုလိုသည်မှာ အခန်း(၄)တွင် ဖော်ပြခဲ့သော ပြဿနာအား မည်သို့ဖြေရှင်းခဲ့ပုံ နှင့် စစ်ဆေးသူများ၏အကဲဖြတ် မေးခွန်းများ (Thesis တစ်စောင် ဘယ်လိုရေးမလဲ(၁) ၌ ဖော်ပြခဲ့ပြီး)ကို ပြေလည်ကြောင်း တင်ပြလိုသော ရည်ရွယ်ချက် ဖြစ်သည်။

သတိပြုရန်မှာ ပြဿနာအား ဖြေရှင်းနိုင်ခဲ့ပုံ နည်းလမ်းများနှင့် ပတ်သက်၍ ရှင်းလင်းတင်ပြရာတွင် တိုက်ရိုက် မသက်ဆိုင်သော အကြောင်းအရာများ (ဥပမာ- မိမိ လမ်းလွဲရောက်ခဲ့ပုံ၊ မျှော်လင့်ထားသည့် အဖြေမရ၍ ဒုက္ခရောက်ခဲ့ရပုံများ) အား ထည့်သွင်းခြင်းမပြုပါနှင့်။ ဘွဲ့လွန်ကျမ်းဆိုသည်မှာ ရသစာပေတစ်ပုဒ် ရေးသားခြင်း မဟုတ်ပါ။ သို့ဖြစ်၍ မိမိ၏ စိတ်ခံစားမှု ဆိုင်ရာ အကြောင်းအရာများအား ဤအခန်း၌ ထည့်သွင်းခြင်းမပြုရန် လိုအပ်သည်။

အခန်း(၆)။ နိဂုံး

ဤအခန်း၌ အပိုင်း(၃)ပိုင်း ပါဝင်သည်။

၁။ မိမိတွေ့ရှိချက်များအပေါ်၌ သုံးသပ်တင်ပြခြင်း။ (Conclusions)
၂။ သုတေသနရလဒ်၏ အကျိုးဖြစ်ထွန်းမှု အနှစ်ချုပ်။ (Summary of Contributions)
၃။ ဤသုတေသနမှ ဆက်လက်လုပ်ဆောင်နိုင်မည့် လမ်းကြောင်းများ။ (Future Research)

၁) အပိုင်း(၁) သည်သင်၏သုတေသန လုပ်ဆောင်ချက် တစ်ခုလုံးအား လိုရင်းတိုရှင်း သုံးသပ်တင်ပြ ခြင်းပင်ဖြစ်သည်။ မိမိတင်ပြလိုသည့် အရေးကြီးဆုံးအချက်မှ စတင်၍ အစဉ်အတိုင်းရေးသားကာ စာပိုဒ်ငယ်များ ခွဲခြား၍ တင်ပြနိုင်သည်။ သုံးသပ်ချက်အားလုံးသည် သုတေသနမေးခွန်း (သို့) ပြဿနာ နှင့် တိုက်ရိုက် ပတ်သက်နေသင့်သည်။
ဥပမာ- (က) အခန်း(၄)၌ ဖော်ပြခဲ့သော ပြဿနာအား အခန်း(.....) မှ အခန်း (.....) အတွင်း ဖြေရှင်းပြခဲ့ပါသည်။
(ခ) ပြဿနာအား ဖြေရှင်းရန် အဓိက လုပ်ထုံးလုပ်နည်းမှာ .........ဖြစ်ပါသည်။
စသည်ဖြင့်.....

၂) ဤအပိုင်းသည် သင်၏လုပ်ဆောင်မှုမှ ရရှိသော အကျိုးဖြစ်ထွန်းမှုများ၏ အနှစ်ချုပ်အား စုစည်းတင်ပြခြင်း ဖြစ်သည်။ သို့ဖြစ်၍ ဤအပိုင်းသည် ဘွဲ့လွန်ကျမ်းအား အကဲဖြတ်သူများ၏ အထူးအာရုံစိုက်ရာ အခန်းကဏ္ဍ ဖြစ်သည်။ အပိုင်း(၂)သည် အပိုင်း(၁) နှင့် တစ်စိတ်တစ်ပိုင်း အားဖြင့် ရံဖန်ရံခါ ထပ်တူညီနေလေ့ရှိသည်။ သင်၏အသစ် ရှာဖွေတွေ့ရှိချက်များအား အရေးကြီးမှု အလိုက်အမှတ်စဉ်တပ်၍ (သို့) စာပိုဒ်ငယ်များ ခွဲ၍ ဖော်ပြခြင်းမှာ အကောင်းဆုံးဖြစ်သည်။
ဥပမာ- (က) NP-complete ပြဿနာအား ပိုမိုမြန်ဆန်စွာဖြင့် တွက်ချက်နိုင်သည့် နည်လမ်းကို ဖော်ထုတ်နိုင်ခဲ့ခြင်း၊
(ခ) မည်ကဲ့သို့ မြန်ဆန်စွာ တွက်ချက်နိုင်သည်ကို သက်သေသာဓကဖြင့် ထင်ရှားစွာ ပြသခဲ့ခြင်း၊
စသည်ဖြင့်....

၃) ဤအပိုင်း၌ အခြားသုတေသီများက သင်၏တွေ့ရှိချက်ကိုအခြေခံ၍ ပညာရပ်ဆိုင်ရာ တိုးတက် ပြန့်ပွား စေရန်အတွက် ဆက်လက် သုတေသနပြုရန် နည်းလမ်းများ၊ အတွေးအခေါ် အယူအဆများအား စာပိုဒ်ငယ်များ ခွဲကာကျစ်လစ်စွာ တင်ပြပေးသင့်သည်။

figure is cited from "Enjoy Writing Your Science Thesis or Dissertation" by Daniel Holtom & Elizabeth Fishter.

(ဆက်လက်ဖော်ပြပါမည်။)

Thesis တစ်စောင် ဘယ်လိုရေးမလဲ(၂)

ဘွဲ့လွန်ကျမ်းတစ်စောင်၏ ယေဘုယျ ပုံစံ

အခန်း ၁။ နိဒါန်း (Introduction)

ပထမဆုံး အခန်းသည် ဘွဲ့လွန်ကျမ်းတွင်ပါဝင်မည့် အခန်းကဏ္ဍတစ်ခုချင်း၏ အကြောင်းအရာများကိုသာ ဖော်ပြရုံမျှသာမဟုတ်ပဲ ဘွဲ့လွန်ကျမ်း၏ အကြောင်းအရာတစ်ခုလုံးကို ခြုံငုံဖော်ပြရမည့် အခန်းကဏ္ဍတစ်ရပ်ပင် ဖြစ်သည်။ သင်၏ ဘွဲ့လွန်စာတမ်း ကဖြေရှင်းပေးမည့် မေးခွန်း(သို့) ပြဿနာ အား အကျဉ်းချုံး ဖော်ပြပြီး (ထိုပြဿနာအား နောက်အခန်းများ၌ အသေးစိတ် တင်ပြရန်) မည်သည့်အတွက်ကြောင့် သင်ရှာဖွေခဲ့သော မေးခွန်း (သို့) ပြဿနာသည် ဖြေရှင်းရန် သင့်လျော်ကြောင်း အကြောင်းပြချက် နှင့် သင့်အဖြေများအား ခြုံငုံသုံးသပ်ချက် များ တင်ပြပေးရမည်။ ဆိုလိုသည်မှာ စာဖတ်သူက သင်၏ဘွဲ့လွန်စာတမ်းက ဖြေရှင်းပေးမည့် မေးခွန်းများအား အလွယ်တကူ နားလည်အကဲဖြတ်နိုင်စေရန် ဖြစ်သည်။

အခန်း ၂။ နောက်ခံ အကြောင်းအရာ (လိုအပ်လျှင်ထည့်ရန်)
(Background Information (optional))

အကယ်၍ သင်သည် ကွဲပြားသည့် အကြောင်းအရာ၊ အခြား ဘာသာရပ် နှင့် ဆက်စပ်၍ သုတေသန လုပ်ခဲ့သည် ဆိုပါက ထိုအကြောင်းအရာများ၏ နောက်ခံ သတင်းအချက်အလက်များအား ဤအခန်းတွင် ရေးသားနိုင်သည်။ ဆိုလိုချက်မှာ စာဖတ်သူနှင့် မရင်းနှီးသေးသည့် အကြောင်းအရာ များအား နားလည် သဘောပေါက်စေရန် ဖြစ်သည်။ ဥပမာအားဖြင့် "A Brief Review of ........" ဟူ၍ ခေါင်းစဉ် ပေးနိုင်သည်။

အခန်း ၃။ ပညာရပ်အား ပြန်လည်သုံးသပ်ခြင်း (Review of the State of the Art)

သင့်ဘွဲ့လွန်စာတမ်း နှင့်ဆက်စပ်နေသည့် မျက်မှောက်ခေတ်တွင် ပေါ်ထွန်းနေပြီးဖြစ်သော နည်းပညာများ နှင့် အတွေးအခေါ်များအား ပြန်လည် သုံးသပ် တင်ပြနိုင်ရမည်။ ထို့နောက် ထိုတင်ပြချက် (မိမိ၏ အတွေးအခေါ်မပါဝင်ပါ) မှ ဤကဲ့သို့ခေါင်းစဉ် ပေးနိုင်သည်။ ဥပမာ- "State of the Art in NP-complete"

ဤအခန်း၌ မည်သို့တွေးခေါ်ယူဆခဲ့သည် ဆိုသည့် အချက်ကိုသာ အလေးပေးဖော်ပြသင့်သည်။
(ဆိုလိုသည်မှာ မိမိကိုးကားခဲ့သည့် စာတမ်းများ၊ စာတမ်းပြုစုသူများ အားဖြင့် အခန်းကဏ္ဍခွဲခြင်းမဟုတ်ပဲ ၎င်းတို့၏ စဉ်းစားတွေးခေါ်ပုံ ဖြင့်စုစည်းတင်ပြခြင်း)
ဥပမာ၊ NP-complete ပြဿနာအားဖြေရှင်းရန် ချဉ်းကပ်ပုံများမှာ-

3.1 Approximation: Instead of searching for an optimal solution, search for an "almost" optimal one.
3.2 Randomization: Use randomness to get a faster average running time, and allow the algorithm to fail with some small probability. See Monte Carlo method.
3.3 Restriction: By restricting the structure of the input (e.g., to planar graphs), faster algorithms are usually possible.
3.4 Parameterization: Often there are fast algorithms if certain parameters of the input are fixed.
3.5 Heuristic: An algorithm that works "reasonably well" in many cases, but for which there is no proof that it is both always fast and always produces a good result. Metaheuristic approaches are often used.

(ဆက်လက်ဖော်ပြပါမည်။)

Thesis တစ်စောင် ဘယ်လိုရေးမလဲ(၁)

How to Organize Thesis?

ဘွဲ့လွန်ကျမ်း တစ်စောင်ရေးခြင်း ဆိုသည်မှာ ဘွဲ့လွန်ဒီဂရီတစ်ခု ရရှိရန်အတွက် အဓိကအရေးပါသော အခန်းကဏ္ဍတစ်ရပ် ဖြစ်ပါသည်။


ဘွဲ့လွန်ကျမ်း တစ်စောင် ရေးနိုင်ရန် ပထမဆုံးအနေဖြင့် သုတေသနပြုသူသည် သုတေသန၏ လုပ်ငန်းစဉ် အဆင့်ဆင့်ကို သိရှိနားလည်ရန် လိုအပ်ပါသည်။ ထို့ကြောင့် ဤဆောင်းပါးသည် ယခုမှစ၍ ဘွဲ့လွန် သုတေသန စတင်လုပ်ဆောင်နေသူများ အတွက်ပါမက ဘွဲ့လွန်ကျမ်း (သို့) သုတေသနစာတမ်းအား စတင် ရေးသားတော့မည့် သူများအတွက်ပါ အသုံးဝင်မည်ဟု မျှော်လင့်ပါသည်။

ဘွဲ့လွန် သုတေသနလုပ်ငန်းဆိုသည်မှာ--

မိမိပြုလုပ်နေသောဘွဲ့လွန် သုတေသနလုပ်ငန်းသည် မိမိ၏ ကိုယ်ပိုင် အတွေးအခေါ် အယူအဆကို ဖော်ပြနိုင်ပြီး သက်ဆိုင်ရာ ဘာသာရပ်၏ အသိပညာ တိုးတက် ဖွံ့ဖြိုးမှု၌ အထောက်အကူပြုကြောင်း ပြသနိုင်ရမည် ဖြစ်သည်။ သို့ဖြစ်ပါ၍ ဘွဲ့လွန်ကျမ်းတစ်စောင် ရေးသားရခြင်းရဲ့ ရည်ရွယ်ချက်သည် မိမိ၏ ကိုယ်ပိုင် အတွေးအခေါ် နှင့် လုပ်ဆောင်နိုင်မှု ကိုပြသနိုင်ရန် အလို့ငှာ သက်ဆိုင်ရာ တက္ကသိုလ်တစ်ခု၏ အသိအမှတ်ပြု စာတမ်း (အထောက်အထား)ပင် ဖြစ်ပါသည်။ ဆိုလိုသည်မှာ ထိုကဲ့သို့ လုပ်ဆောင်နိုင်မှုအား မပြသနိုင်ပါက (ဘွဲ့လွန်ကျမ်းတစ်စောင် မရေးသားနိုင်ပါက) ဘာသာရပ်ဆိုင်ရာ အသိပညာတိုးတက်ဖွံ့ဖြိုးမှု မှာ အထောက်အကူပြုသည်ဟု မဆိုနိုင်ပါ။

သို့ဖြစ်၍ သင့်၏ သုတေသနစာတမ်း၌ အောက်ပါ အရေးကြီးသော အချက် ၂ ချက်ဖြင့် ပြည့်စုံရန်လိုအပ်သည်။

၁။ သင်သည် မည်သူမှ မဖြေရှင်းနိုင်သေးသော (အဖြေမပေးနိုင်သော) ပြဿနာ (သို့) မေးခွန်းတစ်ခုအား ရှာဖွေတင်ပြနိုင်ရမည်။
၂။ ထိုပြဿနာ (သို့) မေးခွန်းအား ဖြေရှင်းနိုင်ရမည် (အဖြေပေးနိုင်ရမည်။)

မည်သို့သော အတိုင်းအတာထိ ပညာရပ်ဆိုင်ရာတိုးတက်မှု၌ အကျိုးပြုသည် ဆိုသည်မှာ သင်၏ အဖြေသုံးသပ်ချက်ပေါ်၌ မူတည်နေ၏။

ဘွဲ့လွန်ကျမ်းဆိုသည်မှာ--

ဘွဲ့လွန်ကျမ်း၏ ရည်ရွယ်ချက်မှာ သင်၏ မူလဖန်တီးနိုင်စွမ်းရည် အားပြသခြင်းပင်ဖြစ်သည်။ စစ်ဆေးသူများသည် အောက်ပါ မေးခွန်းများအပေါ် အခြေခံ၍ အဖြေရှာကာ သင်၏ ဘွဲ့လွန်ကျမ်း အားအကဲဖြတ်ခြင်း ဖြစ်ပါသည်။

• ကျောင်းသားရဲ့သုတေသနလုပ်ဆောင်သော ပြဿနာဟာ ဘာလဲ။ (ဘာ့ကြောင့် ဒီသုတေသနကို လုပ်ဖို့ လိုအပ်တာလဲ။)
• ဒီပြဿနာဟာအတွက် အရင်က အဖြေရှိခဲ့ပြီးပြီလား။ ဒါမှမဟုတ် ရှေ့ဆက်လုပ်လို့ရမဲ့ အလုပ်တွေအတွက် အသုံးဝင်နိုင်မဲ့ ပြဿနာကောင်းတစ်ခုလား။
• ကျောင်းသားဟာ အဲဒီပြဿနာအတွက် အဖြေကို ပြည့်စုံစွာ တင်ပြခဲ့သလား။
• ကျောင်းသားရဲ့ လုပ်ဆောင်ချက်ဟာ ပညာရပ်နဲ့ ပတ်သက်တဲ့ အသိပညာတွေမှာ အထောက်အကူ ပြုခဲ့ပါသလား။

ဆိုလိုချက်မှာ ရှင်းပါသည်။ သင်သည် သင်၏မူလဖန်တီးနိုင်စွမ်းရည် အားပြသနိုင်ရမည် ဖြစ်ကာ အသိပညာ ဖွံ့ဖြိုးတိုးတက်မှု အတွက် အကျိုးသက်ရောက်သော အဖြေများကို ပြန်လည်ဖြန့်ဝေ ပေးနိုင်ရမည်ဟု ဆိုလိုပါသည်။

သင်၏ မူလဖန်တီးနိုင်စွမ်းကို မည်သို့ပြသမည်နည်း။

သင်သည် သင်၏ ဘာသာရပ်နှင့်ပတ်သက်သော ဆက်စပ်လေ့လာသင့်သည့် စာပေများ၊ ဘာသာရပ်နှင့် ဆက်နွယ်မှုရှိသော စာပေများကို လေ့လာထားကြောင်း ပြသနိုင်ရမည်။ ထို့နောက် ၎င်းစာပေများအား ပြန်လည်ကိုးကားကာ သင်၏အဖြေသည် မည်သူမှ ဖြေရှင်းထားသောသူ မရှိသေးသော အဖြေ ဖြစ်ကြောင်း သက်သေပြနိုင်ရမည်။ သင်သည် သင့်၏အဖြေအား မည်သို့မည်ပုံ ရှာဖွေခဲ့ရသည် ဆိုသည်ကို ရေးသားနိုင်သည်။ ဤသို့ဖြင့် သင့်၏ ဘာသာရပ်ဆိုင်ရာ အသေးစိတ်လေ့လာမှု၊ နားလည်မှု နှင့် ရင်းနှီးကျွမ်းဝင်မှုအား ဖော်ပြနိုင်ပါသည်။

တကယ်၍ သင်၏ ဘွဲ့လွန်ကျမ်း သည် အထက်ပါ စစ်ဆေးသူများ၏ မေးခွန်းများအား တိကျစွာ ဖြေဆိုနိုင်ခြင်း မရှိပါက သင်သည် သင်၏ Thesis defence မှာ ရှုံးနိမ့်တော့မည် ဟု ပြောနိုင်ပါသည်။ ထို့ကြောင့် အထက်၌ ဖော်ပြခဲ့သော မေးခွန်းများပေါ်၌ အခြေခံပြီး ဘွဲ့လွန်ကျမ်းတွင် ပါဝင်ရမည့် အဓိကအရေးပါသော အခန်းကဏ္ဍ များအားဆက်လက်တင်ပြသွားမည် ဖြစ်ပါသည်။

သင်သည် ဘွဲ့လွန်ကျမ်းတစ်စောင်ဆိုသည်မှာ သက်ဆိုင်ရာ တက္ကသိုလ်တစ်ခု၏ “တရားဝင်အသိအမှတ်ပြု စာတမ်းတစ်စောင်” ဆိုသည့်အချက်အား သတိရရန်လိုအပ်သည်။ ထို့ကြောင့်ဘွဲ့လွန်ကျမ်းတွင် ပါဝင်မည့် အခန်းကဏ္ဍများအား စနစ်တကျ နှင့် ကျစ်လျစ်စွာ ဖော်ပြနိုင်ရမည် ဖြစ်သည်။

မှတ်ချက်။ Prof. John W.Chinneck, Dept. of Systems and Computer Engineering, Carleton University Ottawa, Canada ရေးသားသော "How to organize Thesis" ဆောင်းပါးအား ဘာသာပြန်သည်။

(ဆက်လက်ဖော်ပြပါမည်။)

တိုကျို မြို့တွင် ပေါ်ပေါက်လာတော့မည့် ထေရ၀ါဒဗုဒ္ဓဘာသာ ကျောင်းသစ်

အသစ်ပေါ်ပေါက်လာတော့မည့် မြန်မာဘုန်းတော်ကြီး (၃)ထပ်ကျောင်းပုံ

သူငယ်ချင်း တစ်ယောက်ရဲ့ forward mail ကနေတစ်ဆင့် ဂျပန်နိုင်ငံ တိုကျိုမြို့မှာ ထေရ၀ါဒဗုဒ္ဓဘာ ဘုန်းတော်ကြီးကျောင်း တစ်ကျောင်းပေါ်ထွန်းလာတော့မယ် ဆိုတာ သိခဲ့ရပါတယ်။ ဂျပန်နိုင်ငံမှာ မြန်မာဗုဒ္ဓဘာသာ ဘုန်းတော်ကြီးကျောင်းဆိုလို့ ဂျပန်နိုင်ငံ တောင်ပိုင်း Kyushu မြို့မှာ ကမ္ဘာအေးစေတီတော်နဲ့ အတူ တည်ရှိတယ်လို့ သိရပါတယ်။

မြို့တော်တိုကျိုမှာ အလုပ်လုပ်နေကြသူ၊ ကျောင်းတက်နေကြသူ မြန်မာလူမျိုးတွေ မြောက်မြားစွာ ရှိပေမဲ့ ဘုန်းတော်ကြီးကျောင်း အင်္ဂါရပ် နဲ့ ပြည့်စုံတဲ့ မြန်မာဘုန်းကြီးကျောင်းရယ်လို့ မရှိခဲ့ပါဘူး။

အခုလို တိုကျိုမြို့မှာ မြန်မာဗုဒ္ဓဘာသာဘုန်းကြီးကျောင်း တစ်ကျောင်းပေါ်ပေါက်လာတော့မယ် ဆိုတာ သိရလို့ ၀မ်းမြောက်မိပါတယ်။

ဘုန်းတော်ကြီးကျောင်းတိုက် နေရာအတွက် (၃)ထပ်အဆောက်အဦ တစ်ခုကို ၀ယ်ယူရန် စရန်သတ် ထားပြီးပြီလို့ သိရပါတယ်။ အလှူငွေ ယန်းသောင်း၁၅၀၀ ရရှိပြီးဖြစ်ပြီး ယန်းသောင်း၂၀၀၀ခန့် ထပ်မံ လိုအပ်နေပါတယ်။ ၂၀၀၉ ဇန်န၀ါရီ ၃၁ရက် နောက်ဆုံးထားပြီး ငွေပေးချေရမှာ ဖြစ်တယ်လို့ သိရပါတယ်။ အကြောင်းအရာ အသေးစိတ်ကို အောက်က Pamphlet မှာဖတ်နိုင်ပါတယ်ရှင်။

ဒီအကြောင်းကို မသိရှိကြသေးတဲ့ စာဖတ်သူများလဲ သိရှိပြီး ကြုံကြိုက်တုန်းမှာ သဒ္ဓါတတ်အား နည်းများမဆို ပါဝင်လှူဒါန်းကုသိုလ်ယူနိုင်ဖို့ ဘုန်းတော်ကြီးကျောင်း ဖြစ်မြောက်ရေးအဖွဲ့မှ တာဝန်ရှိသူတစ်ယောက်ဆီမှာ ခွင့်တောင်းပြီး အဲဒီဘုန်းကြီးကျောင်းနဲ့ ပါတ်သက်တဲ့ သတင်းလေးကို ဖော်ပြပေးပါရစေ။

မေ့ပစ်လိုက်မယ်....Year End Party (忘年会）၂၀၀၈

မြစ်တစ်ခုမှာ ရေနှစ်ခါချိုးလို့ မရဘူးတဲ့။ ဘယ်နှစ်ခါ ချိုးချိုးရတာပဲဟာ- ဘာကြောင့်ပါလိမ့် လို့စဉ်းစားမိဖူးတယ်။ စီးဆင်းသွားတဲ့ ရေတွေနေရာမှာ ရေသစ်တွေက အစားထိုး ၀င်ယူနေကြတယ်။ ရေသစ်တွေဟာ တစ်ခဏတာမှာ ရေဟောင်းဖြစ်သွားပြန်ပြီး သူ့နေရာမှာ ရေသစ်တွေ အစားထိုးပြန်ပါတယ်။ တကယ်တော့ ဒီဖြစ်စဉ်ဟာ တစ်ဆက်တည်းပါပဲ။
ဒီလိုပဲ ၂၀၀၈ခုနှစ်ဟာလဲ တစ်ခဏတာအတွင်းမှာ ကုန်ဆုံးခဲ့ပြန်ပါပြီ။

နိုင်ငံ အတော်များများမှာ နှစ်သစ်ကူးပွဲတော် ကိုကျင်းပလေ့ရှိကြတယ်။ ဂျပန်မှာတော့ နှစ်သစ်ကူးပွဲတော်ထက် Bounenkai (忘年会） လို့ခေါ်တဲ့ နှစ်ဆုံးပွဲတော် (Year End Party) ကို ကျင်းပတာပိုပြီး ရေပန်းစားပါတယ်။

忘 = မေ့သည် ။ 年 = နှစ် ၊ 会= ပွဲ၊ တွေ့ဆုံပွဲ လို့ အဓိပ္ပာယ် ရပါတယ်။ နှစ်တစ်နှစ်မှာ ကိုယ်ခံစားခဲ့ရတဲ့ ဒုက္ခတွေ၊ မကောင်းတဲ့ အတွေးတွေ၊ စိတ်မချမ်းမြေ့စရာတွေ၊ ကိုယ်မေ့ပစ်ချင်တဲ့ အရာတွေကို နှစ်ဆုံးမှာ မေ့ပစ်လိုက်ပြီး၊ နှစ်သစ်မှာ လူသစ် စိတ်သစ်နဲ့ တစ်ဖန်ပြန်လည် ကြိုးစားရအုန်းမယ် ၊ နှစ်သစ်ကို လူသစ်စိတ်သစ်နဲ့ ကြိုဆိုမယ် ဆိုတဲ့ ရည်ရွယ်ချက်တွေနဲ့ ကျင်းပကြတာတဲ့။

နှစ်စဉ် ဒီဇင်ဘာလရောက်ရင် သူငယ်ချင်းတွေ၊ အသင်းအဖွဲ့ တွေ စုစည်းပြီး စားကြသောက်ကြတဲ့ ပွဲပါပဲ။

ကျွန်မတို့ Lab ကတော့ နှစ်စဉ်နှစ်တိုင်း ရေပူစမ်း ဒါမှမဟုတ် Ski ရှိတဲ့ နေရာတစ်ခုခုကို တစ်ညအိပ်သွားပြီး Bounenkai Party ကို ကျင်းပကြပါတယ်။ ကျွန်မရဲ့ဆရာတွေလဲ လိုက်ကြတယ်။ Master 1st year ကျောင်းသားတွေက သွားမဲ့ နေရာကိုရွေးချယ်ပြီး အစစအရာရာ စီစဉ်ကြရတယ်။ အရင်နှစ်က Yamgata Ken က Yonezawa မြို့ကိုသွားခဲ့ကြတယ်။

ဒီနှစ်တော့ Iwate Ken က Hanamaki ဆိုတဲ့ မြို့က ရေပူစမ်းကို သွားခဲ့ကြပါတယ်။ ရေပူစမ်းရှိတဲ့ ဟိုတယ်ကိုသွားပြီး အတူတကွ Japanese style ညစာစား၊ ညပိုင်းကျရင် game တွေဆော့လိုက်၊ ရေပူစမ်းစိမ်လိုက်၊ သောက်တဲ့သူတွေကလဲ သောက်နဲ့ အပန်းဖြေကြတာပါ။

နှစ်တစ်နှစ်မှာ မကောင်းတဲ့အခြေအနေတွေကို မေ့ပစ်တဲ့ပွဲ ဆိုတော့ ဘာတွေမေ့ပစ်ရမလဲ၊ မေ့ပစ်သင့်သလဲ ဆိုတာ စဉ်းစားမိပါတယ်။ ကျွန်မရဲ့ ဂျပန်သူငယ်ချင်း အချို့ကို မေးကြည့်ခဲ့ပါတယ်။ “ဘာတွေမေ့ပစ်သလဲ”လို့။
သူတို့ပြောတာကတော့ စိတ်မကောင်းဖြစ်ခဲ့ရတဲ့ အကြောင်းတွေ၊ ကိုယ့်အတွက် ကံဆိုးစေခဲ့တဲ့ အမျိုးမျိုးသော အကြောင်းတွေ၊ ကိုယ်မကြိုက်တဲ့သူတွေ ကို မေ့ပစ်တာပေါ့ လို့ပြောကြပါတယ်။

ကျွန်မအနေနဲ့ကတော့ မိမိရဲ့ မကောင်းတဲ့ အလေ့အကျင့်တွေကို မေ့ပျောက်ပြီး ဒီနှစ်သစ်ကစလို့ ဒီလိုခံယူချက် တွေနဲ့ ဒီလိုတစ်ဖန်ပြန်ပြီး ကြိုးစားရအုန်းမယ် ဆိုတဲ့ စိတ်ခွန်အားတစ်ခုကို မွေးဖွားဖို့ ဆုံးဖြတ်ချက် ချခဲ့မိပါတယ်။
အဲဒါတွေကတော့...

၁။ မကြာခဏ ၀မ်းနည်းနေတတ်တဲ့ စိတ်။ (ဖေဖေ၊ မေမေ့အိမ်ကို လွမ်းလို့ပါ...ကမ္ဘာပေါ်မှာရှိတဲ့ သန်းပေါင်းများစွာသော လူသားတွေထဲမှာ အမျိုးမျိုးသောအကြောင်းများနဲ့ မိသားစုနဲ့ ကွေကွဲခြင်း၊ ချစ်သူခင်သူများနဲ့ ကွေကွဲခြင်း ဆိုတဲ့ ဒုက္ခတွေနဲ့ ရင်ဆိုင်နေရတဲ့ လူသားတွေနဲ့ မိမိကိုယ်ကို နှိုင်းယှဉ် ကြည့်ရန်။)

၂။ တစ်နေ့လုံး ဘာအလုပ်မှ ဖြစ်ဖြစ်မြောက်မြောက်မပြီးပဲ ကွန်ပြူတာရှေ့မှာ တွေဝေနေတတ်တာ။
(တစ်နေ့တာ အကျိုးရှိအောင် နေဖို့လေ့ကျင့်ရန် ... ဒါန၊ သီလ၊ ဘာဝနာ၊ ဥာဏ်၊ ၀ီရိယ ..တစ်ခုခုကို လောကီ၊ လောကုတ္တရာ နှစ်ဖြာ အကျိုးရှိအောင် သုံးတတ်ဖို့ လေ့ကျင့်ရန်။)

၃။ နောက်မှ...နောက်မှ...ဆိုပြီး အချိန်ဆွဲနေတာ။ (အချိန်နှင့် ဒီရေသည်လူကိုမစောင့်..ဆိုသော စကားပုံကို လက်ကိုင်ထား၍ သတိတရားရှိရန်။)

၎။ Seminar တွေမှာ မေးခွန်းအမေးခံရတဲ့ အချိန် ပြန်မဖြေနိုင်ခဲ့တဲ့ အခြေအနေတွေ။ (နောက်seminarတွေ မှာ ဖြေနိုင်အောင် ကြိုးစားရမယ်။ ဘယ်လိုပြင်ဆင်ရမယ် ဆိုတာပဲတွေးတောရန်)

၅။ အသက်ကြီးလာလို့ ဦးနှောက် ရဲ့ မှတ်ဥာဏ်စွမ်းအား မကောင်းတော့လို့ ဆိုတဲ့ အကြောင်းပြချက်၊ တက္ကသိုလ်တွေအကြာကြီး ပိတ်ထားခဲ့ရလို့ စာတွေမေ့ကုန်တာ၊ အခြေခံတွေမကျေညက်တာ၊ တစ်နှစ်အပြည့်မတက်ရပဲ ဘွဲ့ရခဲ့လို့၊ သင်ကြားနည်းနဲ့ သင်ရိုးညွှန်းတမ်း မတူခဲ့လို့..စသဖြင့် ၊ စသဖြင့် ကိုယ့်ကိုယ်ကို ဆင်ခြေပေးတတ်တာ။ (မိမိကိုယ်ကို ယုံကြည်မှုအပြည့်ထားပြီး သူတို့လိုတော်အောင် ကြိုးစားရန်။ ဆန္ဒကြီးလျှင် အကြံပြီး၏။)

၆။ သုတေသနရဲ့စိတ်ဖိစီးမှုဒဏ်ခံရတာ။ (မှန်မှန်အိပ်၊ မှန်မှန်စားပြီး မှန်မှန် အလုပ်လုပ်၍ ကိုယ်စိတ်နှစ်ပါး ကျန်းမာအောင် လေ့ကျင့်ပြီး စိတ်ဖိစီးမှုမှ စိတ်ကြည်နူးမှု အဖြစ်သို့ ကြိုးစား အသွင်ပြောင်းရန်။)

၇။ ကိုယ်လဲ မသောက်တတ်ပဲနဲ့ ဂျပန်သူငယ်ချင်းတွေနဲ့ ည၁၂ နာရီကျော်တဲ့ အထိ Nomikai(စားပွဲသောက်ပွဲ) လိုက်ထိုင်တတ်တာ။ (မလိုအပ်လျှင် အားမနာပဲ ငြင်းဆိုရန်.. ..အရေးကြီးဧည့်သည် လာသည့် အချိန်မှ လွဲ၍)

၈။ အိပ်ရာထ နောက်ကျတာ။ (ပျင်းရိခြင်းတစ်ပါး ဖြစ်ပါသည်။ ချမ်းလွန်းလို့..ဆိုတာအကြောင်းမပြရန်။ တစ်နေ့အိပ်ချိန် ၆နာရီလောက်ဆို လုံလောက်တယ်။)

အဲဒီလို စိတ်မျိုး၊ အတွေးမျိုး၊ အကျင့်မျိုးရှိတဲ့ ကျွန်မကိုယ် ကျွန်မမေ့ပစ်လိုက်ပါမယ်။ ( ) ထဲက ဆုံးဖြတ်ချက် တွေကို ကြိုးစားလိုက်နာပြီး စိတ်ခွန်အားမွေးပါမယ်။
ကျွန်မရဲ့ လက်ရှိတာဝန်ကတော့ သုတေသနလုပ်ဆောင်ရန်၊ မပြီးဆုံးနိုင်သော ပညာရပ်များကို ဆည်းပူးလေ့လာရန်၊ ပဲဖြစ်ပါတယ်။

Year End Party အကြောင်းကို ၂၀၀၈နှစ်မကုန်ခင်ကတည်းက ရေးဖို့ စိတ်ကူးရှိခဲ့ပေမဲ့ အခုမှပဲ ပို့စ်တင် ဖြစ်သွားပါတယ်။
စာဖတ်သူများလဲ ၂၀၀၉ နှစ်သစ်မှာ လူသစ်၊ စိတ်အင်အား အသစ် နဲ့ မိမိရဲ့ ကျရာတာဝန်များကို စိတ်ချမ်းမြေ့စွာ ထမ်းရွက်နိုင်ကြသူများ ဖြစ်ကြပါစေရှင်။

ဒီပုံလေးက Hanamaki, Iwate Prefecture ကအပြန်လမ်းမှာ ကားပေါ်ကနေလှမ်းရိုက်လိုက်တာပါ။ အဲဒီနေ့က နေ့ခင်းအပူချိန် သုညဒီဂရီစင်တီဂရိတ်ပေါ့။
ု

Happy 2009!

I would like to show some Myanmar foods that I cooked as the new year presents for you. :D